專程入荃灣探朋友，朋友介紹去屋企附近 La Mensa Grill & Bar 晚飯，仲話要早啲落去食，驚一到 peak hour 會好多人攞唔到位（下次預先 book 定就唔駛怕）！入到餐廳，餐廳氛圍好 chill！樓底好高、播住輕快流行音樂，地方闊落，好啱親友暢聚放鬆放鬆☺️餐牌上有好多海鮮類選擇，亦有大路嘅肉食、主食。考慮緊食咩嘅時候，後面枱食客已經食完個生蠔連酒拼盤，仲同侍應講，生蠔好肥美要 encore！

不過最後我哋決定嗌light light地嘅吞拿魚同 pizza 🥰芝麻吞拿魚魚塊 Crusted Sesame Crusted Tuna Chunks ($135)
呢味吞拿魚實屬健康之選，鐵質同各種礦物質極豐富🤩 吞拿魚鮮味至極，外面包住嘅烤香黑白芝麻脆皮更令成道菜嘅香美提升高一個層次！拼埋 生洋蔥、蕃茄同香芒嘅果味，喺口裏面拌住吞拿魚爆出嚟，精彩絕倫😘 意大利辣香腸披薩 Pepperoni Thin Crust Pizza ($165)
辣肉腸 pizza，材料經典簡單，只要係鍾意蕃茄、芝士同辣肉腸嘅朋友，都無法抗拒！個 pizza 出爐熱辣辣香噴噴，薄批底脆卜卜唔韌，芝士更可以拉絲😆 好在佢材料香得嚟又唔滯，好啱襯啤酒/cider 一齊食❤️

今晚餐廳更有播生日歌慶祝食客生日，氣氛好好！環境好，價錢又合理，朋友真係冇介紹錯！六點入座一陣，餐廳即 full-house！受歡迎程度唔講得少 😇

📌 La Mensa Grill & Bar
📍 荃灣楊屋道88號Plaza 88地下5-7號舖

#westernfood #hkfoodie #hongkongfood#tseunwan #eatwithr #香港美食 #foodporn #lamensagrillandbar #lamensa #cheese #pizza #tuna #fruit #oyster #foodlover #barfood #bar #sangria #beer #draughtbeer #happyhour #chill #chillvibes

是日同朋友出入鰂魚涌繁忙商業地帶，竟然有間素食餐廳俾咗個 sweet surprise 我哋，就係位於林肯大廈嘅 Treehouse
鍾意蘑菇嘅我，揀咗有齊特製豆腐、豆角、燒蘑菇、醃青瓜嘅 Half and half Musella 沙律碗（配藜麥）($88) Musella 整體食落好清新，醇厚味噌醬，配上爽脆豆角、香噴噴燒蘑菇、豆味濃郁特製豆腐，同醒胃醃青瓜，俾人感覺唔似食緊素，似肉菜兼備嘅盛宴，好啱平時肉菜都食嘅人探索素食嘅入手點而且藜麥健康得嚟又飽肚（其實其他纖維高嘅材料都好飽肚），啱晒想食嘢又唔想增重人士另外，我哋試埋 Banyan Sourdough Flatbread ($78)，主要餡料有印尼傳統發酵黃豆製品天貝、炸茄子、蒜香鷹嘴豆泥、椰菜、蕃茄同富芒果香味嘅中東安巴醬 最驚艷嘅係印尼天貝，味道就好似蛋黃咁，好濃郁好香 炸茄子亦都好惹味，配埋其他餡料，食到 lam lam 脷 不得不提Sourdough Flatbread 嘅微酸味同麥香特別怡人，呢種香味實在唔容易喺其他地方搵到，令我對成個Banyan Sourdough Flatbread 念念不忘

呢一餐最具玩味嘅一味，就係 Sourdough Flatbread Chips 搭配蒜香鷹嘴豆泥 ($60)
品嚐過Sourdough Flatbread嘅滋味，再食變奏版香脆Sourdough Flatbread Chips，同樣麥香，不同形態令人耳目一新 加上蒜香鷹嘴豆泥惹味又唔滯，Sourdough Flatbread Chips一塊接一塊，食唔停口，真係開拓我對素食嘅想像

