上星期約左朋友來呢間位於銅鑼灣嘅蟹仙食海鮮蒸氣石鍋，以蒸氣石鍋去蒸海鮮，更可食到海鮮嘅鮮味！原汁原味更好味！ 仲有專人幫手去計時蒸唔同嘅海鮮呢， 我地揀咗尊貴海鮮套餐（$449/位）， (粥底及醬油費$15/位) ，一共有十款食物！ 包括: 🔸野生膏仔蟹/罕有藻食綠膏蟹 🔸太平洋饅頭蟹/台灣花尾龍躉片 🔸野生琵琶龍蝦/澳洲青年龍蝦 🔸台灣九孔鮑魚 🔸大西洋野生青口(當日冇貨轉成蟶子) 🔸加拿大野生海虎蝦 🔸 韓國釜山珍珠蠔 🔸紐西蘭刀貝蚌/紐西蘭月亮貝/ 黃金翡翠螺/蟹皇大元貝(4揀2) 🔸有機蔬菜籃 特別推介幾款必試！ 🐚蟹皇大元貝 大元貝大大隻，味道好鮮甜又彈牙， 加上蟹皇💛，鮮味更奢華呀！ 🦪台灣九孔鮑魚 鮑魚好新鮮，未蒸前仲好生猛， 口感彈牙，肉質鮮美！ 🧡野生琵琶龍蝦 第一次見呢款琵琶龍蝦，樣子雖然冇一般 龍蝦咁靚，但食落肉質彈牙爽甜，值得試試！ 🦐加拿大野生海虎蝦 海虎蝦口感彈牙，肉質鮮嫩！ 食到最後仲有一個匯聚海鮮精華嘅粥底， 粥底超鮮味的！另外仲有糖水送， 當日係另外椰汁雪燕，香甜又滋潤呀！

今次去左這間榮獲7年新加坡 米芝蓮一星餐廳嘅莆田， 佢哋而家做緊蟶子節， $219可以任選兩道蟶子菜式， 性價比好高！啱晒蟶子控呀🤗 🧡鐵板鹽焗蟶 呢個係連續7年嘅銷量冠軍， 蟶子入口夠鮮嫩又飽滿， 用鹽上焗更食到蟶子的鮮味！ 💛椒鹽哆頭蟶 將蟶子同茶樹菇炸至金黃酥脆， 再撒上椒鹽，係香口之選，好惹味呀！ ❤️莆田荔枝肉 $98(例) 食落酸酸甜甜，係福建傳統名菜， 仲有粒粒香甜荔枝肉呢！ 💗石鍋滑豆腐 $98(例) 以石鍋現煎，豆腐外焦裏嫩， 味道香濃，帶點微辣，好啱餸飯食呀！ 💚興化炒米粉 $118(例) 米粉炒得幾好，加上配料豐富， 如蝦、冬菇片、紫菜、花生、炸蒜等，食落口感好有層次！

呢間位於長沙灣嘅「洋食商店」以日本昭和復古風為題，把餐廳佈置成日本商店街咁，佈滿各式日本商店燈牌同佈置、仲有街機 ，扭蛋機，汽水機等，好有特色又好啱打卡呢📸！ 💗招牌鍋物二人套餐$498 套餐包括有壽喜燒黑松露燉飯、串燒拼盤、 兩款小食，另可+$28配特色飲品 🍲壽喜燒黑松露燉飯 分別可揀頂級美國極黑牛頸脊/鹿兒島茶美豚， 我哋就揀咗食牛，會有職員幫手煮，牛頸脊牛味香濃，沾上蛋液更嫩滑，食完牛可以加入蔬菜同豆腐，最後加入黑松露飯煮成燉飯呢🤗！ 🧡串燒拼盤 拼盤好豐富，有海蝦、雞翼、五花腩、冬菇、菠蘿同秋葵，各款都燒得好香口，特別係雞翼海蝦都好正啊! 仲有🍍燒菠蘿，酸酸甜甜，好開胃🥰！ 💛唐揚爆谷雞 雞件炸得好香脆，啖啖肉，好香口！ 🧡明太子玉子燒 玉子燒真好軟滑 ，面頭再明太子 同蟹籽嘅鮮味，味道好夾呢！ 🍨白桃草莓芭菲 $108 呢個白桃草莓芭菲超巨型又足料， 2個人食都夠呀😂， 層次豐富，砌得好靚，好有心思 面頭仲加上牛奶妹朱古力棒， 馬卡龍，熊仔蛋糕等，好可愛呢💖！

