INN - I’m Not Nothing

Open Now

Now Closed

放假黎荔枝角行街，順便搵左靚靚餐廳食下野先~睇相見入面係歐陸宮廷風格調，仲有窗透自然光，好岩同女仔FD一齊入黎傾計打卡~南瓜明太子忌廉湯，濃稠惹味，口感順滑。菠菜忌廉汁脆煙腩意大利飯，脆煙腩夠酥脆，同意大利飯好夾。每啖都感受到脆煙腩既香脆同菠菜忌廉汁既滑順。菠菜既清香與濃郁忌廉融合，豐富口感層次。香煎北海道帶子龍蝦汁扁意粉，帶子香氣四溢又鮮甜，配上濃郁龍蝦汁，每啖都充滿海洋風味。扁意粉彈牙口感與龍蝦汁滑順口感完美融合，令人忍唔住一啖接一啖。Mixedberry smoothie，口感清爽，莓果沙冰酸酸甜甜又開胃！Avocado smoothie，牛油果口感較膩，飲落去飽足感好強！

INN個名聽得多！知道有好多間分店，今日終於嚟試試荔枝角店，假日到來不太多人，地點方便！一落巴士就係大廈既門口！到達店門口已經被吸引！入內係宮廷式既裝修！牆上既畫同水晶吊燈，好夾！有打卡位，很喜歡餐廳用雲石枱！有花！感覺好高級!成間店優美優雅既設計，好似說話都要細聲一點，待應態度親切，就立即點咗二個午餐，午餐選擇多，可以配特飲，點餐後先嚟一個餐湯粟米湯，點了傳統英式炸魚薯條，大大件既炸魚，足足有二大件，切開好香入口好脆口，有兩款醬汁選擇！仲有配粗身既薯條香脆唔油膩，再配沙律，整碟份量十足，美味！再叫咗個香煎北海道帶子墨汁扁意粉！本人最喜歡偏意粉，配墨汁絕配！夠味！不太濃！仲有大大粒既帶子！香香既牛油味道，甜美太粒滿足晒好有口感！飲品叫咗杯Mocha，靚靚既拉花配店內既裝修！一絕！影唔少相片！再點咗杯chocolate smoothie 濃濃既朱古力味！加埋香蕉🍌好好配搭！唔太甜！整體用餐滿意！會再嚟幫襯!

Open rice 預約食lunch set 有9折優惠同朋友一人一叫左一個餐首先餐湯，粟米湯整體係ok既，但唔太似西湯，似粟米魚肚羹個個味道同質地🤣好多人叫既7號餐，蟹肉南瓜燉飯燉飯超好味，好香南瓜，口感粒粒分明又濕潤👍🏻👍🏻朋友點既豬鞍，賣相唔錯豬肉好 juicy， 上面有d莓jam，旁邊有芥末，配埋食幾開胃。另外要讚下收埋系底既小配菜👉🏻👉🏻薯蓉，小甘筍，粟米。薯蓉好滑好棉❤️最後我點既凍朱古力🍫好濃朱古力味，唔會過甜，上面既cream亦系厚實好味既cream🤭整體都唔錯，唯一係怕熱既朋友就要留意，店內既冷氣唔太夠❄️

晏就揾食黎到呢間餐廳，以希臘式設計風格，還有水晶吊燈和西式巨柱，聽著輕鬆音樂🎶，成個人都chill 啲😌。🥣🍄黑松露忌廉蘑菇湯 Creamy Black Truffle Mushroom Soup （Daily Soup)雖然係是日餐湯，但一點也不馬虎，粒粒打碎磨菇，每一口都充滿磨菇口感，再夾雜著黑松露和滑溜忌廉香味，味道唔錯。🦀🎃蟹肉南瓜意大利飯 $98Pumpkin Cream Risotto with Crab Meat意大利飯舖上金黃南瓜色，有蘑菇和新鮮蟹肉，唔洗自己親手拆蟹肉，值得加分。🍅🦑意式茄醬海鮮意大利飯 $98Italian Tomato Risotto with Seafood 食到有魚肉、魷魚、八爪魚、元貝和兩隻青口，鮮味十足，再配上濃香蕃茄，味道超夾！兩款Risottos 嘅飯粒香濃又彈牙，食完每一口都好想即刻再食第二啖。☕Hot Latte (跟餐半價 +$19）& Mocha (跟餐半價 +$21）（Change to another drinks 50% off) 兩柸都係濃郁咖啡，飲完之後好醒神，拉花都好有心思。店員有禮，人流唔算很多，食物有水準。