講埋飲品，我嘅嘴刁朋友都大讚Treehouse Lemonade  ($40) 好飲
只係目測杯 Lemonade，就知佢係精心泡製嘅，配方有檸檬、檸檬汁、原蔗糖、薄荷同檸檬香茅，全方位天然健康，不得之了 要大讚嘅係Treehouse Lemonade 係冷藏到透心涼而唔加冰嘅，咁樣成杯飲品先至凍得均勻又唔怕冰融化影響飲品味道 Treehouse Chai Latte ($40) 同係匠心之作 比起市面上嘅Chai Latte，佢多好多重內涵 — Treehouse Chai Latte 係以小荳蔻、肉桂枝、辣薑、紅茶同胡椒粒精煉而成，香氣獨特、層次豐富不在話下，更有迅速暖身、調暖臉色嘅功效，想像到日日出入冷氣吹不停嘅商業大廈，可以飲到一杯真材實料、行氣活血嘅Treehouse Chai Latte實在係如獲甘露，每杯都係為健康加冕

非常慶幸對素食從無認識嘅我，可以遇上   Treehouse，來一趟精彩嘅素食之旅 不論係繁忙嘅上班族，定決心要提升健康嘅人，都必定會喺 Treehouse 遇上你嘅 food for love

位於尖沙嘴及佐敦的火鍋任食放題 平日夜晚都有人龍等位，人氣可見一斑🎠 我哋選擇咗基本套餐，每人收費$ 228，兩個鐘任食打邊爐✌🏻

一坐低，職員協助我哋揀湯底🍲 我哋選擇加$48 享用鴛鴦湯底：川弓天麻魚頭湯同花膠蟲草花雞湯，兩款都咁養生💆🏻‍♀️ 職員介紹可以選擇先享用雞煲，食到咁上吓再加入湯底打邊爐🥢 是晚我哋想專注打邊爐，所以放棄先食雞煲嘅選項🧑🏻‍🍳

之後就安坐座位撈起自己嘅調味盤同點餐，點餐紙清晰易明，好易睇✏️ 湯底嚟到，香味撲鼻🐽湯底魚頭料都可以食，花膠更係大大塊🍴 好快就嚟到成枱嘢食🤩每枱自動享有餐廳奉送嘅極品肥牛一碟 ($148)
肥牛高質，油花好靚，有肉味🐂粟米出乎意料嘅鮮甜高質，每一顆粒都飽滿兼爆汁🌽同一款食材，喺唔同湯底煮，變奏出不同風味🥘 秋葵、吊桶、雞子、鴨血等唔係間間火鍋店供應嘅食物都任叫任食✨ 海蝦夠大隻，令人滿意🦐 餐廳提供好易用嘅隔泡器👨🏻‍🔬雪糕自助任唧任食，聽到幾枱客人都大讚好食，好得人心🍦價錢實惠，上菜份量不欺場，任點任食食品、飲品款式非常多，任君選擇，絕對係物超所值💝 配套完善，服務周到，上菜速度快，不拖單不漏單，職員頻密收走唔需要嘅碗碟，令人食得暢快🥳 <大鍋口海鮮火鍋店> 實在係鬧市中親朋好友暢聚嘅 good choice！

📌大鍋口海鮮火鍋店
📍佐敦彌敦道219號莊士倫敦廣場12樓

近來工作繁忙，有需要靠食療進補一吓，就嚟咗中環百年老店<蛇王芬>，一邊食一邊養生😛














燕窩蛇湯海鮮節瓜盅套餐 ($188)

套餐包含<燕窩蛇湯海鮮節瓜盅>同<蛇王芬臘腸蟹肉蛋白炒飯>兩味菜，另送<公利蔗汁>，可惜我哋幫襯當晚<公利蔗汁>送晒，無緣一試😖

<燕窩蛇湯海鮮節瓜盅>蛇湯玫瑰花香同肉香非常突出，湯頭清澈，飲落令人好快暖身🥰 海鮮節瓜盅含有多款矝貴食材如燕窩、蟹肉、乾瑤柱、蝦肉等，口感層次非常豐富，滋陰營養值爆燈🤩 老闆娘向我哋介紹蛇湯嘅益處，同埋精選節瓜（全年收成，性質適合唔同體質食客食用）、玫瑰花（紓肝鬱）等入饌嘅心思，令我哋都十分讚嘆<蛇王芬>美食嘅保健價值🥺




<蛇王芬臘腸蟹肉蛋白炒飯>好有鑊氣，配料份量毫不吝嗇，各散發獨有鮮美，飯粒分明唔油膩，美妙😍

經典太史蛇羹 (每碗) ($140)

蛇肉十彈牙，同市面其他蛇羹相比，<蛇王芬>嘅蛇羹肉香好濃，感覺沉實、偏鹹唔甜🍲 加上各樣配料如木耳絲、果皮，食落足料，味道天然😇



西檸煎軟雞 ($140)

