Video
8-min walk from Exit B, Tin Hau MTR Station
continue reading
Telephone
90934375 (WhatsApp)
Introduction
名字叫作「潮民」，除了新潮之外，更重要的是店內主打潮州火鍋。位於大坑的潮民，以新派火鍋作賣點，食材湯底都以創新為先。
continue reading
Additional Information
餐廳供應火鍋
Opening Hours
Today
16:00 - 00:00
Mon - Sun
16:00 - 00:00
Above information is for reference only. Please check details with the restaurant.
Signature Dishes
Review (109)
食嚟食去都係嗰啲嘢，朋友介紹話試吓呢閒，佢訂咗位，俾個餐廳地址叫我哋自己去。從來未嚟過大坑食嘢，諗住早少少嚟搵吓間嘢喺邊度。到咗附近行上行落都見唔到間似食火鍋嘅嘢！🤔 再行返去街尾見到另外一個friend 於是一齊搵，佢見到偏高嘅位置有個細細嘅「潮民」招牌，問係咪要上樓上，不過地址明明係地下，最後對清街名同門牌號碼入咗去，不過點睇都唔似係間火鍋店。😅我唔係好鍾意番茄湯，不過介紹我哋嚟食個friend話叫我哋一定要試吓。我哋叫咗啲餐前小食（其實未試過打邊爐會食餐前小食，新嘗試😂）炸魚皮又脆又大塊，午餐肉好香好特別，雖然話係炸嘅，但係一啲都唔油淋淋，加埋啲Kimchi真係絕配。今日其中一個主角應該係手切牛肉，雖然老細話咗俾我哋聽呢個係牛嘅乜嘢部位，不過我唔記得咗啦😅。老細幫我哋灼熟，啲牛肉質感好好，味道鮮甜😋😋，我哋食完呢碟，又叫咗一碟另一個部位（都係唔記得係邊度🤣），淨係知道好食超正，喺超市同街市買嗰啲雪藏肥牛冇得同佢比，根本就唔同level😂。西班牙黑毛豬肉片都好好味，好滑。為咗唔想灼得太耐，嘥咗啲蟶子，又係有專人幫我哋整埋。😋😋啲竹笙好大條又夠爽，不過值得一提嘅係佢哋啲牛丸同潮洲魚蛋，兩樣都超好食，質感同味道都好正，值得推介。不過又係嗰句，唔同level嘅嘢係比較唔到嘅。😂整體嚟講，食物質數好好，環境比一般火煱店正好多，服務非常好（除咗我哋一入餐廳嗰陣一個人都冇之外😂），但係價錢就真係都幾貴，對我個人嚟講係一個好特別嘅餐飲經驗。如果有心理準備價錢唔會平，又想試吓另類火煱，可以嚟試試。（P. S. 我其實唔知實際人均，俾錢嗰位冇講，不過根據menu上嘅價錢，都大約估到😅。）
continue reading
個人非常鍾意傳統嘅潮州火鍋，喜歡好食材，最近食得最多就係潮民火鍋，好招呼好服務，食材又夠靚，個人覺得最好食嘅有：頂級手切山東騸牯牛，野生竹蓀，鹹蛋蝦餛飩，湯底每款都好食
continue reading
首先鋪頭超細 兩個人打邊爐張枱放埋個鍋同餐具已經無任何位置放食物沙嗲湯底188 極鹹 令人覺得在死海中打邊爐上菜速度超慢 未試過打邊爐係等你食晒一碟再上另一碟 超級無癮牛肉就店家推介 二百幾，尚算ok,墨魚滑拎出嚟完全未解涷 裡面硬到走飛 差啲想一大舊放落去菜完全唔新鮮 醉雞由order之後over45分鐘先到 只有酒味 斬得好差。坐喺度睇住個鍋係無嘢食喺度等，兩個人你眼望我眼。兩個人埋千幾蚊以後都不會再幫襯的火鍋店！
continue reading
前日聽朋友介紹大坑有間潮式火鍋店，於是同班friend過去嘗試下，點知去到發現有雞煲食，經過商量大家決定先食個雞煲再打邊爐。原本大家決定食個龍蝦雞煲，但系店員介紹咗個膏蟹雞煲，覺得都幾有新意於是就嘗試下，認真好味，麻辣得黎，又有蟹噶鮮味，認真值得推介，其次食完再打邊爐，牛丸，魚蛋，都好有潮州特色，仲有山東騸軲牛肉，認真冇得彈，入口即溶，另外值得推介噶系聖子，真系手指咁大條，最後埋單一千二百幾，價錢中規中矩，還算OK。
continue reading
食物簡直係唔值得去食，普通屋低買到200蚊嘅食材要成1000蚊，夠膽死雙拼鍋收兩個鍋嘅價錢，問佢嘅時候又唔講清楚。下次唔該俾返兩個鍋我，免得再有人中伏，我平時都唔留言，今次要題醒大家，乜鬼三秒響令，跟本就係包裝開出來，炸都無炸過，垃圾！真心嬲，快啲收當，湯低貴唔緊要，仲以為有咩新鮮蘿蔔皮，點知無味，頂爆佢。我留呢個言已經過咗一日，諗清楚先數你！千萬唔好去！為咗有得評， 我要寫夠200字 and I would like to express my feeling in English for English reader. This shop is a scamp, you won’t get what you paid for and food are totally rubbish! So don’t go, I really regret after going, not because of the price, but mainly the quality.
continue reading