Video
Opening Hours
Mon - Thu
11:30 - 22:00
Fri - Sat
11:30 - 23:00
Sun
11:30 - 22:00
Public Holiday
11:30 - 23:00
Above information is for reference only. Please check details with the restaurant.
Recommended Dishes
透過Yahoo團購，先知道有呢間餐廳～據聞是呢間野嘅創辦人係前英國皇室御廚～仲好似話甜品好出名添～團購賣$298 2人餐，甘抵就殺佢啦～呢間野喺海港城海運大廈地下，鋪面細細，平時行過都唔係好覺，今次去到打算食飯，20:00，個餅櫃已經吉曬！！嗚哇～～飯 都係要食嘅～入去吧！$298有⋯南瓜湯2客，或者個以揀沙律～南瓜味香，香葱為呢個湯更添美味！熱檸水，凍奶茶熱檸水靚靚tea pot set上，尚算精美，奶茶味道比較淡，茶味唔夠～龍蝦意大利飯半隻龍蝦賣相好靚，龍蝦灑滿芝士粉，龍蝦爽口多肉，意大利飯林度剛好，每粒米飯也充滿住龍蝦嘅香味，會是比較重味的飯，我個人十分喜愛！黑松露安格斯肉眼件扒幾靚，我叫五成熟佢控制得好好，入面肉嫩肉汁豐富，外面小小焦好香，上面嘅松露菇汁好香，仲有d好好食嘅薯蓉墊底，味道也是偏濃，重口味的我十分喜歡！最後，完全清光光，yummy yummy!捧住個肚仔走喇！真係抵食又好食！
continue reading
下午冇目的地去找下午茶 行左入黎lee 間 環境野食都唔錯不過d服務質素同旺角茶餐廳冇分別叫左個tea set 個英國鬆餅幾好食其他都唔錯 睇你想揀食野定同時要求禮貌既服務質素如果你要求有禮貌既質素配合返lee 種環境建議唔好去試 免得食完一肚氣
continue reading
繼續補記生日飯。再講多次，年紀大了，生日飯真的不吃也罷！但能與親愛的朋友們相聚，則是求之不得的美事；今篇一次過紀錄幾頓開心愉快的生日飯，以及飯局前／中／後的一些美好／搞笑／奇幻的難忘片段！ 首先是8月13日，出發去 九龍海逸君綽酒店前，在 The Royal Touch 的午餐局。其實初開時吃過下午茶及外賣 cupcake，已立定主意要再來吃皇室朱古力脆餅蛋糕及午餐，想不到隔了年多才成事，而且是因為預訂 Jamie's Italian 不成，才錯有錯著！ 這裡的環境舒適、食物及甜品算吸引，定價也合理，人氣卻遠不及隔壁的 Greyhound Cafe，其實真有點古怪。不管了，帶著早到妹妹，我要開始點餐囉！ This is my sweetheart!!! 這裡的午餐由$118-158，價錢包沙律、餐湯、自選主菜，以及咖啡／茶，不過凍飲要加$5。先給Chloe點了一份意粉午餐，然後 烤雞胸凱撒沙律 Roast Chicken Caesar Salad 很快上檯了。凱撒沙律從來是媽媽最愛，中間的烤雞胸就是妹妹囊中物，小人兒非常愛吃！ 吃完雞胸肉，又到廚師精選湯上場。這天是 粟米忌廉湯，清清甜甜的、很舊日的味道，妹妹幾喜歡的，而且份量不少，兩母女一起分享正好。 妹妹主菜是 經典肉醬意大利粉 Spaghetti with Classic Bolognese ($118)，意粉調味自然，口感也不俗，比預期要好，分了少部份給朋友後，妹妹可是很努力的吃... 直到薯條來臨。 另外幾位7,8壽司的主菜也陸續上場，場面十分豐富，有點震撼感呢！ 這是車媽媽選的 烤美國豬肋骨 Roasted BBQ US Pork Ribs ($158)，以一人份的主菜來講份量大方，除了誘人豬骨又有翠綠西蘭花及萬惡薯條，Chloe一見它就放棄意粉「唔要!!!」=P 但更讚是 Oli 選的 波士頓龍蝦意大利飯 Boston Lobster Risotto ($158)：沒錯面層的龍蝦很誘人又多膏，不過其實煮得有點太熟、味道不算吸引，反而底下的意大利飯飽滿有口感，又滿有龍蝦的鮮香味，十分好吃。 由於肉醬意粉已含牛肉成分，車媽媽不能吃，細心劉總最後棄牛柳改點 廚師精選炒飯 Chef's Fried Rice ($138)，細問之下是黑松露鵝肝飯，按理是誘人的組合，但問題這飯真是中式炒飯 style 上場，結果落得不倫不類。 主菜出五成力就好，因為一早留了蛋糕！