Video
8-min walk from Exit B1, Tsim Sha Tsui / East Tsim Sha Tsui MTR Station
continue reading
Telephone
23162727
Introduction
Decorated with kimonos, paper lanterns and bamboo curtains, Akita Teppanyaki Sashimi brings a traditional Japanese dining experience. The restaurant mainly serves teppanyaki and robatayaki. Signature dishes here include their fried prawns, foie gras with steamed egg and Australian wagyu.
continue reading
Opening Hours
Today
12:00 - 15:00
17:30 - 23:00
Mon - Sun
12:00 - 15:00
17:30 - 23:00
Above information is for reference only. Please check details with the restaurant.
About Reward Scheme
Offers
Review (600)
前排同朋友話想搵啲特別嘅晚餐，最後揀咗去食鐵板燒🔪🔥喺尖沙咀好方便，天文台道8號，成棟都係秋田，1樓就係食鐵板燒。一入到去，店員全部都好nice好好招呼。最值得一讚係當日既鐵板燒師傅，John師傅幽默又健談！成餐飯唔單止味蕾滿足，仲好好傾，笑到肚痛❣️真係好好味又好funny嘅dinner！😆🍽️話說呢位John師傅，佢同我哋傾談時提到自己係馬來西亞人，以前有一大段時間去咗比利時做鐵板燒師傅，經驗豐富到不得了！佢仲話自己識得飛刀✂️🔪同好多精彩嘅席前表演，可惜我哋嗰日佢冇表演飛刀（好想睇吓！）不過佢就即興表演咗好多次其他精彩畫面，例如轉胡椒樽、拋食材，動作流暢到好似拍戲咁，睇到我哋目不轉睛，成餐飯氣氛high到爆！🔥🎬🥢 清新開胃沙律一開始上咗個季節沙律，芝麻醬拌新鮮菜同粟米，仲有甜到爆燈嘅蕃茄，清爽開胃，食完即刻精神晒！🥗✨🥢 魚籽鵝肝蒸蛋跟住嚟個茶碗蒸，滑嫩嘅蛋羹上面有魚子醬同鵝肝，鮮味同濃香夾得好正，入口嫩到飛起，係極緻享受😋🥢 火焰燒時令龍蝦主角登場——鮮活龍蝦！新鮮到燒緊嗰陣仲見到佢郁緊，師傅即席表演火焰燒龍蝦，火光衝天超震撼！🦐🔥仲貼心提醒我哋用slow motion影video📸肉厚實啖啖肉，炒咗龍蝦膏一齊，濃郁鮮甜到不得了。之後師傅仲用龍蝦頭尾熬成清湯，鮮味爆棚。🍲❤️🥢 南非鮑魚燒得香又一鮮活之選，南非鮑魚燒之前仲見到佢彈跳緊，夠晒新鮮！燒好後一聞牛油香撲鼻，火候啱啱好，鮑魚彈牙又juicy，本身已經夠完美，仲配咗忌廉昆布汁同少少椒絲，味道再升級，好正！