傳統老店中菜總係有獨特吸引力，今次我哋食蛇肉之餘，再叫多味<西檸煎軟雞>拌本身都好多料嘅<蛇王芬臘腸蟹肉蛋白炒飯>食，真係好為食🤭

雞肉炸得香口得嚟，內裏多汁肉嫩香甜😍 嘅香檸醬好清新，夾埋同係行 light 路線嘅<蛇王芬臘腸蟹肉蛋白炒飯>一齊食，完全冇食滯嘅問題😋

<蛇王芬>堅持繁複的傳統手藝做出真材實料嘅美食👨🏻‍🍳 又與時並進配合香港都市人嘅需要揀選時令食材入饌🐍🫛🍈🥥🫚🧄🐓🐖🐂幫食客享受佳餚同時輕鬆補身，食得多，身體好👏🏻🙌🏻💪🏻🏋🏻

喺通菜街搵食，發現有間新開嘅小店<六喜見>，主打無味精自家麵食創作料理，一於試一試😃 店鋪面積雖然唔大，但樓底好高，堂食亦唔會感覺侷促😇 六喜甜辣醬海參花 ($59) 海參花好爽口，加埋甜辣醬，食唔停口👍🏻 六喜甜辣銀魚秋葵 ($38) 秋葵好新鮮清新✨配埋銀魚、甜辣醬，係個新奇惹味嘅配搭😙  一人炸蟹餅 ($60) 蟹餅蛋味好香，加埋結實嘅蟹肉，香噴噴☺️ 一人炸蠔餅 ($48) 蠔餅鬆脆香口，蠔仔份量好多，鮮味十足🤩 店家精心炮製嘅小杯清香菊花茶，隨主食奉上，清新味蕾，提升鮮味感受😋

(升雲)雙湯蝦籽雲吞麵 ($51) 大地魚同香蝦熬嘅湯底，配合蝦籽，衝擊味蕾，不同凡響😍😍 雲吞皮薄餡靚，麵條彈牙可口，又一碗港人最愛嘅細蓉🫶🏻 海家漁湯銀魚蠔仔蟹肉湯飯 ($88) 湯飯好足料，蠔仔飽滿，蟹肉銀魚散發香氣，配上濃厚海魚湯，好滿足🥰🥰
凍洛神花茶 (跟餐$15) 洛神花茶煲得好濃，飲得出火喉十足，為健康加分💪🏻 Cheers🍷
喺旺角街頭，幾時想享受吓海の精華兼進補一吓，<六喜見>滿足到你嘅願望😉

是晚於觀塘裕民坊的INN - I’m Not Nothing CAFE進晚餐🍽️ 餐廳室內範圍以純白色為主調，配合靚靚花飾、藝術雕裝飾，每個角落都美輪美奐💖 餐廳戶外花園部分則有植物花卉🌹🌸🌺🪷🪻 讓人宛如置身歐式庭園⛲️ 適合同親友相聚影相打卡留倩影📸 
餐廳主打西式美食，提供各類沙律、意大利飯、意粉同肉食等，更有多款前菜、甜品，滿足嘴刁又著重用餐環境嘅食客😋
白酒忌廉汁煮南澳鮮青口配蒜茸法包 ($168) 青口新鮮爽口🤩 配合濃厚白酒忌廉汁，青口鮮味攻陷味蕾⚡️ 蒜茸包鬆脆可口，沾上醬汁好滋味😆 紅酒燴牛面肉意大利飯 ($168) 紅酒汁香氣濃烈，牛面肉絲絲軟嫩，意大利飯濃度控制得剛剛好，飯粒口感彈牙爽口，好食之餘，份量豐足☺️
  Green Tea Kakigori ($108) 雪花冰質感順滑，綠茶醬醇厚甘甜🥰  綠茶寒天、麻糬、紅豆、雪糕帶嚟多重口感，簡直係天作之合嘅配搭😍 有Green Tea Kakigori 做甜品，為是晚劃下完美嘅句號💘 