又來食豆乳狂人啦，之前都食過呢間幾次， 好多唔同豆乳製嘅甜品同小食選擇， 次次來都可試下唔同款😋 💜滋潤之選 $45 賣相超吸引，配料亦好足，有芋泥，桃膠， 西米，三色芋圓，特調椰奶，黑糖，呢個配搭好夾又滋潤，芋泥仲超多的，好香濃又夠滑！ 🖤黑糖珍珠豆花 呢款豆花可以揀熱或凍食，我今次就揀咗熱食，黑糖珍珠好Q彈加上滑溜嘅豆花， 呢個配搭都幾創新又特別 🐷吉列豬扒粢蛋飯 $45 呢度除咗甜品，我都幾鍾意佢嘅小食， 呢款粢蛋飯有肉鬆，青瓜絲，搾菜，玉子，豬扒，油條，沙律醬，口感豐富又好味！ 🐥地道避風塘炸脆雞 $36 呢個已經食過幾次，今次再encore， 單骨雞翼炸得好香脆，加上地道避風塘風味，香辣又惹味！ 🧡海苔肉鬆脆皮木棉豆腐 $38 木棉豆腐炸得外脆內嫩，一口size，好方便食用，配上海苔同肉鬆，呢個配搭冇得輸， 好香口，做小食一流🤗

前幾日同朋友去咗位於荔枝角嘅高級中菜館 「大公館」，品嚐佢哋新推出八道菜嘅「春日盛宴」，由屢獲殊榮的烹飪團隊以時令食材， 加上當代烹調手法為傳統粵菜賦予全新形象， 色香味俱全呀🥰！ 🌸春日盛宴 前菜: 🌹玫瑰蜜餞燒雲腿 以香脆多士夾住帶有玫瑰蜜餞味嘅雲腿， 咸香中帶點玫瑰味嘅香甜，好特別！ 🤍鮮花椒慢煮蟶子皇 蟶子好爽口，外層包上清甜嘅萵笋， 加上鮮花椒帶點麻香點綴，食落好清爽！ ❤️淮山合桃山渣盒 外層以山渣薄片砌成小手袋，內裏就包上合桃同淮山蓉，酸酸甜甜，底下仲有一片爽脆嘅淮山呢！ 💚花膠小青柑燉水鴨湯 呢個湯好清甜，以小青柑釀上鴨肉同豬肉， 好有特色，加上大大片嘅花膠，好滋補！ 🦞百花羊肚菌炒龍蝦球 賣相好吸引，有原隻龍蝦殻做裝飾，而龍蝦已超肉，好彈牙，肉質鮮甜，配上羊肚菌同爽脆蘆筍，味道一流呀！ 💛龍井煙燻脆皮白鱈魚 白鱈魚脆漿好薄，炸得外脆內嫩滑， 配上炸龍井茶葉和炸珍珠葉，更加香口！ 🐟金勾魚湯玉銀環 以日本大根配上虎蝦乾、菠菜苗， 大根好清甜又入味，加上虎蝦乾令魚湯更鮮甜！ 🧡鳥巢鵪鶉蛋鹵肉拌手工麵 以炸茶樹茹絲做成鳥巢般，配上鹵水流心鵪鶉蛋，台式鹵肉同手工淮山麵，好惹味呀！ 甜品 🥛雪燕牛油果燉牛乳 燉牛乳好滑又香濃，上層加上牛油果蓉 同滿滿collagen嘅雪燕，好養顔呀！ 👜金沙冬蓉手袋酥 外型設計成一個金黃色嘅小手袋，好可愛呀， 而內裏包上鹹蛋黃同冬瓜蓉，酥脆又香口！

呢間位於銅鑼灣嘅炭火串燒，個名好食字， 叫「炭番串」，今次我都來歎番串先🤣 佢地嘅串燒採上正宗日式炭火師傅即叫即燒， 兩排吧台位置，都可望住師傅現場烹調架，好有氣氛！😍 炭番set $528 一set包括有前菜、沙律、佐酒小食、 多款串燒，同2杯飲品 我哋就揀咗蕃茄野菜沙律、唐揚魷魚、鹽燒雞翼、鹽燒雞脾軟骨串、鹽燒雞頸肉、鹽燒牛舌芯、汁燒牛仔骨、煙肉荔枝卷、豚肉蘆筍卷、燒芝士年糕、白桃乳酸、菠蘿乳酸 甲羅燒配法包$78 鹽燒冬菇$32 燒菠蘿$38 呢度嘅串燒調味都剛剛好，但想加多d調味， 枱面都有調味可以額外自己加，如💛咖喱鹽、💙岩鹽、💚竹鹽、❤️山椒鹽、辣粉🌶️、超辣粉🌶️🌶️ 鍾意食辣可以加d辣粉/超辣粉，更加惹味！ 特別必試推介鹽燒牛舌芯，口感好軟嫩，牛味夠香濃，仲有鹽燒雞脾軟骨串都比較少食到，幾爽口，而鹽燒雞翼都好正，燒至外皮酥脆，內裏肉質依然keep到嫩滑，仲有煙肉荔枝卷，外層鹹香嘅煙肉包住酸甜多汁嘅荔枝，味道配搭都好夾呀！

