Video
Opening Hours
Mon - Sat
11:30 - 21:30
Above information is for reference only. Please check details with the restaurant.
最正原粒菠蘿炒飯 好大個，足料，好多海鮮，有大蝦，青口，魷魚，加加埋埋酸酸甜甜超好味，就咁食個飯都夠味，仲有埋肉鬆！馬拉盞炒椰菜苗 都 好正，成碟菜都吸滿馬拉盞味，好香。太好食啦, 唔記得左影相添今餐勁好味，下次一定要再食呢個菠蘿炒飯，應該無乜邊度食到，好難得，同埋我自己本身都好少黎呢區仲有其他菜都好好食，例如個串燒，肉質好嫩滑，不過又無影相，唔講咁多啦, 留返下次先呢餐價錢都唔係貴， 服務仲好好，真係無得彈
continue reading
店子門口比較細, 未必人人留意到這間小店, 但店面尚算簡潔整齊, 我們比預約時間早了半個鐘, 人客唔多, 又是平日, 店舖經理友善請我們隨便坐....未幾, 炒芥蘭先上場, 新鮮翠綠;沒苦澀味;軟硬適中:是日天氣特別凍,廚師細心地把菜堆成小山丘, 減慢菜變涼。泰皇特色大碗麵: 我們揀了冬陰公金邊粉中辣, 辣香非常, 配料非常的多有泰式牛肉丸、泰式豬肉丸、泰式魚丸、泰式札肉、司華力腸、肥牛、肉碎、雞絲及秀珍菇, 而且每款配料都有兩份, 真係冇欺場在1/3飽之下串燒拚盤上枱啦...嘩, 有雞、牛、豬、札肉同司華力腸, 札肉係切成三角錐體燒的, 本身札肉都係乾身, 所以燒完唔係乾到死咁已經好好, 札肉都好彈口, 雞肉十分鮮嫩, 厚粒切成, 十分JUICY, 司華力腸同街邊小檔燒的一樣,皮脆肉滑,豬同牛就只係不過不失。接著剛炸起的蝦餅, 唔算好出色, 不過剛炸起, 熱騰騰, 沾上泰式酸甜醬, 甚是香口已經好飽啦...仲有海南雞飯剛到我們只試了一口飯同雞件沾上他們的特製醬汁, 真係超級無敵咁好味, 先講飯唔係太油但很香, 海南雞滑嫩又厚肉, 醬汁香辣帶微酸隱約仲有魚露味, 最反要打包,食唔晒又唔想做大嘥鬼餐飲兩杯可揀泰式奶茶/青檸梳打, 因為天氣冷,揀了兩杯泰式奶荼, 味道特別,好似麥味但相信應加了一些香草, 我就好受落啦 , 如果同港式奶荼一樣就毫無驚喜呢!?
