Video
Opening Hours
Mon - Sun
11:00 - 23:00
Above information is for reference only. Please check details with the restaurant.
🦀康記菜館今日胡迪警長...終於去咗長洲度假🥳嚟到長洲..其實我呢個大鄉里就只係諗到大魚旦、芒果糯米糍，但今次唔同..朋友帶咗我去試海鮮🤤🏆🏆🏆🏆蒜茸蒸扇貝佢隻隻都好大隻好足料🤩佢蒜茸勁足料、爆多蒜茸🤤🤤對於我呢個重口味嘅人嚟講..撈飯食不得了🤫🤫🤫粉絲再撈埋扇貝一野筆落後、再加埋一啖飯😮💨係享受🤤🤤🏆🏆🏆🏆辣酒煮花螺一放上枱，個陣辣酒已經撲鼻☺️我就知..呢兜野堅🤫佢個汁撈埋飯食又係好正🥰佢每一隻花螺都索到佢個辣汁，同埋花螺大大隻，數量又多😎幾個人分、閒閒地都4-5隻🥳🥳🏆🏆🏆🏆椒鹽鮮魷佢呢個炸粉唔係話好多，唔會食到個口好似「張」住咁🤫薄薄一層...再點埋汁食..呢個又係出色之作🥳🥳🥳加上佢份量真係好足夠、真心岩哂一大班人一齊食🤫🏆🏆🏆🏆豉椒炒蜆/豉椒蟶子首先要讚一讚，佢哋大部分都無食到有沙，睇嚟事前功夫做得好足😎加上大大碟入面，差唔多全部都開哂口🥰唔會好似出面咁..大部分都未開口，但呢間就足砰啦🤩🤩其次係，佢地鑊氣好夠，豉椒爆得香d蜆同蟶子😚😚每一隻都入哂味🤪🤪🏆🏆🏆🏆蒜茸開邊蝦蝦王嘅我表示...正呀🥳🥳佢將一隻一分為二，方便我呢d又想食、又唔想剝蝦嘅人🤫加上佢正正因為分開咗蒸，所以蝦身好入味🤪蝦肉彈牙，唔會話梅🤫🤫食落去就知佢唔係好似出面咁比哂d死蝦你🤩🤩總括依然.....佢每碟份量都好大碟......係飽到癲🥳🥳同埋一定要食飯🥳🥳因為撈飯真係好好食🤤🤤🤤🤤🤤加上佢座位闊落，個日去食又落雨又成，但完全唔會覺得濕濕笠笠，加上職員好好禮貌，比你揀位坐😎你知啦...有d餐廳唔比你揀..厭你煩🥲但呢間d呀姨好好人🥰🥰🏠康記菜館 (長洲)長洲北社海傍道11A地下味道：5/5環境 : 5/5服務：5/5衛生：5/5價錢：5/5
continue reading
而家冇得去旅行，其實去吓長洲都真係幾放鬆。之前疫情嚴重嘅時候，個個都話長洲多人過旺角🙈☀️長洲除咗魚蛋同埋芒果糯米糍，我諗海鮮就一定係必食之選。所以今次就介紹大家一間好抵食既海鮮餐廳，大家可以按人數揀選唔同套餐😋價錢由$168開始，真係超抵食👍🏻☀️今次我地兩個人食就揀左個$308套餐，可以自選三款海鮮、一款小菜另加油菜😋開頭諗住餐廳都係比番2人份量細細碟，點知份量係大大碟🙊🎈椒鹽瀨尿蝦雖然瀨尿蝦唔係大大隻，不過勝在椒鹽好香口惹味，咁多隻我地兩個人食晒仲吮埋手指😋😋🎈蒜蓉蒸扇貝蒸扇貝又係賣飛佛，粉絲索晒蒜蓉嘅香味，不過就略嫌熟咗少少😛🎈豉椒炒蟶子炒得夠香又夠味，最緊要係冇沙👍🏻🎈生炒排骨咕嚕肉同生炒骨，我都偏向鍾意食生炒骨，因為通常排骨d肉香d🤣🤣🎈腐乳炒通菜本來諗住油菜都係餐廳求其炒碟，點知有幾款菜可以揀，仲可以揀點煮👍🏻👍🏻黃昏時間望住日落食海鮮真係好嘆😌😌（不過千祈唔好諗星期一又要返工🙈）
continue reading
