Video
3-min walk from Exit C1, Olympic MTR Station
continue reading
Telephone
29499230
Opening Hours
Today
11:45 - 15:00
16:30 - 22:00
Mon - Sun
11:45 - 15:00
16:30 - 22:00
Above information is for reference only. Please check details with the restaurant.
Recommended Dishes
一坐低就有斷人頭計嘅車厘茄小麵包，可以點橄欖油或者黑醋嚟食。意粉就揀咗意大利薯仔粉團，佢有幾個汁揀嘅，問waitress姐姐邊款最好味，佢就推薦我哋試下羅勒香蒜汁，佢話因為呢個汁係佢哋自家製嘅，又真係冇介紹錯，個汁好清新好香羅勒味，反而又冇乜蒜蓉味。佢個薯仔粉團煙煙韌韌幾好食。pizza我哋就揀咗最傳統嘅意大利辣肉腸pizza，呢度嘅pizza係長方形嘅，我估主要係要就個pizza焗爐，味道唔錯，唔好睇佢細細個其實食落就知都幾飽。我哋仲叫咗個羊架，肉質都幾嫩，好食。最後食埋甜品就非常滿足，佢個tiramisu好好食，另外嗰個唔記得咗叫乜嘢名嘅蛋糕味道都唔錯。
continue reading
呢間意大利菜味道正宗，而且食材非常新鮮，我哋今晚四個人叫咗一個前菜一個Pizza同埋一碟意粉再加兩個甜品share，食到非常滿足，每人都唔使$200 ，簡直係超值。前菜揀咗意大利風乾火腿黑醋火箭菜沙律卷，火箭菜好新鮮，用風乾火腿包住配合得好好，佢個呷醋汁調返個鮮味出嚟。 pizza就揀咗留心水喉芝士火箭菜Pizza，唔小心又叫咗火箭菜添，pizza個餅底做得好好食，火箭菜同埋水牛芝士都正，個Pizza幾好，唔會好滯，食得出好新鮮嘅味道。 pasta就揀咗意大利雲吞配黑松露雜菌汁，佢個汁做得好好，好Creamy，個意大利雲吞都好好食，雲吞皮有彈性，另外邊嘅芝士粉好香。仲有佢免費送嘅小麵包味道都好好，點黑醋加橄欖油超正。
continue reading
因為我哋得三個人，但係好多款pizza都想試，最後發現原來啲pizza係可以雙拼嘅，於是我哋就揀咗意大利辣肉腸pizza拼卡邦尼pizza，唔好睇佢咁薄，其實三個人要食曬都幾飽下。辣肉腸pizza就唔使多講啦，佢啲辣肉腸係幾好味嘅，至於個卡邦尼pizza我都係孤陋寡聞第一次見。有大大隻蛋喺上面個感覺就好似印尼炒飯咁樣，入面嘅配料主要就係煙肉同芝士，即係好似卡邦尼意粉咁樣不過就做咗pizza。另外仲叫咗一份芝士焗矮瓜，啲芝士好香，呢個小食都幾滯，如果多人叫嘅話值得一試。
continue reading
今天來一趟高級的happy hour，唔飲啤酒要飲吓紅酒，仲要配埋好正嘅cheese platter同cold cut，過一個非常relax嘅下午。佢呢度嘅cheese platter一共有4款芝士，除咗隻blue cheese之外，其他嗰三款我都唔係好識分辨係乜嘢芝士，總之就係飲住紅酒食芝士好正啦。佢個blue cheese幾好食，個味道唔會太濃。cold cut就有意大利風乾火腿同埋辣肉腸，兩款都幾好食，又唔會好鹹。 happy hour紅酒白酒同意大利起泡酒free flow都幾正。
continue reading
農曆新年吃了很多頓中菜之後要吃些其他東西，所以今天晚上便選了這一家大角咀的常滿西餐廳，點了一份烤羊架和喝了一杯Mojito。這份烤羊架物超所值，才$198竟然有4年件羊架，而伴在一旁的沙律菜亦新鮮精彩。羊架size大而且偏向厚身，肥瘦度適中，如太肥便讓人吃不消，但如果太瘦則會偏向韌，很難咬開。羊架內仍保留肉汁，煮得不錯。沙律菜是用新鮮菜自家製，入面的火箭菜和車厘茄都很新鮮。唯一挑剔是羊架配了芥辣而不是薄荷醬。這裡有非酒精的Mojito，點了一杯，味道不錯，薄荷葉很香。
continue reading