祥記麵家

Open Now

Now Closed

這次在祥記麵家的用餐體驗，絕對是一場味蕾的盛宴！首先，薑蔥🦐蝦子撈麵，讓人驚艷不已 。竹🎋昇麵的彈牙口感與濃郁的蝦子醬完美融合，薑蔥的辛香點綴其中，既提升了鮮味，又不會喧賓奪主。每一口都能感受到蝦子的鹹香與麵條的韌勁，層次豐富，讓人忍不住一口接一口！腐乳通菜則是清爽與濃郁的絕妙平衡 🥬。通菜翠綠爽脆，腐乳的鹹香滲透到每一片菜葉中，既保留了蔬菜的清新。最後，麥片炸鯪魚球🍡更是驚喜滿滿 🐟。外層的麥片酥脆香甜，內裡的鯪魚肉鮮嫩多汁，口感層次分明。沾上蜆芥醬汁後，鹹鮮中帶一絲海味甘甜，讓這道小吃的風味更上一層樓，絕對是必試的經典之作！總體來說，這三款美食展現了祥記麵家的傳統與創新，每一道都讓人感受到澳門美食的獨特魅力 🌟。如果您來澳門，千萬不要錯過這家老字號的美味！

第2日晏晝我揀左食麵😋蝦子麵係澳門都叫好多地方有得食～我就揀左呢間。。佢嘅豬手麵同炸鯪魚球都出名。。呢幾樣野我都有叫黎食。。佢個鯪魚球就一定要點仔個汁。。超野味。。而佢個蝦子麵啲蝦子完全唔會少。。每一條麵都會黐住啲蝦子。。啖啖麵都有蝦子😋超正‼️雖然佢舖頭啲野食係偏鹹少少。。但我就覺得幾好味😋排隊食野就緊啦。。但佢都好快就有位👍🏼👍🏼..🍜招牌蝦子撈麵🍜豬手撈麵🧆金沙炸鯪魚球🥬油菜..📍 祥記麵家 (新馬路)新馬路福隆新街68號地舖

豬手撈麵($40) ●●●◐○跟咗碗湯俾你撈🍜份量超少，如過只係叫麵食只係夠下午茶食豬手肉都夠多，味道正常有啲南乳香啦，但係坦白講食唔出米芝蓮質素整體麵類失色，同埋冬天食撈麵凍得好快🤣炸雲吞 ($52) ●●●●○炸法好得意，雲吞皮食落似蛋散，我幾鍾意（不過餡都係偏細嚿）金沙鯪魚球 ($52) ●●●●○用脆米包住，酥炸香脆，配蜆蚧醬（我麻麻地，有啲重口味）我平時唔鍾意食鯪魚球，覺得有啲臭不過呢個炸完已經冇嗰種臭味，所以都食得高興✍🏻 上次嚟係2015年，家父母就話份量細咗又貴咗，蝦子麵都冇咩特別📍祥記麵家💰: ●●●◐○環境、服務：●●●◐○

去到鋪頭前面已經排哂長龍，好彩條龍清得算快。入到鋪有種時光倒流既感覺，鋪真係幾舊同環保普通，有興趣食既人要留意下。叫左咖哩撈同埋招牌蝦籽撈，係喜出望外既好食，蝦籽都幾重手下。

4年沒有來過澳門，到達第一時間嚟品嘗祥記，叫了薑蔥魚皮原全不是味兒，唔爽，無香味還暖暖哋，水餃好細粒，湯底無大地魚味又鹹，味精湯底超口渴，咖喱牛腩麵色香味不全又細碟，麵質差，祥記可以不來了！

🦐 招牌蝦子撈麵 $40黎到必點既一定係蝦子撈麵, 係店既招牌之一, 滿滿既蝦籽鋪滿係表面, 撈一撈, 食落好香既咸香味🦐 南乳豬手 $50豬手就係另一個招牌菜, 用南乳醬煮到冧晒入晒味, 一咬D南乳香味出晒黎🦐 雲吞撈麵 $40📍 祥記麵家Loja Sopa De Fita Cheong Kei地址:新馬路福隆新街68號地舖※※※※※※※※※※※※※※※※※※※※※※※※※※※ 

去完最香本身諗住去食翅，點知排十幾廿人，就行前多幾間鋪去左食麵，即刻有得入。傳統茶記麵檔style, 落哂單，埋單睇枱面d 碟埋數。澳門好多鋪頭都人手不足，唔知依間係咪都係咁，一個人轉黎轉去落單上菜，洗碗既又埋數😂叫左好幾樣野，但冇逐樣影。其中我主要食薑蔥蝦子撈麵，唔食薑蔥既可以叫招牌蝦子撈麵。蝦子唔算多冇咩香味，d 麵冇話特別彈牙，d 湯勁遲先得閒上；仲有炸鯪魚球，一口size, 好食有果皮香味可惜太細粒。 叫完先發現有個叫吞球係炸雲吞同鯪魚球既雙拼，人少都可以試哂兩款；另外仲試左鳳爪、水餃同雲吞，鳳爪辣得黎好食，後兩樣就偏細粒，正常質素。😂前排係香港食完麥奀記，覺得依間祥記性價比高好多。環境衛生係差d,但食個快飯黎講都算ok