四年前同女朋友拍拖，同過佢去一次長洲，記得當晚我哋亦都係去食海鮮嘅，之後大家重回呢個地方，今次就揀咗星期日食中午嘅海鮮餐。🐙今次帶埋屋企人嚟，我哋四個人叫咗六款海鮮加一款精美小菜，個套餐仲有油菜送添🥬。開頭聽到六款海鮮都諗究竟食唔食得晒，其實個份量唔算太多，勝在每樣嘢都可以食下。我自己係椒鹽fans，叫咗椒鹽豆腐、椒鹽賴尿蝦🦞、椒鹽鮮魷🦑，三款嘅椒鹽都煮得好好食，廚師手勢同調味都好好，個豆腐外脆內軟，都幾好餸飯。而鮮魷啖啖肉，大家都食得好開心，好快就食清光。賴尿蝦雖然唔係話好多肉，但係勝在個味道好鮮味，鍾意食海鮮嘅朋友應該都會鍾意呢一款嘅煮法。😂蟹方便我哋就嗌左咖喱蟹同埋薑蔥蟹，爸爸鍾意咖喱蟹既嗰個汁，因為廚師煮得好入味，又係一個送飯一流嘅菜式，成家都飯筒嚟。雖然呢啲蟹唔係我哋平時食開嗰種肉蟹，勁多肉可以食，不過味道係唔錯嘅。👍🏻白灼蝦🦐嘅份量唔算多，有大有細，以我最鍾意就係佢嘅蒸扇貝，因為佢一碟只有三隻，我哋另外加$30叫多一隻，覺得都幾抵食，早知就再嗌多一碟啦。清炒油菜就普通啦，覺得都好抵下，因為最後埋單我哋食咗五碗白飯，加埋都係$650左右，以海鮮餐來講個性價比都幾高，都推薦朋友去食嘅，可能中午冇咁多人，可以清靜啲食。👍🏻
continue reading
我媽媽同我都係海鮮迷🦐🐠🦀，最鍾意就係全家去食海鮮，因為疫情嘅關係都已經好耐冇去過長洲，今次嘅長洲之旅令我媽媽非常之期待。其實長洲有條街有好多嘅海鮮餐廳，我哋以前都有食過好多間，今次見到呢一間新開張，感覺都幾乾淨，所以今次就揀咗呢間嚟食下。🐙🐡🐠🐟我哋今次一家四口嚟到揀咗一款有八個菜式，其中入邊有六款都係海鮮，我媽媽叫咗佢最鍾意食嘅白灼蝦🦐、咖喱蟹🦀、同埋椒鹽賴尿蝦🦞，而我就揀咗薑蔥蟹🦀、蒸扇貝🐚、椒鹽鮮魷🦑，爸爸就揀咗清炒白菜同埋椒鹽豆腐。一開始上咗個白灼蝦🦐🦐🦐先，可能我哋太鍾意食啦，覺得個份量未夠多，不過以套餐來講都合理嘅，始終五百零蚊有咁多嘢食，性價比來講已經好高。咖喱蟹🦀嘅咖喱汁非常鮮味，啲蟹嘅肉汁鮮甜嘅，不過尺寸就細咗少少，隻數來講就多啲，所以要睇返你鍾意食一隻好大隻呀，定係鍾意食幾隻細隻啲嘅。薑蔥蟹🦀嘅味道都好惹味，我覺得廚師嘅手勢係算高質素嘅，因為炒出嚟係非常之香口。而獲得全家人比最高分嘅，係蒜蓉蒸扇貝，佢一碟得三隻，我哋額外加咗$30要多隻，覺得好抵食，早知六款海鮮入面揀兩碟都係蒜蓉蒸扇貝啦！🙈🙈🙈椒鹽豆腐外脆香口，椒鹽鮮魷🦑勁有驚喜，都係必食之選😍👍🏻下次嚟長洲識嗌㗎喇😎
continue reading
星期六放假 入左長洲放鬆吓食下野🥰 每次入長洲 晚餐都一定會揀間餐廳食海鮮🤭 因為價錢真係好抵食 今次我哋就揀咗呢間新康記菜館啦👅$258已經可以揀三款海鮮菜式 仲包一碟靚油菜添🤩 我哋揀咗最鍾意食嘅椒鹽賴尿蝦 椒鹽鮮魷同埋豉椒炒蟶子🤤 椒鹽賴尿蝦雖然唔係好大隻 但係就好新鮮 其中有啲入邊仲有膏添😍 椒鹽炒真係超惹味 椒鹽鮮魷兩個人食都算幾大碟 唔會好油 好香脆👍🏻 豉椒炒蟶子係用細嗰款蟶子 好大碟好夠味😆 炒菜我哋就揀咗蒜蓉白菜仔 火候十足都好好食㗎 加埋支大可樂就最爽啦🌟
continue reading