🐚🧈🥢 時令帶子帶子除左用左牛油煎，好香牛油香氣，師傅仲塗左一層柚子胡椒汁調味，超好食！上面有魚子，包咗紫菜一齊食，鮮味加倍。仲有水晶海草、蘿蔔同紫蘇葉🌿食帶子嗰陣我提到好鍾意食紫蘇葉，師傅即刻好nice咁畀多咗幾塊我，超貼心！😍🤣🥢 香煎頂級鵝肝鵝肝真係無得輸！厚切到誇張，外脆內軟，入口即溶。伴碟既黑醋或者菠蘿都好解膩，配搭perfect!🥢 黑毛豬代替和牛一樣正今次我哋唔食牛，冇試鹿兒島霜降和牛。不過唔食牛嘅朋友唔使失望，可以揀黑毛豬代替。黑毛豬燒得好香，肉質嫩滑又juicy，味道濃郁，完全唔輸蝕，師傅仲配咗鹽昆布，呢個配搭真係令人回味。🐷👍🥢 秋田櫻花蝦炒飯炒飯都唔馬虎，師傅好豪邁咁落咗超多櫻花蝦，炒到粒粒分明，香氣四溢，食落滿足感爆棚。🍚🦐🥢 炒時蔬簡單嘅野菜炒得清甜，平衡晒成餐嘅濃味，正！🥬🌟🥢 雙重甜品驚喜甜品有兩款，紅豆沙銅鑼燒暖笠笠好香，仲有雪糕可以揀綠茶或薄荷朱古力味，收尾一流🥰食到尾聲，師傅仲即席表演倒轉寫字，寫咗「生日快樂」，餐廳仲提供好多唔同款既畫碟，同朋友黎慶祝生日簡直一流！💖✍️總括嚟講，秋田鐵板燒刺身專門店食物新鮮又美味，每道菜擺盤精緻，調味細緻，John師傅嘅幽默同手藝更加分！整餐飯食得好開心！
continue reading
今日約咗朋友嚟慶祝想食好啲🎉見到呢間鐵板燒好似幾有水準保證👍🏻有幾款鐵板燒套餐CP值幾高💥師傅職場嘅表演都幾有視覺效果呢🎨 見到仲有唔同公仔嘅生日碟超得意🍰下次應該提早約定先🥹⭐️ 季節沙律 🥗 蔬菜配上日式胡麻醬清新又開胃😚⭐️ 魚籽鵝肝蒸蛋 🍳蒸蛋入口好滑溜配上魚子同鵝肝提升了鹹鮮味🩵⭐️ 鮮活時令龍蝦 🦞 龍蝦真係好生猛用大火燒過好震撼🔥 肉質爽口蝦膏精華好Creamy🍼⭐️ 原隻鮮活南非鮑魚 🇿🇦鮑魚果然好飽滿好鮮甜🌊師傅建議用紫蘇葉包住蘿蔔一次過食🍀果然更能突出鮮味⭐️ 季節時令海鮮 🐚今日嘅海鮮係帶子🤪感覺好實在輕輕用牛油煎香已經好足夠🧈⭐️ 香煎頂級鵝肝 🦢好少食到咁肥美嘅鵝肝🤤油香好豐富有半溶嘅效果用上意大利黑醋同埋菠蘿調配🍍一D都唔膩⭐️ 鹿兒島霜降和牛薄燒卷 🥓⭐️ 鹿兒島霜降和牛厚燒 🥩兩款和牛同樣入口Juicy嫩滑😋火候控制岩岩好一次嚐到兩種感覺👅⭐️ 龍蝦清湯 🍲用上龍蝦頭熬煮既清湯🤩清澈但係鮮味濃郁⭐️ 秋田炒飯 🍚⭐️ 炒野菜 🥬飯粒炒得乾身甘香配上櫻花蝦調味🦐 簡單但美味😀同時欣賞野菜唔會調味太鹹呢⭐️ 精選甜品 🍮見到即燒既銅鑼燒升起黎有種ふわふわ既感覺☁️配上雪糕終結一餐岩岩好🍨
continue reading
已經開業19年嘅老字號鐵板燒，有成3層‼️食勻活龍蝦🦞、活鮑魚、生蠔🦪、鵝肝、鹿兒島和牛🐮等1️⃣2️⃣道菜！ 秋田二人前套餐 $888/位包括：季節沙律、魚籽鵝肝蒸蛋、鮮活時令龍蝦、原隻鮮活南非鮑魚、季節時令海鮮、香煎頂級鵝肝、鹿兒島霜降和牛薄燒卷、鹿兒島霜降和牛厚燒、秋田炒飯、炒野菜、龍蝦清湯及精選甜品 。 季節沙律 魚籽鵝肝蒸蛋個人好鍾意食鐵板燒嘅蒸蛋，係特別滑，店家仲要超抌本，用上鵝肝蒸蛋再加飛魚籽，冇加太多額外嘅調味，好嫩滑。 