Video
Introduction
This Taiwanese restaurant set up a 'Cherry blossom tree' for customers to hang their wishing cards. It serves Taiwan night markets’ snacks, Taiwanese dishes and hot pot. The hop pot is served in an all you can eat style with few soup bases. It provides different types of beef and price sets.
continue reading
Opening Hours
Today
11:30 - 23:00
Mon - Fri
12:00 - 23:00
Sat - Sun
11:30 - 23:00
Public Holiday
11:30 - 23:00
Above information is for reference only. Please check details with the restaurant.
About Reward Scheme
台式火鍋食得多，喺櫻花樹下你又食過未？餐廳位於荃灣，除咗有多款湯底選擇之外更供應特色台式料理夜市小吃同特色手搖。店內設有櫻花樹，俾食客掛上許願卡，成個feel唔同晒🤣湯底要咗椰皇雙子同芝士牛奶，前者採用新鮮椰皇水，飲落清甜，後者帶淡淡奶香氣，值得一試。牛嘅品種按套餐而定，有肥有瘦，個人喜歡牛胸腹，油花香，入口即溶，邪惡增肥之選😋QR code落單，好欣賞呢度嘅小食，唔會hea你，樣靚又好味，大大力推介雞扒，外皮炸至酥脆可口，肉質超級嫩滑，咬落多汁，完全做到台灣夜市嘅味道，encore咗好多次！另外比較印象深刻嘅包括：澎湖花枝丸，外層夠薄，肉質彈牙、台灣香腸，又鹹又香，越食越上癮、宜蘭蔥肉餅，餡料飽滿，有汁、自家醃製蘿蔔，夠酸，好開胃。自助區有多款炸物，菜品同丸類，可能係因為多客人，全部新鮮熱辣辣，炸雞翼外脆內嫩、脆皮香蕉微微甜、香芋球軟綿綿、仲有台灣紫蘿蔔，麻吉燒，甜不辣等，大胃王表示滿滿幸福感。最後一定要留肚食甜品！有齊多款雪糕、沙冰、涼粉等，鍾意呢度嘅Waffle，唔係脆卜卜，偏軟腍嘅，勝在帶淡淡蛋香氣而且甜甜哋咁，配雪糕真係好match、飲品就更加唔使講，基本上諗得嘅都有，仲可以選擇甜度冰度凍熱等，滿足✌️
continue reading
天氣極潮濕，最好都係留商場嘆冷氣，晏晝揀左去別忘了打邊爐，貪佢有甜品任食🤤叫左B餐澳洲M7$278/位，湯底就揀左酒香麻油雞同芝士牛乳鍋，前者有啲失望，無乜酒味同麻油味，芝士湯就幾好味，奶香奶香的🍼呢個餐有三款牛～牛胸腹、卡樂Beef同牛板腱，三款都唔錯，個人覺得卡樂beef牛味最重，牛板腱較滑，牛胸腹有咬口，有款都encore左好多次🤤另一樣返叫最密嘅係羊肉卷，有羊騷味得黎入口甘香，正🤤各式台灣小食都正㗎～鴨血、台式香腸、鹽酥雞、宜蘭蔥肉餅、花枝丸等，黎嘅份量都係1-2件，過下口引真係唔錯。而自助區有大量蔬菜、丸類、麵食、炸魚皮、響鈴等，旁邊仲有滷肉飯添🤤唔少得台式特飲任飲啦，少冰少甜全部有得揀，唔覺唔覺都一人飲左三杯😆食飽飽就係時候食埋最期待嘅甜品啦，個list有十幾款野揀，正啊😍食足兩個鐘唔使趕，輕輕鬆鬆食到飽飽，大滿足😘
