久違地返到寫字樓，同同事一齊嗌外賣，一樣都係透過OpenRice搵吓附近有咩餐廳未試過啦！撳吓撳吓，撳到呢間點子巷，再發現😮居然有$28份午餐，仲要係有意粉食兼包飲品架😍咁當然唔輸蝕，嗌一份試吓啦！ 今期$28指定套餐係《台腸片奶油意大利麵送是日飲品》，飲品係羅漢果茶，台腸片好大件，醬汁都很好食😋小妹額外加咗的細份藥膳雞湯，原以為味道係正常雞湯鹹鹹地啦，點知個味係甜到暈低😨飲咗兩啖就冇再飲落去，都唔知係呢間舖頭嘅特色啊？還是佢落錯咗糖🤔 同事1號叫咗甜不辣，甜不辣口感煙煙韌韌，好似食咗韓國年糕咁😆；同事2號叫咗鹹香雞髀肉燥飯，小食原本配椒鹽腸片，但拎到返嚟變咗魷魚餅，反而可以試唔同小食，小妹覺得魷魚餅好好食🩷 期待下一次$28指定套餐會係啲咩呢🤭🤭🤭 今次外賣經驗九成係好嘅，其中一成係俾個雞湯衝擊了味蕾🤣🤣點解會咁甜㗎！

自從認識了另一半後，就好多時在旺角油麻地一帶行街食嘢，某日行經廣華街發現了一間日式牛扒餐廳，價錢超誘人😍家人話「之前食元朗個間2百幾3百」而廣華街呢間最貴的套餐則無需2百😚 既然有間咁抵食當然約埋小妹媽媽一齊食啦🤭，御石燒有多款選擇，每款都幾吸引🤩小妹揀咗《御燒極上級吉列牛》；小妹媽則係《御燒極嫩牛舌芯》。套餐包白飯或椰菜絲沙律，飲品要另外加錢，當然食住熱辣辣美食、飲啖汽水特別爽❣️ 每次都覺得吉列牛好神奇，究竟吉列外皮係點整呢🤔今次都好好食，火🔥又夠猛，同埋睇住啲火舞動都好靚😊，牛舌芯好嫩同份量多，石燒時伴隨肉食與油擦出的’滋滋聲‘，令成件事特別美味🤤 先用已給予的油脂均勻塗滿已預熱石板，然後夾走油脂放一旁，再放上吉列牛每邊燒3分鐘，燒至焦香，燒好後可根據自己喜好沾醬或配鹽一齊享用🫶🏻；而牛舌芯則比較快熟，小妹建議燒耐啲就易咬啲，但都係跟個人喜好啦❣️

上星期終於有返啲時間同男朋友拍吓拖，下午去完虎豹別墅參觀，夜晚決定去太子搵間餐廳撐吓枱腳。近排留意到，太子有間以貓頭鷹做主題嘅酒吧餐廳~ 𝕆𝕨𝕝’𝕤 𝕤𝕥𝕒𝕘𝕖. 𝕆𝕨𝕝’𝕤 𝕤𝕥𝕒𝕘𝕖其實有少少浪漫情調，聽住靚歌、品嚐美食，好chill㗎～接近7:30就越來越多客人入座，雖然樓面得一位女店員，但仍然服務很好🫰🏻。餐廳大門右邊有酒吧區，左邊才是堂食餐點位置，牆身掛滿壁畫及好多貓頭鷹的公仔擺設，仲有一個大大寫住餐廳名的霓虹燈牌🫶🏻 餐點方面除左單點餐牌外，仲有Set Dinner及Brunch Menu添，當晚小妹同男友order了一份Set Dinner For One和單點了一份主菜及飲品🍸 𝒮𝑒𝓉 𝒟𝒾𝓃𝓃𝑒𝓇 𝐹𝑜𝓇 𝒪𝓃𝑒 頭盤 🍏青蘋果紅菜頭沙律：份量啱啱好，酸酸青蘋果夠晒開胃 🥓餐湯：煙肉薯仔湯 煙肉味香，有少少煙肉碎，薯仔打到超滑 主菜 🎃燒紐西蘭特級肉眼扒 8oz 配自家製南瓜蓉 牛味勁香、南瓜蓉又甜又滑又綿、蒜🧄熟度啱啱好 飲品（特色飲品+$20） 🍹𝙁𝙧𝙪𝙞𝙩 𝙋𝙪𝙣𝙘𝙝雜果賓治 酸酸甜甜，但係又唔係好甜咋😚 散叫：𝕄𝕒𝕚𝕟 ℂ𝕠𝕦𝕣𝕤𝕖 🐟香煎比日魚扒配乾蔥白酒忌廉汁 肉質厚實、醬汁唔錯 🍑桃茶（香味撲鼻）