第二波開始前，來壺幽香的 Earl Grey 清清胃口吧～ 其實全店的碗碟及茶具都很好看，這可疊合的茶杯茶壺套裝更是有趣。準備開始甜品時，上完畫班的囝囝及爸爸也來了，除了清碟有望，我們又可挑戰更多甜品了，嘩哈哈哈！ 正式進入甜品前，順便試一下老公的 煎焗牛柳配蘑菇汁 Pan-Roasted Tenderloin Fillet with Mushroom Sauce ($168)，牛柳肉嫩味香，底下配上迷人黑松露薯蓉，好吃啊！ 起初餅櫃款式較少，先選了 檸檬脆皮撻 Lemon Tart 及 英國香蕉太妃批 British Banoffee Pie，兩款都不錯，原價$50@，跟午餐可享特惠價$38@，挺抵吃的。 後來更多的甜品出爐，堆滿了餅櫃，好吸引啊！忍不住多選出兩款來～ 很推介前方的 紅絲絨蛋糕 Red Velvet Cake，輕帶 cream cheese 的柔滑，又美又好吃，而且份量不少；後方的 玫瑰花茶慕絲蛋糕 Rose Tea Mousse Cake 也很美，但那口味非我最愛。 其實想吃的還有紫薯竹炭蛋糕、維多利亞女皇蛋糕、英式伯爵茶朱古力蛋糕，不過真的要留肚給 皇室朱古力脆餅蛋糕 ($220)。別看生日個子不大，質感可是超級實淨，來刀切也滿有難度；味道香濃之餘，口感既鬆又脆，飽肚又好吃。如果有個生日牌，就完美了！ 最後老公再來一杯 Cappuccino，就完成滿足的一頓，一家四口又再度展開小假期囉～
continue reading
其實我已經去過第四次！每次都要食呢一個餅 #TheRoyalChocolateBiscuitCake 呢個其實就係 #英國威廉王子 #PrinceWilliam 嘅 #結婚蛋糕 #Groomscake ,每一口都有超濃郁嘅朱古力，餅乾，果仁，提子乾！勁有咬口，口感極其豐富！我會建議最少四個人先至好叫呢一個餅，因為佢既材料實在太有誠意！最好仲要叫多一壺 #earlgreytea 消消滯 😁😁😁😁
continue reading
今天係車媽媽的生日早在13/8已和好友甜魔媽媽，劉總和Oli到Carolyn Robb The Royal Touch Cafe吃了7788的生日午餐。 餐廳超好找，沿着五枝旗桿靠近海旁直走入海港城便可到達。 座位未算十分充於裕，所以真的麻煩甜魔媽媽幫手訂枱了(^_-) 而餐廳嘅設計簡約，氣氛親切又不失優雅，令客享受到高貴又舒適的環境。 Set lunch menu有七個主菜選擇， 另外還有餐湯，沙律及餐飲感覺超抵食喎！今日餐湯係粟米湯味道香甜，還帶有粟米粒粒的口感真的不錯。 烤雞胸凱撒沙律新鮮度亦不俗，係略嫌雞胸肉切成小粒，好像有點少家，但又還因為這樣就啱晒櫻桃小咀的Chloe妹妹喇！ {經典肉醬意粉}$118， 肉醬意粉有牛肉所以我冇試不作評價了，不過Chloe吃得津津有味應該不錯呢！ 我哋習慣開心些牙這樣吃特別開心好味，{烤美國豬肋骨}$158，豬肋骨分量不少，味道亦不俗又淋又滑而且還有大量嘅薯條，唔好話妹妹好開心吖，我哋大人見到都心心眼呢！ {波士頓龍蝦意大利飯}$158，這個飯煮得很入味。而且咬口恰好，龍蝦亦新鮮好吃，質素很不錯啊~ {廚師精選炒飯}$138，今日係鵝肝炒飯，呢個炒飯真係好炒飯的味道，只係加了點鵝肝來烹調，感覺即時矜貴了，不過看上去鵝肝切得太濕碎囉！！ {煎焗牛柳配紅酒汁}$168，這個牛我當然沒有試，但墊底的黑松露薯蓉香氣撲鼻，又帶粗獷質感，我很喜歡這口感呢。 吃罷主菜後見餅櫃已返了不少靚餅，當然要點番數款來吃啦！ 雖然童話幻滅了，但這款{皇室朱古力脆餅蛋糕}仍然是充滿愛的味道，而他的味道確實味美香濃嘅朱古力中混入鬆脆嘅餅塊在內，令口感至味道都充滿驚喜，作為我第一個生日蛋糕，我萬分喜愛。 {英國香蕉太妃批}$50，忌廉打得夠輕身，內裡帶香甜蕉味，餅底較札實，驚喜未算太大！ {檸檬脆皮撻}$48，撻皮係實脆的那種，而檸檬餡酸度恰好質地順滑，吃下十分清新，這款有點驚喜。 但最心心眼係{紅絲絨蛋糕}$50，這蛋糕外層出眾連味道亦很棒，紅絲絨蛋糕不會乾身，味道香甜細緻質感軟熟，十分好味道。 {玫瑰花茶慕絲蛋糕}$50，玫瑰花味香不偽，餅底較實，我覺得慕絲質感可再輕身點，便會更加好味。 這店出品不論主食或甜點質素真的不俗，但個别員工服務質素有待改善，因為連最基本的添水也從冇主動服務呢！
continue reading