上星期同屋企人去左太子金門樓飲茶， 茶樓有兩層，平日午市來到都幾full下， 兩層都差不多滿座，都幾高人氣呀👍🏻， 今次試試呢個午市套餐，一set有多款小食/點心/粉麵飯同小菜可選，仲有甜品送，都幾抵食呀🤗！ 🥢午市套餐368 小食任選一款： 💛椒鹽白飯魚 白飯魚炸得好香脆， 加上椒鹽好惹味嘢未，做小食一流！ 點心任選三款： 🦐窩夫蝦春卷 以窩夫皮代替一般傳統春卷皮，好酥脆， 入面包住彈牙嘅蝦肉，正呀！ 🧡蟹籽燒賣皇 每次飲茶都必食燒賣，呢個燒賣皇大大粒， 外皮薄透，內餡鮮香又飽滿， 頂端仲鋪上粒粒蟹籽呢！ ❤️養顏棗皇糕 呢度嘅棗皇糕有別於一般新年食到果般， 而是好似發糕咁，加上紅棗肉，清甜又養顏呀！ 粉麵飯任選一款： 🍲野菜海皇稻庭烏冬(窩) 呢窩烏冬份量十足，配料亦好豐富， 有鮑魚仔、蝦、蟹柳、雜菇、雜菇蕃茄、菜等，再配上彈牙嘅稻庭烏冬！ 精選小菜任選一款： 🍆特級馬友茄子煲 好有鑊氣，茄子又夠入味， 加上特級馬友，更香口 精選甜品: 💜芋頭西米露 當日甜品係芋頭西米露，芋頭切成小粒， 好軟綿，而西米煮得晶瑩剔透，加上椰奶香，好正呀！

今次去呢間日式燒肉店位於旺角瓊華中心， 地點非常方便，好近地鐵站，而座位都非常寬敞，特別係窗邊位，仲以木條砌屋型，好有特色，好啱打卡！ 而晚市放題有四款套餐，都係120分鐘任飲任食，我地就揀左上品牛肩胛放題-$328/位 (星期一至四) 放題開始店員會先俾一個六宮格盒頭盤，可以一次先試試多款牛肉同海鮮，如🥩牛頸脊、牛小排、牛舌、海蝦、🦪生蠔同帆立貝，全部賣相吸引好新鮮，特別推介牛頸脊，油花分佈平均，牛味香濃，帆立貝肉厚又鮮味！ 另外仲有多款肉類，小食 ，冷盤任點， 可用qr code下單，夠方便， 必食蛋味超香濃嘅🥚蘭王蛋，頂級肩脊肉同牛胸腹都好正！ 而佢哋嘅炸物都好不錯，吉列蝦好香脆又彈牙，炸芝士年糕，煙煙韌韌，芝味十足！ 最後甜品必食紅豆鯛魚燒同今川燒， 微微燒過，外脆內軟， 仲有每人一盒movenpick雪糕食呢！

之前同男友去咗呢間位於旺角， 以酒吧為主題嘅貓Cafe， 入面有10多隻唔同品種嘅可愛貓貓， 可以佢地玩同任摸，但可餵佢地食貓冰棒， 好可愛呢🥰 🦀鮮蟹肉蟹膏意大利粉 $118 蟹肉同蟹膏都好足料，面頭再加埋蟹籽，鮮味十足，拌意大利粉食好好味！ Set Lunch $126 忌廉湯 味道香濃，個湯個幾滑，不錯呀！ 💛明太子忌廉意大利粉 明太子醬汁都幾香濃，每條意粉都能沾滿醬汁，面頭再加上紫菜條，令整個意粉更加惹味！ 🏖Cat On The Beach 呢杯係佢地嘅 Signature Cocktail， 賣相都幾靚，以橙色漸層沙冰， 面層加上藍色啫喱同餅乾碎做成沙灘咁， 好特別又啱打卡！ 🍫香蕉雜果朱古力窩夫伴雪糕 $78 窩夫外脆內軟，賣相都幾靚，配上忌廉、香蕉、雜果朱古力醬同朱古力雪糕，口感豐富！ 🐱貓冰棒 $20/枝 冰棒有隨機唔同造型，今次我哋就買咗兩支去餵貓貓，就有熊仔同肉球款式，好cute， 貓貓都好鍾意食🤗

呢間以日式昭和風嘅cafe，裝修好有心意，由門面至內都充滿復古元素，仲好近上環地鐵站，交通好方便🤗！ 🦀松葉蟹膏甲羅燒飯 滿滿的松葉蟹膏伴上鮮橙色嘅蛋黃，仲有大量三文魚籽，加上白飯攪拌混合一齊食，鮮味十足呀！ 🍍燒菠蘿 菠蘿香甜多汁，經火槍微微燒香，更加可口🥰 💛芝士年糕 年糕炸至金黃色，煙煙韌韌，一口咬下仲有流心的芝士，正呀！ 🍮稍息昭和布丁 好復古的一個布丁，布丁加上忌廉同車厘子，賣相好可愛，蛋味亦好香濃🤗 🍵宇治金時窩夫 窩夫外脆內軟，加上忌廉，紅豆蓉同抹茶粉，另外自己仲可以加上抹茶醬，味道更香濃！ 🤎焙茶Latte 焙茶味好香濃，仲有可愛的🐰兔兔拉花呢！ 💚開心果 Latte 開心果Latte比較少有，難得見到，要試試，開心果味都幾出，咖啡師仲加咗個蝸牛拉花，好cute呀！