蝦子麵蝦子吾香,但D麵底有好咸的soy sauce,吾明。鯪魚肉死咸,雖有果皮味。豬手D肉好實,一樣系死咸。樣樣都咁咸,頂吾順,旺飲水。以前吃過吾系咁的！！！出声只因希望店方留意番味道和衛生,不想見到系咁走下坡

一家大小去吃飯，沒煮熟就算了，想要蠔油，還管我要兩塊錢。結賬時說因為是大年初一，要加20%，我們問為啥那麼這麼貴，他就說是為了澳門的旅遊業。根本就是看我們是香港遊客，惡意壓榨我們。一碗面四十塊，七個人吃，再加一個小吃五十塊，最後硬是給了六百多塊。都是垃圾，大家千萬不要中計去光顧他們的無良店家

又貴又細碗，又唔好味又污糟又邋遢，帶着一家人，非常後悔，小朋友嫌污糟，老人家嫌佢又貴又細碗，我就嫌佢乜味都冇，蝦子冇蝦子味，豬手麵送頭髮一條，好核突，你去過後邊廁所，見到洗碗嘅地方你就一定唔會想喺度食嘢，問佢攞個碗仔碗好似未洗過咁

很久沒有到澳門嘗試過「祥記麵家」今次叫了一碗$32的雲吞麵，一個浄水餃，但是比我的感覺，是非常的失敗！完全沒有以往的風味，麵質口淡淡，並沒有蛋麵的味道，雲吞完全不合格，水餃也是像街市買回來的。今次的經歷令到我們簡直是將這一間老店付諸流水！所以食市必須謹守崗位，不能求求其其的經營落去。

呢間舖頭已經好多年歷史，早係幾年前旅遊書一定會有佢既身影。 宜家人氣雖然唔似之前咁旺場，不過反而仲好，唔洗同人迫。間店舖細細，勝在用料實在，周不時可以見到店員係度包雲吞，準時食材。呢間必食既係蝦籽麵！事關麵底都係好彈牙，好有咬口，配上蝦籽，味道配合得剛剛好，喝埋個湯就更加完美。我今次揀左薑蔥蝦籽麵，味道比較清爽。唔好睇佢細細個碟，其實一個女仔食係夠飽既。有時候好味既食材，簡簡單單放在一起已經足夠，比起其他相機先食既舖頭，呢一間真係實而不華，值得食既美食。

澳門的蝦子撈麵試過幾間，但我最愛係位於新馬路紅窗門的六記澳門揾好野食的店鋪特色都係細細間。。，如果唔係有朋友帶路自己絕對唔會識揾d隱世美食六記的蝦子撈雖然細細碟，但佢地的c油+麻油加上昂貴的蝦子配上麵撈後簡直係絕配隨撈麵會附上一小碗上湯,可因自己的喜好上湯就咁飲/用麵沾湯一齊食我最鐘意就咁食蝦子撈麵,唔駛配任何上湯,已經好好味店內還有酥炸雲吞﹑豬手撈麵桑寄生蛋茶等。。。而可樂也是一瓶瓶的，別有一番懷舊風味

同朋友去澳門遊，當然要食吓當地美食啦😋我哋去一間旅行書都有介紹嘅老字號粉麵店，呢到當然要試一試。我哋叫咗最出名食蝦籽撈麵，雲呑撈麵，豬手撈麵，水餃麵，牛腩河🍜炸菱魚球同炸雲吞🥟蝦子撈麵，份量比較細碟，但蝦籽味好香濃，麵質彈牙，值得一試👍🏻雲吞同水餃就一般般，無彈牙感餡料亦比較少。牛腩亦是一般，肉質較靭及唔夠入味，對相我比較喜歡香港嗰啲。炸菱魚球同炸雲吞，呢個正嘅！新鮮即炸，菱魚球好彈牙，雲吞炸得好脆！不得不贊嘅係個蜆介醬，味香且濃配上炸菱魚球一流👍🏻👍🏻👍🏻

祥記麵家基本上係到訪澳門必食之一主打竹昇麵，金沙炸鯪魚球麵是無比的爽滑彈牙，配上特製的蝦籽，加幾滴豬油，一碟蝦籽撈麵可以話係完美無瑕金沙炸鯪魚球，有鯪魚嘅香味，但没有魚的腥味蝦籽撈麵和金沙炸鯪魚球可以話係詩畫雙絕今時今日堅持做竹昇麵的麵店，已經少之又少有人說澳門竹昇麵有4大巨頭，祥記、六記、巨記、黃慶記，排名不分先後這是別人家的排名我的排名只有祥記和六記，而且排名分先後竹昇麵這門手藝，都不知道還可以傳承多久傳承多久，就吃多久希望可以一直傳承下去