Video
4-min walk from Exit A, Sai Wan Ho MTR Station
continue reading
Introduction
The curry omurice is the most popular dish here, with curry that is not too spicy but sweet.
continue reading
Awards and Titles
Best Restaurant in Eastern (2016)
Additional Information
暫停堂食直至另行通知, 只設外賣
外賣每盒加二元
Opening Hours
Mon - Sun
11:00 - 17:00
Above information is for reference only. Please check details with the restaurant.
RELATED ARTICLES
今日想去買咖喱蛋包飯和滷肉飯，但已經落閘關門，連門口的招牌字都拆埋，應該結業了。西灣河又少了一處好吃的地方了，懷念以前坐後巷吃咖喱蛋包飯的日子，加杯檸檬雜飲，一絕也。There’s been many restaurants closing fir yge past few mobths. Great losses to those live in Sai Wan Ho. Any good restaurants left in Sai Wan Ho?
continue reading
🇭🇰華記士多 ·呢間我自己食過好幾次㗎啦 不過因為之前佢係坐喺後巷度食既 環境麻麻 比較難影相 所以我一路都無post過😂😎不過佢依家已經無再做堂食啦 一定要外賣🫢我自己覺得佢堂食有風味啲 因為佢個蛋會超滂湃 望落開心啲🤣·咖哩蛋包飯$40 (外賣+$2)我自己好中意食佢個咖哩飯 佢個咖哩汁食落好濃 好有層次 唔會好寡🍛之後個蛋都整到超滑 就算外賣攞到翻屋企都完全唔會老😍😍而且佢個飯底本身都有咖哩汁既 而且仲有好多雞塊 所以食落好好味🐤🤤·#rbyeat#rby港式#rby西灣河·📍西灣河筲箕灣道48號地下3B號
continue reading
華記士多係區內都有一定名氣， 唔好以為士多就係賣雜貨， 非也， 士多都可以賣蛋包飯 ！ 自從疫情後 ， 店舖暫停左堂食， 變相只能外賣， 店舖主打都係街坊生意， 外賣正正岩哂附近番工/番學既客人。 不過都希望佢早日開番堂食， 因為一黎方便啲，二黎係因為先前既座位唔多 甚至會開埋隔離巷既摺檯等位置，相當有風味🤣🤣店內只售賣三個餐， 包一杯飲品，價錢大概為$40-45， 外賣需再加$2。 價錢相當親民店內主打咖喱蛋包飯， 仲有一款係滷肉飯。 而飲品方面， 有一般嘅咖啡茶，仲有菜蜜檸水檸茶以及檸檬特飲。 今次就order左芝士咖喱蛋包飯（$47） 以及檸檬特飲。 份量望落都幾大 本身以為蛋包飯入面就係飯 點知一開入面係滿滿嘅肉 加上份量又大 食一半已經飽到飛起 咖喱汁味道唔錯 意外地係唔辣嘅 啱晒啲唔食得辣嘅朋友 芝士應該係就咁加係蛋下面一層 拎到番去開嗰陣已經融到一乾二淨🥲 同埋係唔係點食得到芝士味🥲 係食到尾 先係一角食到芝士既味道😅 嘢飲方面 檸檬特飲其實唔會好酸 反而相信應該有加到少少橙汁喺度 所以飲落有少少橙汁味道 反而檸檬味相對較少
continue reading
