Video
Opening Hours
Mon - Sun
11:00 - 22:00
Above information is for reference only. Please check details with the restaurant.
Signature Dishes
之前都食過幾次老金煎餅，不過食評係第一次打。中環灣仔兩間分店都有買過，因為岩岩開張個時好hit，好多人都話好味，所以跟風買，覺得味道唔錯。我個人認為港式甜煎餅味道最好，煎餅入面脆脆地，甜味唔over，有少少似細個成日食嘅格餅，都係有啲花生醬。因為今次食嘅係港式甜煎餅同飲左杯豆漿，所以我就打港式甜煎餅同豆漿嘅讚同彈。讚：上面講左，煎餅入面脆脆地，甜度適中（個人感覺）。女士們食細size應該足夠。彈：入住煎餅嘅袋會有倒汗水出，搞到塊煎餅濕左😰😰豆漿方面：買煎餅可以加五蚊買豆漿，價錢合理，但雪櫃唔夠凍，搞到杯豆漿都唔凍。味道稍為淡左少少。店面：企到埋去收銀處都無人理，要叫下啲店員先郁，望落啲店員都係後生仔女。同埋店面有好多大蒼蠅喺啲材料面飛黎飛去，睇見都驚😥。
continue reading
雖然唔係得好多款選(around 6款咸味) 吾好睇佢好似好細個咁，但都幾飽肚，即叫即整所以就熱辣辣咁食，裏面d餡料又多，不過就無座位就算要係裏面食都要企但得一張枱。上次加十蚊就有得試個甜煎餅 個人中意個甜煎餅多d 因為無咁漏，而咸味=配鴨肉果個就好足料。
continue reading
鬼佬眼中的中國煎餅@MR BING 老金煎餅灣仔莊士敦道113號修頓中心6C舖外國人在北京留家時被街頭小食”煎餅”吸引,後來因懷念其風味回到老家自行模仿味道,之後更萌起開店念頭把它發揚光大。即叫即做保證新鮮熱辣,下了單付了錢後,記得把ORDER 單給左手邊整煎餅的員工,因不是由店員遞給旁邊, 人多就易漏單啦…在圓平板上倒上粉漿先做好外皮,打上全蛋再舖上材料, 摺疊好就邊行邊食!我買了1甜1鹹等5分鐘左右,大細的分別是大會餡料多一倍,弄好了熱騰騰放在紙袋內,抽著袋仍散發熱力回到家還微暖,印上了很可愛的黃仔人仔卡通樣。由店面到包裝及食物本身,都把傳統的北京煎餅注入了新元素,青年化同時多份活力。店內的牆身都有卡通架,留意店中只有一張台做企位,主要都是做外賣生意, 也設有外送服務。北京烤鴨煎餅PEKING DUCK BING $37綠豆麵粉皮煙韌 ,咬下那一剎真的彈!灑上黑芝麻在皮上,賣相同口感都提升,夾入京蔥及青瓜片,塗上海鮮醬再包上烤鴨肉碎,飽滿的饀料中還放入片薄脆,惜回家吃時已經歷了一個小時變軟了,其實還加有全蛋在皮,唯海鮮醬味濃未發揮到蛋香。原來吃一件已飽了7分,不過女生對甜食是有第二個胃容納它。星洲甜煎餅 SINGA BING新穎的口味, 也是一個有趣進化的味道,由紫米漿開成的餅皮, 上加椰絲芝麻 ,做餅時擠“咖口也”醬時寫上THANK YOU,“咖口也”醬無“咖口也”味, 椰味同斑蘭吃不出,連同薄脆就是軟中有脆(回家吃時變軟了, 建議即買即食
continue reading
團購o左兩張coupon...就快到期要用埋佢...星期日中午好多人排隊...大家都係拎住張coupon...用coupon就無o左加$5飲品優惠...要正價...叫o左一個北京烤鴨...一個棒棒雞...兩個都有薄脆o係入面...大大件...我地選擇堂食...但係全店得兩個人...根本無人去執檯...好在大家都好為人著想...食飽就拎走自己d垃圾出去掉 (店內沒有垃圾桶...)但係張檯就真係好dirty...好多汁同碎...個煎餅真係好熱!!! 幾塊青瓜都幾爽...不過我覺得太多汁...去到底o個度浸住晒...而且搞到個薄脆都唔脆...失望...而且d飲品好淡...又唔凍...原價$10-$12真係唔值...正價唔會再來...就算團購都唔會再來lu...
continue reading
一早已經想試下，見到有團購就買左張本身鍾意食北京填鴨，所以一心係諗住試烤鴨煎餅但食落發覺同想像有出入一去到前面已經有兩個人，要排隊等等等既時候發現店內好熱，冷氣好弱，一路排隊一路出汗店內有兩張高台俾人堂食，但冇人清潔，台上埋滿垃圾，俾人感覺衛生情況唔理想即叫即整，剛到手時熱騰騰煎餅內有甜醬，烤鴨肉同青瓜第一啖覺得幾好，但食落發覺甜醬太多搶晒味另外材料放得唔均勻，好多時一啖只係食到其中一種材料仲有啲餸包得唔太實，食到一半開始跌出黎，好麻煩。想食北京填鴨建議去返餐廳食。
continue reading