要喺屋企炮製條新鮮魚，講真真係唔簡單，功夫一大餐😵‍💫 好在愛魚之人如我搵到<巴辣仔烤魚>呢個舒適乾淨嘅好地方去品嚐香噴噴正翻天嘅活魚料理💕 而且分店遍佈港九新界，有<巴辣仔烤魚>，就有好魚食😆😆👍🏻 
由於本身唔算太食得辣，但又難以抗拒食辣嘅過癮刺激，所以選擇入門級BB辣經典香辣湯底，要嚟襯托無小刺、肉質緊實嘅沙巴龍躉 ($378) 💞 原條大沙巴龍躉上面鋪滿辣椒，連烤爐一上枱，陣容好大陣仗😱 烤爐超有霸氣咁寫住「我們只用活魚」😤 叫人食得開心又放心❣️
等條魚滾起，起出一塊塊魚扒食😍 啖啖肉，富肉汁，辣油同湯底好香、好惹味🤩🤩😋 愛魚之人一定食得好高興🥳
加配薯粉 ($20)，吸滿湯底，食落Q彈煙韌，正😇

蒜香味錫紙卜卜蜆 ($58)：鮮美，冇沙，過口癮之選😜
羊肉串 ($38/2串)：羊味突出，羊脂香口，好食到要 encore🤤🤗

五花肉小串 ($32/10串)：一味香口、滿足油脂癮嘅小食，佐酒絕佳🍻
魷魚鬚小串 ($32/10串)：爽口得嚟唔會韌，充滿魷魚鮮味🦑
免費菊花茶🍹：任斟任飲，而且唔會因為免費而質素馬虎，好清香，味道天然不過甜，仲真係浸住一朵朵菊花呢😛😎🫶🏻
免費自助冰粉DIY：大人細路都鍾意🙌🏻 配料多樣，多重口感😽 特別推介配料葵花籽、提子乾同山楂餅👐🏻   <巴辣仔烤魚>將正宗巴蜀料理帶咗俾香港人，而且服務殷切周到，給予食客開懷暢快嘅用餐體驗💖 逢親想食魚🐟想感受巴蜀風味🌶️ 嚟<巴辣仔烤魚>就啱晒🌟✨🍽️ 
中秋臨近，<巴辣仔烤魚> 更推出創新嘅慶節佳品 <極尚烤魚盆菜>💓 用料上乘超誘人🤤 4-6人份量早鳥價只係 $870，10-12人份量早鳥價只係 $1430，優惠期內更送口水雞或蔥油雞😲 中秋晚飯食佢實食到 lam lam 脷😍😍

今晚身處住宅區樂富，喺樂富廣場見到間裝潢整齊企理嘅韓式燒烤店，見環境又好企理新淨，就試試佢😃   





我哋揀咗價錢經濟實惠嘅大君御膳放題，可以任飲任食120分鐘，其中無論肉食、小食、配菜、韓產飲品都係無限追加😇   

<平昌> 最經濟實惠嘅晚市大君御膳套餐絕對唔會得好少MENU食物選擇，竟然有海鮮，令我哋喜出望外🤩 虎蝦、調味鰻魚同半殼扇貝味道同質素之高令人印象深刻，可以任燒任食真係CP值超班🥳


食得韓燒放題，肉食當然係款款都要試啦😝 辣汁薄切五花腩片、辣調味豬五花腩、牛肋骨肉、辣調味豬梅頭片、LA牛排、牛舌…… 全部調味都食得出係專配合肉食嘅口感同油脂比例而設，每一口都滋味無比兼完全冇油膩嘅感覺，配埋唐生菜嘅食法更正宗😙   








<平昌>嘅牛肉海帶湯飲落有濃厚嘅海帶膠質，加上牛肉精華，估唔到食韓燒都飲到咁補身嘅湯品😱   

另外，非常慶幸冇因為想專注食肉而錯過<平昌>嘅水冷麵，冷麵麵質食起來係意想不到嘅Q彈、有嚼勁，加埋冰湯底甜而帶酸，食落好過癮，一試愛上，非常驚喜💖 


一邊享受燒烤樂趣，一邊享用美食，大啖嘆凍飲，感覺真爽😎 


喺鬧市中可以乾手淨腳咁享受燒烤樂趣，係個絕佳嘅活動主意😉 

今晚喺觀塘，二人想舒舒服服坐低傾吓偈。喺觀塘碼頭附近發現空間寬敞、富北歐風情嘅餐廳 <Lagom Kaffe>，正適合度過呢一晚。 餐廳使用 QR Code 落單，當中有買一送一特飲優惠 ($58)，我哋揀咗百香果梳打同黑加侖荔枝梳打😀 兩款飲品都好清新又消暑，好適合夏天既特飲😇
炸魚薯條 ($128)
魚柳上枱新鮮熱辣，一咬落去，外炸皮又香又脆，魚柳嫩滑啖啖肉，魚汁多到流出嚟，配上檸檬忌廉醬食，好 fresh 好正☺️ 薯條富有薯仔味，一啖一條食唔停口😆 煙三文魚洋蔥薄餅 ($148)
薄餅底脆薄唔油膩，充分襯托出主角嘅色香美✨ 煙三文魚配搭濃香芝士，食落滿口都係煙醺香氣，加上新鮮生洋蔥爽脆口感，好不過癮🤩 雖然冇 order 好多嘢食，但仍可以慢慢坐、慢慢傾偈，享受餐廳舒適環境同好 warm 嘅氛圍，真係一個同朋友相聚嘅好地方💕