🌟華記士多-西灣河📍西灣河筲箕灣道48號地下3B號📍Shop 3B, G/F, 48 Shau Kei Wan Road, Sai Wan Ho==============================👤人數：2💰埋單：90给分很高的一家隱藏角落小店，好味之余还很良心，學生優惠只需要$28。店只有幾款菜品，座位也不多，像大排檔設立巷子裡面，想去也要碰碰運氣，有時候在營業時間也會沒有開店喔，最好打電話問下啦。🥢芝士咖喱蛋包饭 $45 ⭐⭐⭐⭐正確來說是蛋蓋飯哈，雞蛋好滑，在門口偷看了很久廚房製作，偷雞偷師🤭，咖喱用的是包裝咖喱磚那種，但味道就是比自己做的好吃，裡面飯是雞肉炒飯，分量超級足好飽，口感層次好豐富，推薦加芝士，真的性價比無敵高！#sikla #香港 #香港美食 #香港美食指南 #香港美食日記 #香港美食推介 #香港美食地圖 #香港美食推薦 #hkfoodie #hkfood #hkfoodblogger #hkfoodstagram #hkfoodlover
continue reading
性價比極高、老字號蛋包飯💎推薦分數: 8.5/10———————————————————唔知大家鍾唔鍾意食蛋包飯？不過香港嘅蛋包飯好多時都唔係蛋包飯，而係蛋蓋飯，因為對我來講蛋包飯應該係完全覆蓋個飯，而且一切開會流哂出嚟。今次介紹既呢間都唔算係正宗蛋包飯，但佢應該係香港最抵食嘅蛋蓋飯。華記士多係一間喺西灣河嘅老字號大排檔，主打平民價錢嘅咖喱蛋包飯，位置喺西灣河嘅後巷，令到蛋包飯成為西灣河嘅名物。店舖淨係賣三款嘢食，最簡單嘅蛋包飯包埋嘢飲，所以非常抵食，咁多年嚟都係加咗好少價。餐廳嘅位置有少少隱蔽，喺大街轉入去嘅後巷，真係行過都唔覺嘅小店。餐廳堂食位置就係喺後巷，所以係非常地道，如果對環境有要求、唔想坐喺街度，咁依度就唔係好適合你，因為係露天後巷，所以夏天應該會幾熱。店舖嘅嘢食一張Menu睇晒，芝士咖喱蛋包飯、咖喱蛋包飯同台式滷肉飯，所有飯都會包一杯嘢飲。-1️⃣ 咖哩蛋包飯 （👅: 8/10）外觀睇落去非常吸睛，因為佢蛋睇落去好滑，而且有好多咖喱汁，如果係堂食會更加澎湃，如果切開個蛋包飯，就會見到豉油雞肉炒飯，不過隻蛋就冇流出來，大細就好似一碟碟頭飯，滑蛋同咖喱份量都算多，如果女仔食可能會食唔晒。飯啱啱整好所以係熱辣辣，咖喱應該唔係自家製，好似睇到係用日式咖喱磚，質地唔算濃稠、偏稀身，香味突出，咖喱係有啲似日式嗰種，食落去係比較甜，帶好少嘅辣味。而蛋係半熟狀態，咬落去係非常嫩滑，仲會有蛋汁，食落有蛋香味，同咖喱撈埋一齊食非常之夾。炒飯係用咗豉油去抄，同平時嘅蛋包飯唔同，雖然加入左港式風味，但係炒飯都算幾入味，有淡淡豉油味，唔會太鹹，飯唔算太濕潤，都算乾身，係粒粒分明，偏硬身小小但唔係未煮熟。炒飯入邊仲會有雞肉，雞肉份量都唔少，每一啖都可以食到雞肉，雞肉有醃過，表面有焦香過，肉質唔算好嫩都唔算老。略嫌個飯好似唔夠熱，同埋如果個飯可以炒得有鑊氣啲，或者攞去焗一焗會更好。-2️⃣ 芝士咖哩蛋包飯（👅: 8/10）芝士咖哩蛋包飯就係咖哩蛋包飯加上小小芝士，貴五蚊，會見到滑蛋有小小半溶芝士。不過芝士嘅味道唔算突出，只有小小鹹香，朋友更加唔肯定係咪食到芝士，以為係沙律醬，所以我覺得唔加錢都得，因為唔覺加左，雖然芝士唔會蓋過咖喱嘅味道，無加芝士個飯一樣咁惹味。-🍊 橙汁（👅: 6.5/10）橙汁有啲似武無氣嘅芬達橙汁，係偏甜但又唔係鮮榨橙汁。-🍋 檸汁特飲（👅: 7/10）檸汁特飲飲落酸酸甜甜，但感覺係人工嘅味道。-🌟蛋包飯來講佢未算話好食到好有驚喜，但呢一個價錢來講真係非常抵食，冇嘢好要求，如果喺附近返工真係窮人恩物，芝士我覺得唔加都得，如果係特登去就未必，但係附近經過或者掃街都可以考慮。環境方面如果你唔介意咁有風味嘅地方，係可以一試，我自己都好鍾意食大排檔，所以冇咩所謂。不過如果食緊個時撞正店舖清潔，聞到啲漂白水味就唔係咁開胃。-👅味道: 8/10🍴環境: 6.5/10=========================
continue reading