Video
4-min walk from Exit B2, Long Ping MTR Station
continue reading
Payment Methods
Other Info
Outdoor Seating
TV Broadcast
Above information is for reference only. Please check details with the restaurant.
一行四人...8點鐘去到呢間泰菜...剛好剩返一張四人檯...睇o左一陣menu就落order...青木瓜沙律...無...三色冰...又無...算...無就唔要...叫o左幾樣o野食...等等等...15分鐘先有串燒食...天氣咁熱...三杯凍飲等o左30分鐘先有...仲要唔夠冰...檯面壺水叫極都無人refill...火都嚟...一樣o野食完...又係等...叫o左五樣o野...無兩樣係同時間o係檯面出現...冬陰功等o左45分鐘...又細碗又無料...成碗o野先得一隻蝦...仲要開兩邊...仲要成碗油...又咸...咁就收我$6X...最慘係叫o左芒果蟹肉炒飯...落o左單一個鐘先話無芒果...話就咁蟹肉炒飯得唔得....你收我原價就咁俾蟹肉炒飯我?! 咪玩啦!!!cancel o左order...問個炒金邊粉有無...都要問兩次先有人應...最後碟金邊粉終於o係9點鐘上o左檯...竟然係唔熟!!!中間(大概四份一碟) 食到d粉係硬ge...真係太過份!!! 5樣o野只係食到4樣...食完tips都唔俾...快快趣趣埋單走人!!! 根本佢個廚房都做唔切...仲要做埋隔壁間細鋪...呢間o野以後都無下次!!!
continue reading
與老公回家途中，友人突然相約吃晚飯，友人提議到水邊圍邨附近進餐，這一帶雞煲林立，可惜近期的H7N9禽流感，還是先回避一下，隨意在附近選了一家泰國菜館。泰式生蝦：侍應很快便拿出來上枱，蝦肉竟然與冰塊黏在一起，應該是一早己把刺身放好然後才放進冰箱所致吧，蒜片不是如一般的一片片放在蝦肉上而是堆放在央，竟然也有黏在在冰上，實在很差。泰式肉碎生菜包是整頓飯最可以入口的，生菜新鮮。冬蔭功湯，味濃郤有點濁，酸味過重辣味不夠。咖哩膏炒聖子，以這個價錢尚算可以，但友人吃到聖子有砂，幸好我食到的都沒有。一行三人本想不夠吃時再點，但已經不用了，離開泰苑我們再到另一間餐廳吃個煲仔飯醫肚算了。
continue reading
同朋友經常都都會入元朗找美食! 今次就選了位於媽廟路的泰國菜館【泰苑】。 平時都見到好多人幫襯，心想應該都幾好味的!【泰苑】鋪門裝潢採用木制餐桌，有一點泰國的風味! 【泰苑】亦都有2間小鋪相連在一起，使其地方可容納多一點客人。今日叫了多個菜，一共7人。 【泰式拼盤】泰式拼盤仍是泰國菜的必食頭盤，但我對這個拼盤有點失望。 雞翼很大陣雪藏味，好難食! 春卷做得不好，味道不好。蝦餅都麻麻地。【泰式生蝦】泰式生蝦一共8隻，賣相都排得好靚! 食落口都幾爽口，算新鮮。【泰式豬肉碎生菜包】泰式生菜包豬肉碎~菜式賣相精美! 味道酸甜而且好辣，有"醒胃"的感覺! 此外，生菜份量都足夠!足夠7人吃的! 【泰式炒金邊粉】顏色漂亮的金邊粉，與幾隻小蝦一起炒。但我就嫌有點不正宗，因我看不見在旁的蒜片和花生粒。