港島東要搵到抵食嘅滷水店並不多，是日探望完舊同事後，正準備搭巴士番屋企，行過發現多咗間賣滷味既小店，仲記得以前係賣古早蛋糕架（不過都執咗一段時間嚕）～ 呢間小店《一品滷水專門店》選擇十分多，超級抵食吖，小妹樣樣都想試吓，見到有兩款拼盤可以選擇：1️⃣滷水豬拼盤、2️⃣滷水鵝拼盤，呢兩款拼盤非常適合有選擇困難症嘅朋友仔🤭小妹認為諗起滷水就會聯想到滷水鵝，於是買2️⃣番屋企加餸啦！ 💛拼盤內包含9款食品： 🔸招牌滷水鵝 🔸鵝肝 🔸鵝腎 🔸豬耳 🔸豬大腸 🔸墨魚 🔸豆腐 🔸紅腸 🔸雞蛋 每款都各有特色，小店老闆溫馨建議小妹，滷水鵝汁千祈唔好淋落去，記得沾醬嚟食，咁樣先品嚐得到真正風味😚😚

鰂魚涌放飯推介～上次介紹了位於英皇道近電車路的《寶隆中西小廚》，今次行遠少少嚟到海灣街！本月初小妹推介過《星·韓式小館》給同事去幫襯，同事們食過都大讚抵食，是次約多幾位同事再出發去食🇰🇷韓國菜！ 由公司出發步行到《星》至少要10分鐘，邊行邊傾偈好快到目的地，午飯時間每間店都多人等位，小妹一行七人只等了大概5分鐘就入座了！一直以為《星》細細間，點知原來內有乾坤😆入鋪後一直跟隨店員先越過第一浸客人，然後越過水吧，再越過條小走廊，最後發現暗藏長長梳化位😍唔怪之得咁快就有位坐🥳🥳🥳 午餐共有21款套餐選擇，每修套餐均包自家制泡菜及前菜，重點係份量同餐牌上的照片是一樣架！貨真價實😍非常抵食👍🏻👍🏻👍🏻小妹共叫咗六款不同套餐，全部各有特色及超級好食🫶🏻🫶🏻 🔴L1 烤L.A.牛肋骨配白飯 每位同事都讚不絕口話牛肋骨好食🫶🏻 🔵L3 韓式烤牛肉配白飯 烤牛肉調味好好食😋配飯一流 ⚪️L8 韓式炒粉絲配豬肉 超大碟炒粉絲！ 🔴L13 迷你韓式年糕餃子鍋（1人用） 片裝年糕配三隻餃子已經食到超飽😆 🔵L19 韓式年糕配紫菜包飯 甜甜辣辣的長條形年糕，紫包飯都好出色🫰🏻 ⚪️L21 韓式牛肉雜錦拌飯 飯唔算多，反而配料多，味道好好吖！ 《星》的背景音樂係播住Twice啲歌曲，完全符合小妹興趣，一路聽Twice一路食美味的韓式料理，簡直係人生一大樂事之一😍😍

下雨天#出差食好嘢系列 ，繼去年在灣仔出差飲茶後，今年計第一次出差去飲茶。幸運地，返工行快兩步無落雨、放飯又行快兩步，入座後先落大雨😚 上星期行過金雞廣場見有《點心到》呢間飲茶餐廳，今次望地圖見出差附近都有，於是乎就行咗過去飲杯茶食個包❤️落單方式有兩種，手機掃QR code或者平時的點心紙，而家手機落單都好方便，一次過望晒有咩揀❣️ 小妹與同事共落咗七款： 1️⃣炭燒山楂鴨絲包 $30 一上枱，即刻覺得佢係雪山叉燒包嘅壞人版 = 黑山鴨絲飽😂，唔錯值得推介👍🏻👍🏻👍🏻 2️⃣蝦餃2粒$16 3️⃣燒賣2粒$16 點心精緻，一籠兩粒，一人一粒 4️⃣香茜牛肉腸粉$27 皮薄唔錯份量多 5️⃣香煎蘿白糕$22 味道幾好，不過粉多過蘿白 6️⃣籠仔煎蛋牛肉飯$35 外表比想像中大籠😂 好彩只叫一籠，壓扁咗的山竹牛肉球配嫩滑煎蛋 7️⃣薑蔥牛栢葉$28 （無相） 同餐牌張相一樣，滿滿牛栢葉，薑蔥味都好香濃 茶位每人$5而且無加一，港式茶餐廳兼飲茶，有咖啡奶茶飲添，午飯時段多人又會排下隊，今次小妹二人夾埋$184，抵食餐廳❤️