continue reading
📍 別忘了之前經過已經比餐廳門口嘅櫻花樹吸引住，襯🐷爸去旅行，約咗🐷媽喺櫻花樹下撐枱腳！餐廳入面周圍都放住櫻花樹，仲會比啲許願牌客人寫上願望掛上去，好特別嘅體驗！—————————————————————❣️ Set B 澳洲M7 $278🍲湯底有11款湯底，好多選擇🐷就揀咗椰皇雙子鍋同香濃豬骨鍋！推介椰皇湯底，超！級！香！好濃！淥咩都好食！🥩牛肉呢個set有澳洲M7牛胸腹、精選牛板腱、澳洲250日穀飼卡樂Beef、日本鹿兒島茶美豚梅肉、西班牙栗飼豬梅片、羊肉卷🥗配料出面自助區夾，大量選擇！好多好特別嘅嘢，值得一提嘅係牛丸，係振興牛丸😍係Qr code有得點蘭王雞蛋🧋飲品好開心！有得任飲廢水，嗌左珍珠奶綠、水果茶、鮮檸檬紅茶、都好好飲，有台式手搖嘅水準！🍮甜品超級多甜品選擇，好出色！雪糕已經係基本！呢到有窩夫🧇大量台式甜品，仙草、檸檬愛玉！—————————————————————🏡地址: 別忘了 (荃灣)荃灣眾安街68號荃灣千色匯I 2樓2032號舖👉🏻天水圍都有分店！🕑營業時間: 12:00-23:00—————————————————————
continue reading
今次揀咗第二個價位嘅澳洲M7 set，有得揀食90分鐘或者120分鐘，雖然全場坐滿，但係野食都上得快～鍋底係酒香麻油雞同埋椰皇雙子鍋，好夠椰香🥥肉類整體都唔錯，澳洲M7牛胸腹同埋牛板鍵都有一定厚度，唔會太薄，而且色澤都唔錯，有牛味，至於澳洲250日穀飼卡樂Beef就多啲脂肪，食落多啲牛油香🥓日本鹿兒島茶美豚梅肉同埋西班牙栗飼豬梅片嘅肉質都相當唔錯，肥瘦適中😋台式小食方面試咗醉雞卷、鹽酥雞、蝦捲、花枝丸、台灣香腸，甜不辣有嚼勁，麻辣鴨血的確好夠麻，特別欣賞餐牌度有寫明一份嘅份量係幾多，點餐嘅時候就容易啲預算，可以試多幾款小食又唔洗驚做大晒鬼🥢依度另一個賣點就係有即沖台式飲品，水準拍得住一啲茶飲店🧋蔬菜、丸類就係喺自助區夾～
continue reading
【荃灣·極高性價比台式火鍋】】𝓭𝓮𝓵𝓲𝓬𝓲𝓸𝓲𝓾𝓼火鍋控要留意👀荃灣超極高性價比台式火鍋真心推介~除咗提供台式定食~仲有90分鐘/120分鐘火鍋放題除咗有台式飲品任飲之外～每台仲有Movenpick 雪糕同各類類型雪糕任食～今次我哋就點選咗$308 澳洲M7 120分鐘火鍋放題～食肉獸嘅我見到個Menu已經覺得好吸引 裏面嘅肉肉包括有澳洲M7牛胸腹，澳洲250日穀飼卡樂beef~,牛版腱，鹿兒島茶美豚梅肉，西班牙穀飼豬梅片💗今日估唔到簡單嘅一個午餐都有咁多肉類可以選擇！全部肉都好冧 有入口即溶口感～火鍋湯底我揀咗蕃茄湯底同藥膳湯底～侍應生送嚟之前遠遠已經聞到好濃既藥材香味同埋蕃茄味～特別想讚吓呢度嘅員工～每位服務態度都十分超卓～特別Panda哥哥 離遠有少少眼神接觸 馬上走上前問客人有咩需要～今時今日嘅服務態度喺香港真係買少見少整體嚟講無論係上菜速度 加湯 都十分迅速 這一餐完全食到品質又食到服務呀💗由即日起 下載店舖apps 別忘了 登記做會員～即可享有台式飲品買一送一食完咁正嘅火鍋拎住杯水果茶邊行邊飲真係冇得頂呀✌🏻大家有興趣快啲嚟試吓啦𝓨𝓾𝓶𝓶𝔂 😋 ⚪ ⚪ ⚪ ⚪ 𝓡𝓮𝓬𝓸𝓶𝓶𝓮𝓷𝓭 👍🏻 ⚪ ⚪ ⚪ ⚪ 📍 別忘了 (荃灣)荃灣眾安街68號荃灣千色匯I 2樓2032號舖
continue reading