金邊粉都沒有想像中的酸甜中帶鹹香。有失望。 【馬拉盞炒通菜】通菜有點老了~沒有爽口的感覺。份量亦不多!【辣椒膏炒蜆】呢個係全晚最失望的。沒有辣椒膏的香! 而且蜆肉份量勁少~滿滿整牒的蜆大部分都是殼。 我們有向侍應提出詢問，但侍應只說這款菜式是這樣的，老闆亦都知道蜆肉是這麼少。奇怪的回應…為什麼老闆已知道份量少，有問題的時候不去作出菜式調整? 還讓菜式繼續出售? 真係令人大大的失望! 【焗海鮮雜錦海鮮包】高高的麵包裡面盛著咖哩! 但咖哩味道不太好，不是熱烘烘、濃濃的。咖哩裡面有海鮮雜錦，包括蝦、青口、蟹柳等等... 但青口只得2隻、蝦都很少! 完全不值得食。 外面的麵包都不鬆脆，不是很新鮮的麵包! 差! 我地7人食了很少便放棄了。 【泰式明爐烏頭】這個賣相非常美，顏色豐富。但食落一點都沒有味! 沒有魚味、沒有泰式酸甜味道、沒有辣味! 加了整碗冬蔭公湯落去都沒有味。 很差… 【泰式豬頸肉】賣相唔靚，有別於泰國精緻賣相的賣點。而且豬頸肉肉質硬了一點。醬汁都調得不好味。【泰式海南雞】這是今餐唯一可以讚我菜式。雞很嫩滑，有很重的雞味! 自家調配的醬汁都很好! 配上嫩雞一流! 總結: 食物質素中下等，菜式不夠精美! 7人吃了$9XX! 每人$135略為貴，食物又不好食。以相同價錢我相信在同區內大好的食肆一定有很多更加出色! 而且餐廳侍應態度麻麻，更想像不到背後老闆對食品的要求都是草率的，不求認真做到最好。 所以唔會再去食，差評都是合理吧。
continue reading
星期一去了元朗,朋友話食泰國菜,這裏的泰國菜價錢都好便宜, 我地差唔多十點半先嚟到,菜館都係小店,但環境都OK呀,有佈置架.六個人叫左一個冬陰公湯,生蝦,咖喱海鮮麵包,生菜包,芝士炸蝦丸,海鮮炒河. 生蝦都幾大隻呀,配泰式醬,蒜頭及辣椒一齊食,好鮮甜,個醬夠辣.冬陰公湯好味,夠味,朋友話唔夠辣,入面有蝦,磨菇啦....生菜包都好新鮮的生菜,配D肉碎食好味,加埋D生蝦既辣醬食仲正呀. 芝士炸蝦丸,入面有些芝士流出嚟架,熱辣辣好好味呀. 咖喱海鮮麵包,呢個賣相都好靚的,不過味道就差少少,唔夠濃既咖喱味道,同埋都食得超唔方便,因切到D咖喱汁周圍都係呀,海鮮有些魷魚,青口,蟹柳...等等....仲有些菜呀.最後的濕炒海鮮河粉.都OK的. 有西蘭花,椰菜花,磨菇.....
continue reading
超級推介又好味又抵食的泰國菜餐廳!! 老公點了咖哩煮大蝦, 蒜蓉包, 冬陰功湯, 串燒雞和豬, 馬拉盞炒芥蘭, 甜品芒果糯米飯, 椰青兩個!!咖哩煮大蝦~ 因為我和老公怕辣, 所以order 了少辣咖哩, 因此咖哩唔會太辣而且咖哩味道好香, 配了大蝦. 每隻大蝦大約有10cm長度, 非常多蝦肉而且肉厚多膏, 真係好好味!! 蒜蓉包焗到非常香脆, 用黎配搭咖哩煮大蝦, 簡直一流, 我和老公吃到停不了口!!串燒雞和豬肉~ 雞肉嫩滑而豬肉柔軟, 配了泰式燒汁好好味!!馬拉盞炒芥蘭~ 芥蘭新鮮爽口, 炒完味道好香口帶有輕微辣, 非常好味!! 冬陰功湯~ 材料多, 主要有鮮蝦, 魷魚, 雜菇..... 用新鮮蝦放湯好彈牙, 魷魚亦爽口, 雜菇索滿了湯汁, 好味!! 甜品芒果糯米飯~ 超級推介!! 糯米飯煙煙韌韌配了清甜的椰汁, 加了用新鮮原隻大芒果, 非常好味!!
continue reading