花園街地鋪成日更新，真係屹立不倒的餐廳，一定有佢個人之處，就好似呢間自家麵咁，隔籬嗰兩間同佢同一時間開鋪，都已經轉咗其他嚕，而自家麵仍然保持一定客流😊 是晚難得同👨🏻未來老爺、👦🏻未來老公一齊外出撐枱腳😆，好難得三人一齊出街食飯，原本諗住食花園餐廳，不過👨🏻行過自家麵好似有興趣，就變咗食麵啦🤣！雖然鋪頭唔大，但小食同碗麵夠大份，好似手拍青瓜咁，小妹以為似譚x果啲細細碟啦，點知勁大碟，即刻抵食咗❣️ 《自家麵》有四選麵食供選擇：寬麵、粗麵、中麵、幼麵，全皆自家製作❣️ 💛滑雞手功麵（清湯、寬麵） 下次要叫少麵先得，寬麵真係好寬，量亦好多，清湯湯底幾鮮甜美味😋，配搭鮮嫩雞肉，正👍🏻 💛鮮牛肉手功麵（微辣酸辣湯、幼麵） 原本想要米線，但呢度無，揀咗幼麵，麵質唔錯不易斷開，未來老爺不斷讚好食好食😊😊 💛自家製白菜豬肉餃（即叫即蒸） 製作需時，耐心等候，手功餃子🥟皮薄餡多，味道亦相對唔錯👍🏻 💛洋蔥牛肉手功餡餅（自家製、原味） 呢件餡餅係小妹心中的MVP，餡餅咬落係酥皮嚟架，香酥脆口，同平時啲餡餅完全係兩個層次，洋蔥牛肉又係完美配搭！當酥皮遇上洋蔥牛肉，簡直係絕配❤️ 《自家麵》基乎所有菜式都自家製作，食過先知，屹立不倒係實至名歸❣️ 下次可以單點餡餅拎走先💗💗💗

是日在東鐵綫工作，於是收工後約咗住喺粉嶺的細妹食飯，兩姊妹好耐都冇撐枱腳啦，今次我就吓細妹等我入去粉嶺搵佢啦🫶🏻 我地揀左一間齋睇個名「定食」，以為係食日本菜，點知去到原來係一間好似茶餐廳，但係有泰國菜又有馬來西亞菜又有日本菜，甚至乎有埋越南菜的特色鋪😂非常意想不到😄😄認真唔講笑，呢度啲選擇款式多到眼花撩亂了😵‍💫，對於我哋兩個患有選擇困難症😂都揀左起碼15分鐘先成功落單‼️ 兩姊妹共叫左兩份定食、一份拼盤、一份生菜包及兩杯飲品，原本只覺得係普通茶餐廳水平，但係最終發現係一間超乎預期、充滿驚喜的泰國餐廳💖💖💗💗 🦐檳城花膠海鮮湯金邊粉定食🇲🇾 〰️蝦湯陣陣鮮香、蝦味超濃、湯頭卻好清甜，好好飲啊!!!花膠爽口、海鮮新鮮好食，若配蝦一定會更完美😍 🔺🔺定食配3️⃣款小食 〰️魚露灼菜：灼菜魚露味重，重口味咗； 〰️和風蟹籽沙律：正常發揮且青瓜夠凍多醬 〰️單骨雞翼：香脆可口 追加小食：班蘭奶凍是好味的，不過比綠色特飲搶風頭 🔸飲品轉特飲+$10 〰️凍美祿朱古力脆脆：濃啲會更好飲 🐮汁燒牛舌飯定食（不辣）🇯🇵 〰️有成五塊厚切牛舌😍，而且好腍好好食😚暗裏藏蛋，有驚喜❣️伴菜係唔辣既木瓜沙律，大愛吖！ 🔺🔺定食配3️⃣款小食 〰️醬油冷茄子🍆 ：凍冰冰入晒味，正👍🏻 〰️泰國炸蝦餅 ：圓碌碌、細細件，炸得唔錯😌 〰️冬陰功湯：細妹話食泰菜，當然要試埋冬陰公，酸酸辣辣（偏辣）🔥👅 追加小食：泰茶奶凍，茶味重咗啲啲 🔸飲品轉特飲+$10 〰️地道班蘭椰特飲：OMG，超驚喜！味道好似椰汁糕味，越飲越好味💗💗 （五星推薦💛） 🇹🇭地道唔係炒生菜包：平時啲生菜包肉碎係炒既，但呢度係健康版，味道足夠、好味，冰鎮生菜保持凍冰冰💚絕對可作減脂料理🧡食再多都唔怕肥😆 🐽燒豬頸肉拼盤：豬頸肉超好食😋三款串燒都唔錯 ，份量十足！

