Video
1-min walk from Exit B2, Sham Shui Po MTR Station
continue reading
Telephone
23866871
Introduction
One of the most popular snack shops in Hong Kong, it specialises in tofu snacks, especially the "Tofu Fa"- its most celebrated dish. This little snack shop is very affordable and good for a healthy snack.
continue reading
Awards and Titles
Best Snacks Shop (2010-16), Best Restaurant in Sham Shui Po (2015-16), Michelin Street Food (2016,2017,2019-20), MICHELIN Bib Gourmand (2023-2024)
Opening Hours
Today
07:00 - 21:00
Mon - Sun
07:00 - 21:00
Above information is for reference only. Please check details with the restaurant.
RELATED ARTICLES
帶啲朋友去石硤尾嘅「美荷樓」參觀，了解下香港第一代公屋嘅變遷，跟住順路過嚟「公和」食過輕怡下午茶。逢喺星期六、日，呢度都好旺，不論正鋪，還是隔離新鋪，都坐滿晒人，加埋啲外賣，賓墟咁嘅場面。我哋見巷仔嘅露天位有空枱，「嗱嗱林」掗番張，反正都喺旋風式咁食完就走。餐牌，一版紙睇晒，依定賣嘅食品非常之多，除豆品類，仲有好多小食，連炒麵、烏冬、粥品都有。豆腐花 $13豆腐花始終喺公和嘅熱賣，相信寫嘅人都唔少，所以，我就唔特別多講。總之，質素保持到，基本都唔會令人失望。枱上已經放咗黃糖，再由客人自由添加。叁拼 18$/6件一客有齊豆腐、豆卜、魚腐，各兩件，個人覺得釀豆腐比較好食，一來豆腐滑，二來魚肉彈牙味鮮；豆卜、魚腐都OK啦，前者香口酥脆，後者外脆內軟，喺入口比較油咗少少。瑞士汁豬手 $22一客標明有4件豬手，賣22蚊，價錢都OK，隔離枱個阿姐都推介我哋試吓，所以，就即管一試。啲豬手炆到好化，輕輕一咬就開晒，皮下都有幾多骨膠原，個瑞士汁味道都幾濃，甜甜酸酸咁。豆腐奶凍 $18初頭諗住十零蚊碗豆腐花都有成大碗，咁賣到18蚊嘅奶凍應該有返咁上下，但原來喺好細樽，真喺兩、三啖就食晒。老實講，食落我就覺得奶味重過豆味，質感方面都算OK，嫩滑並且夠挺身。嚟呢度都喺食情懷多過食物嘅質素，咁當然佢哋嘅嘢食又唔喺差嘅，屬中間啦，不過，揀奶凍就不如食番豆腐花，性價比高啲。而全場都好爆，招呼就無乜架啦，食嘅人都喺快上快落，我哋都喺一食完就閃。
continue reading
放工去鴨寮街買完電話卡，想食小食就諗起想食豆腐，用Google map 搵下附近有無豆腐嘅餐廳，就搵到北河街呢間公和豆品廠 👏👏舖頭唔只賣豆品類，除左豆腐花～豆漿～釀豆腐～釀豆卜之外，仲有瑞士汁豬手～雞腳～雞翼，可以堂食或者外賣，超多人幫襯！我買左煎豆腐 18蚊5件 😍現場即煎 件件都熱辣辣 豆腐厚 豆味香上面薄薄一層釀魚肉 滿足°！買完先知原來可以雙拼，下次我要試埋釀豆卜！！
continue reading
收工專登搭車黎深水埗，就係想食返佢嘅美食，好耐冇黎見到原來裝修過，佈置都好特別，去到唔使等位即刻入筆，座位都算乾淨，落完單之後上餐速度好快有得食，三拼荳腐荳扑魚腐好好味一定要叫，如果唔係叫咗腸粉本身諗住叫多一碟，豉油王炒麵正常味道，瑞士汁雞翼都OK可以一試，蘿蔔糕煎得夠香，見唔夠所以叫咗腸粉，凍豆漿好飲，食完有啲飽所以冇食到佢個薑汁雪糕，整體用餐感覺OK，職員有禮貌，價錢都算合理，如果經過附近就要再食多次。
continue reading
朋友話想去睇地道啲嘅地方，帶咗佢嚟深水埗，想坐底食吓小食，又唔想食咁飽，就諗起呢間公和豆品廠。細個同屋企人嚟深水埗都會去飲吓豆漿，食個釀豆腐，所以都想比外國朋友體驗吓。我哋嗌咗個三拼、兩杯豆漿同埋一個薑味豆腐雪糕。三拼有釀豆卜、釀豆腐同埋一個炸魚肉撈豆腐。我自己最鐘意食釀豆腐，豆腐無額外調味，一食就有好香濃嘅豆味，好正！炸魚肉豆腐都唔錯，會食到豆腐嘅軟嫩同埋綾魚肉嘅彈牙。我朋友就話炸豆卜最好食，佢係煎釀三寶豆卜嗰隻味，我覺得麻麻哋，因為鐘意食有索汁，軟淋淋嘅豆卜多啲。薑味豆腐雪糕我覺得都唔錯，比起一般雪糕紥實，唔容易溶，豆腐味都好出，係薑汁糖水味道唔算太濃。我哋食晒所有熱食先食佢嘅，可能都至少十五至二十分鐘，都唔會話溶咗好多食唔落。豆漿就有糖嘅話都偏甜嘅，不過豆漿唔落糖又會好寡，所以都無辦法。飲完會有啲口渴，不過出面天氣咁熱，真係要整返杯凍嘢抖吓氣先得。以後嚟都會去食豆腐，坐吓傾吓計都幾似去咗cafe啊～
continue reading
話說好耐之前幫襯過呢一品牌(不同分店)d staff 都比較惡，同埋唔憂做所以我好耐都唔會幫襯經過深水埗又好熱，想食碗豆腐花就入咗去比一次機會佢原來而家已經有好多小食食唔係淨係得豆腐花同埋煎釀三寶於是我叫咗個腸粉都唔錯呀童年回憶
continue reading