喜來稀肉 (Kimberley Road)

Open Now

Now Closed

岩岩先喺韓國返黎，但仍然意猶未盡個靈魂仲留左喺韓國所以返到黎香港都要食韓國菜講到香港嘅燒肉，我特別鍾情於喜來稀肉講起喺香港韓國燒肉嘅原祖，佢都算係數一數二今次我地黎食晚餐，一入到去啲員工就好親切咁示意我地可以喺出面夾前菜，前菜有好多款，包括泡菜、麻油菠菜、芽菜、生蒜⋯ 另外仲有提供生菜添我就覺得呢度醃嘅泡菜非常之好味飲品叫左柚子梳打鐵板兩邊加左蛋漿一邊係原味，另一邊係加咗泡菜嘅辣味仲有我最愛嘅拌冷麵麵質好煙韌，撈埋啲辣醬同醋一齊食非常之夾而燒肉方面，我哋就叫咗辣護心肉、牛五花，辣魷魚燒好嘅肉包埋生蒜同生菜一齊食真係一流另外值得一提嘅係呢度嘅員工個個都好nice而且仲會定時定候幫我哋換鐵板添

喜來稀肉個名應該好多人都聽過，高峰期晚晚都要排成個鐘先等倒位，而家因為疫情先叫做唔洗等位，見好耐冇食韓國烤肉，就黎幫趁。雖然話少左人食，不過平日夜晚都坐滿七八成。佢格局就同韓國當地嘅烤肉店一樣，一張張圓形烤枱再加鐵筒凳，最好係枱同枱嘅距離唔會太近，食得放心。一坐低先黎前菜三小碟，有泡菜、醃青瓜同辣醬拌菜絲。每碟都好大碟，食完仲可以免費追加，我特別鍾意佢個泡菜，辣勁十足，好惹味。黎喜來稀肉點可以唔食韓式烤肉，佢嘅燒蛋係免費任加，絕對係其中一個吸引我再黎嘅原因。燒蛋一邊加左泡菜，一邊加左芝士，我最鍾意燒到七成熟咁食，仲有少少蛋汁濕濕地，唔會太鞋。辣護心肉($168)護心肉份量都幾多，醃得入味，所以基本上燒完都唔洗再加其他調味料，肥瘦適中，軟腍冇筋，都幾好食。喜來稀肉有免費提供生菜，怕烤肉油膩嘅可以用生菜包住黎食。拌冷麵($95)拌冷麵其實就係辣味嘅水冷麵，麵量幾多，建議可以兩三個人share。拌冷麵涼涼地幾爽口，少少辣惹味得殷又唔會食得太辛苦，只係略嫌麵條黏埋一團唔夠鬆。總結，食物都算幾大份，烤肉同燒蛋都冇得輸，而燒蛋同前菜都有得免費任加，兩個人一人一個烤肉最多加多個飯/麵都一定夠飽，幾抵