旺中美食多籮籮，每次嚟旺中都會發現新店開張，今次同男朋友一齊行街～ 👦🏻：肚仔餓 👩🏻：不如去旺中睇吓有咩食丫 🤭照返平時既路線經T.O.P過霓虹天橋到旺中2樓，人流始終咁旺😲，行去右邊都仲屹立不倒的手搖店、雞蛋仔店，行前少少發現間新店🤤係一間專食泰個菜的小店《堅泰》。 《堅泰》門面雖小，但依然有兩張小枱方便立食，算係唔錯啦👏🏻👏🏻見小店推薦香蕉煎餅，而且有多款口味選擇，男朋友都揀左幾分鐘先有結論🤣餐牌款式都幾多，小食、甜品、粉麵飯都有，套餐仲包飲品添🤤🤤樣樣都想試但食唔到咁多😂😂唯有叫小小share食🤭 🔸花生榛子香蕉煎餅 香蕉煎餅香脆可口，連平時唔食香蕉既男朋友，居然都食幾件，花生榛子令小妹諗起金莎朱古力，兩者配搭甜而不膩❣️ 🔸堅泰即炒Pad Thai餐配泰奶 金邊粉炒得又香又入味，花生碎、蝦仁🍤、芽菜，唔好睇少個份量丫，兩個人食都好飽肚架！ 🔸生菜包（微辣） 一收到生菜包，就比上面兩條乾辣椒嚇親，心諗唔通好辣😳好彩味道有少少酸辣啫😆越食越惹味，真心推薦❤️ 🔸椰汁糕（2件） 呢度啲椰汁糕同小妹所想既不同，不過味道一樣咁好食，香濃椰汁味，多多西米粒🤤

大約4、5年前，小妹有返夜校進修課程，當時一收工就搭地鐵去到佐敦，見仲有時間可以慢慢食晚餐先番學，於是四處尋找餐廳，發現逸東酒店地庫的food court 有唔少餐廳選擇，其中一間便是「MUM 日常野菜料理」，可能因為呢間小店，令小妹愛上了多品料理❣️ 可惜佐敦店最終結業，搬咗新鋪到極不就腳既新蒲崗🥹佢哋菜色味道仍保存在小妹心中，時不時就諗起個份精緻細膩嘅味道😳😳是日終於‘的起心肝’，專登搭成個鐘巴士嚟新蒲崗，再次光顧呢間多品料理的日系素食小店「MUM 日常野菜料理」！ 新店舖風格好似舊課室咁，木製的枱枱凳凳、舊式放文件的鐵櫃，簡約設計又帶點特色！日常定食餐牌可選三項$108或四項$129，定食包括味噌湯、麥茶和五穀雜炊飯/正氣黃薑飯，飯轉烏冬另加$20，驚食唔晒仲可以揀半份烏冬$14。難得嚟到，當然揀四品轉烏冬啦❤️ 不枉小妹搭接近一個鐘巴士嚟幫襯呀🥰🥰🥰 🔸柚子醋漬番茄：柚子清香唔太甜，凍冰冰適合啱啱在烈日下行過嚟既小妹🫶🏻 🔸味噌湯：白味噌～有豆腐、蘿蔔們、仲有豆豆，第一次飲有豆既味噌湯 🔸烏冬：轉配加$20，麻油海藻撈烏冬，同以前一樣🫶🏻 🔸蘿蔔冬菇車麩關東煮：白蘿蔔入晒味，連蒟蒻都係有味架🤤🤤，車麩外表好似菇但咬落軟綿綿超好味（車麩則是將小麥的麩質蛋白捲在棒子上燒烤，接著再捲上一層麩質，最後切成片狀製成） 🔸浸高野豆腐片絲瓜：本身已經喜歡呢種蔬果，浸煮係甜甜味道，有少少似關東煮隻味，絲瓜亦譯勝瓜，一小碟已有四片，正👍🏻 🔸南瓜薯餅：外皮炸得脆卜卜，金黃色南瓜餡，超級好食❣️ 🔸餐飲係附送的麥茶 感受到每道菜式背後係多麼用心製作❤️希望小店堅持一直做落去丫😉😉小妹仲想幫襯多幾次💗💗