<Lagom Kaffe> 仲有露天座位㗎，不過炎夏期間就冇開放，遲吓天氣涼返少少，可以帶埋寵物過嚟坐露天位，一定好舒服好玩😙
📌 Lagom Kaffe
📍觀塘偉業街180號Two Harbour Square1樓

今晚二人喺各式餐廳林立嘅高街漫步，被一間裝潢帶平民風情嘅餐廳 <巴剎雞飯> 吸引眼球，見餐牌特別得嚟又啱口味，就入咗去試試😉

羅漢果龍眼冬瓜茶(凍) ($22)
杯飲品個名已經話俾人聽佢係幾足料✨ 主調係羅漢果，易入口兼醇厚順滑😙 帶一陣陣龍眼同冬瓜嘅香甜😄

百香果烏龍冷泡茶(凍)($20)
百香果烏龍冷泡茶同樣係真材實料，入面有百香果籽，一杯一茶包，微微酸甜，十分開胃👍🏻
餐牌items 款款都好吸引，嗌咗好多嘢食🤭🤭
巴剎雞飯($58)
店名兼招牌菜嘅雞，又滑又嫩又香，雞味濃，無骨啖啖肉，正正係期望中嘅美味💝 店員特別推介 <巴剎雞飯> 要拌店家自家炒嘅黑胡椒粒同埋跟飯上嘅秘製青醬一齊食，胡椒辛同青醬帶酸嘅獨特風味為味蕾帶嚟驚喜😊 配上清潤冬瓜湯，就係華僑最愛嘅飯餐，耐吃不厭嘅小確幸☺️
炭燒沙嗲(3串)($48)
呢味炭燒沙嗲，太骨緻了吧😱 沙嗲串放迷你炭爐上菜，食客可以按喜好調整加燒沙嗲串嘅時間😎 見住沙嗲串慢慢燒得更金黃兼表面爆出肉汁，炭燒香越燒越旺，過癮又吸引😆😆 3款肉類各有驚喜💓 經香料醃製過嘅3款肉類，肉香、脂肪香配搭香料變奏出三款不同滋味，再蘸上沙嗲醬，超惹味呀❤️‍🔥 每塊肉質地都腍滑爽口，令人好滿意🤗
酥炸皮蛋餃 ($32)
一口一隻嘅酥炸皮蛋餃，名符其實酥脆非常，香口嘢愛好者一定鍾意😝 內餡有結實又富肉汁嘅豬肉，拼埋皮蛋鹹鹹香香，好特別😋 一個人食晒成碟4隻，其實唔難🤪🤪🤪
南乳脆雞翼 ($28)
南乳拼雞翼，絕對係唔會出錯嘅配搭😜😜 <巴剎雞飯> 呢味 <南乳脆雞翼>更係青出於藍😍😍 雞翼size 好大肉多，南乳調味恰到好處，完全冇多餘嘅油膩感🫶🏻 最犀利嘅係，咬開雞翼，裏面每一絲雞肉都係熱辣辣出煙嘅，仲要超 juicy，很讚🥹🥹
咖央椰絲手抓餅 ($28)
餐廳強烈推介嘅甜品，新鮮整好熱辣辣上枱💖 咖央椰絲同牛油飄香嘅油酥餅好夾，又唔會過甜過油，啱啱好滿足到甜品胃🥰
✅ <巴剎雞飯> 透過香料、醬汁嘅運用，帶出正宗馬來西亞風味🤩 餐廳喺秘製配料、醬汁，同食材配搭上盡顯心思，令食客有不一樣嘅味覺衝擊🤗

✅ 餐牌雖然唔大份，但正餐、小食，肉食、時蔬、甜點飲品一應俱全🙌🏻 食客可以悉隨尊便嗌主食、小食，隨心所欲搵到滿足胃口嘅菜式👏🏻

✅ 店員用心介紹特色食品俾食客，兼教埋食客點樣 enjoy 食物先係最正😻 係好正面嘅 dining experience 😇

📌巴剎雞飯
📍西環西營盤高街64號地舖