continue reading
6.11.13 早上，小妹首次光顧泰皇，當時店內空無一人，小妹是唯一的食客，要了餐肉煎蛋米粉配凍檸茶($27)。一小碗清湯米粉($24)中，只有一塊薄薄的平價餐肉、一隻煎蛋，以及少量椰菜和芽菜，味道清清的，凍飲要另加$3。在謝斐道而言，呢碗餐肉煎蛋米粉已叫頗為昂貴了，且選擇又少﹗不過，環境夠晒寧靜，仲可以包晒全場，邊度搵啊﹗發現新大陸後，今日lunch，小妹急不及待捉埋老爹去試泰式車仔麵套餐。泰式車仔麵套餐售價由$40-$52不等，可自由選配湯底、粉麵、套餐及飲品，選擇頗為多元化。特色大碗粉套餐 ($61)老爹要碗特色大碗米粉青咖哩配青檸梳打，賣相不錯，配料超多，分別有泰式牛肉丸、豬肉丸、魚蛋、扎肉、司力華腸、肉碎、肥牛及雞絲等($58)，另加$3配青咖哩湯底。價錢最貴，配料最多樣化，但全是廉價普通之物，無甚特別，幸青咖哩頗為香濃好味。雙扒之選套餐 $52小妺要了香茅豬扒、雞扒米線清湯配凍檸茶，果然係明智之選也﹗香茅豬扒炸至金黃熟透，放入清湯中仍是香味十足，新鮮之作，肉質又夠鬆軟入味。雞扒味道、質感也不俗，只是與豬扒相比，相形見拙了﹗米線淥得剛好，有嚼勁具咬口；清湯鮮甜而不膩，飲了大半碗也不會口寡寡。小結：埋單時，獲贈早餐$3優惠券及晚餐$5優惠券。唉。坦白講，早餐除非貪泰皇夠靜，否則也不值得再次光顧；夜晚的灣仔猶如死城，上班一族紛紛趕回家，誰會去光顧呢？相反，午餐是不錯的，連要求多多的老爹也讚口不絕﹗下次，會試下佢哋的飯餐……
continue reading
冬陰公*粗河粉@泰皇泰式車仔麵灣仔晏頓街1號安定大廈地下C舖店子前身叫紫蘭花原來已改了名做泰皇,是附近有間樓上店金蘭花的姊妹店。同是食售泰式食物,泰皇主力做湯粉麵,亦有串燒同飯類。泰式四寶粉 $50 (價錢已包一罐汽水)轉冬陰公 / 青咖哩 / 黃咖哩湯底要加$3, 另有清湯與鴨血湯。上至湯底下至粉都可以自由配搭, 有米粉 / 金邊粉 / 粗河粉 / 米線 / 粉絲共5款。去泰國旅遊時擔心衛生問題(因本人腸胃較敏感),從沒有吃過街頭充滿風味的粉麵!!冬陰公酸中滲著微辣叫人難以抗拒,為免太激烈先叫個小辣來試水溫,青檸檬的酸味誘發口水分泌。比平常河粉闊4,5 倍的粗河粉在湯匙上滑動,還是分成正方形小塊方便食用,也不怕湯彈到衣服難於清洗。湯料中還有清湯白蘿蔔與秀珍菇,白蘿蔔沒渣又清甜,秀珍菇吸收了酸辣味, 越吃就越上癮開胃。泰式牛肉丸/ 豬肉丸/ 扎肉 / 魚蛋,牛肉丸豬肉丸每樣都有4粒, 是手打還吃到粒粒Raw 而有肉味,不似港式丸會完打到全滑愛辣的可盡情加油煙味強, 結帳時身上頭髮都沾了作手信
continue reading
小弟發覺近排身體成日好累，同埋無胃口吃飯，唉，難道是男人的更年期提早來臨 ?!?! 巧驚啊。。。要提胃口，泰菜是我的心水。正宗的泰國菜，大家不期然想起九龍城區，其實在別區也有蠻正宗的風味。開業不足兩週，在灣仔的「泰皇」，我剛吃過就覺得不錯。「泰皇」主打泰國輕食，是較輕鬆的格局；由於得我一個人，我只吃了兩項食物已經很飽了！「海南雞飯」$45一看見簡單的擺盤，就令我想起在曼谷街頭吃的雞飯。雞肉浸得甚嫩滑，吃胸肉的部份也不覺鞋；還有重點一定是那用來蘸雞的泰式汁，香辣醒胃，味道就是在曼谷街頭吃到的那種，令我胃口都「返哂來囉」，真的。「泰式車仔金邊粉」$48開胃有條路，另外點了一份金邊粉，我挑了冬蔭公湯底配扎肉及豬頸肉。冬蔭公湯底是要另加$3，但它絕對是整碗粉的靈魂！酸辣醒胃，味道鮮美帶中辣，而且見到粉上的那堆「蝦頭」就知是好東西。向店員查詢一下，原來湯底是用了大量蝦去煲製，難怪如此鮮甜。這間泰式小店，大家不妨一試。
continue reading