鮮活時令龍蝦及龍蝦湯 鮮活時令龍蝦🦞上枱仲識郁！絕對係打卡位，師傅好搞笑仲會教埋你點樣影，個個都係用慢動作個function影得好靚😆印尼龍蝦好鮮甜彈牙，而且十分多膏，用返龍蝦本身嘅蝦膏炒特別香。打卡嘅火焰龍蝦頭絕對唔會浪費，用嚟整龍蝦湯，混合清雞湯湯底，好鮮甜。 原隻鮮活南非鮑魚 南非鮑魚配昆布忌廉汁，原本已經重海水味，所以就設計配昆布忌廉汁中和鹹味，個人就覺得鮑魚夠新鮮唔配忌廉汁已經好味。 季節時令海鮮 是日時令海鮮係播磨蠔，播磨攤係日本純淨海域之一無受工業污染嘅高優質環境，生蠔擁有「海中牛奶」嘅美譽，體型較大，肉質嫩柔軟，味道濃厚甘甜爽口🩷 香煎頂級鵝肝 匈牙利鵝肝配意大利黑醋，煎時已給經去掉大量油脂，口感creamy味道好甘甜🥹 鹿兒島霜降和牛薄燒卷及厚燒 A4鹿兒島霜降黑毛和牛有齊薄燒厚燒🤩，師傅建議岩鹽及昆布配薄燒食，而蒜片、岩鹽就襯厚燒，怕油膩就再沾Wasibi，相信唔使多介紹A4鹿兒島霜降黑毛和牛其肥美程度，個人鍾意博燒多啲，因為本身已經包咗香蔥同蒜片，再寫沾少少Wasabi 就夠滋味。 秋田炒飯及炒野菜 最後嘅炒飯同炒野菜都唔馬虎，炒飯用上必須嘅雪藏過嘅熟飯，配上煙肉、櫻花蝦、蘿蔔粒及蒽花，粒粒分明！而野菜有金菇、鮮冬菇、靈芝菇，配炒飯食一流。 精選甜品 最後甜品仲有新鮮即製嘅銅鑼燒配雪糕🍦當天我哋枱仲有兩位食客生日，師傅會用雞蛋寫字，幾特別😆
continue reading
成日都喺Social Media見到有人post呢間餐廳嘅相，因為呢度好適合慶祝生日，好多朋友都鍾意黎呢度食飯影相，今次朋友生日終於有機會嚟試啦。呢度嘅厚燒牛肉非常高質，佢嘅牛肉牛味好夠，而且燒嘅時間啱啱好，一開始師傅會俾咗新鮮嘅食材我哋睇先，嗰陣已經見到食材好高質啦，估唔到食落仲更加有驚喜。呢個龍蝦又係一個打卡位，師傅會提醒你準備點火，大家都準備好相機去影低點貨嗰一刻，真係又壯觀又靚呀。而且佢嘅龍蝦食落都好新鮮，唔單止拎嚟打卡，食落都好好食㗎。而我就最鍾意呢個龍蝦湯，因為佢係用燒香咗嘅蝦頭嚟煮，飲落非常香口，而且仲有少少龍蝦肉，感覺完全冇味精，非常清甜。呢度最特別嘅就係，慶祝生日嘅話，就會有生日公仔碟。而且廚師仲會用醬料喺鐵板度寫出生日快樂，真係好適合影相同打卡。呢間餐廳又好食，生日公仔碟又得意，而且佢嘅位置都好闊落，啱晒一大班朋友嚟慶祝或者gathering。
continue reading
一向都覺得香港嘅鐵板燒都好有實力，用料同師傅嘅手勢都相當不俗。 今次就搵左間有十幾年歷史嘅秋田鐵板燒，環境舒適食材性價比都好正！而且鐵板燒最重要嘅就係同師傅嘅交流，秋田嘅師傅就好熱情，可以一路欣賞師傅廚藝又可以食到美味嘅食物。🖤秋田二人前套餐（$888/位）▪️季節沙律▪️魚籽鵝肝蒸蛋加左鵝肝去蒸蛋，口感細膩柔滑，面頭落左啲魚籽醬提醒。▪️鮮活時令龍蝦用返蝦膏去炒嘅龍蝦，食嘅就係本身嘅鮮味，搭配多士加啖啖龍蝦肉，爽口彈牙，鮮香滿瀉。▪️原隻鮮活南非鮑魚鮑魚鮮嫩有咬口，愈咬愈有鮮味，加上昆布忌廉醬，唔會搶走鮑魚風味仲可以提升口感。▪️季節時令海鮮｜帆立貝完美嘅7分熟，時令帶子肥美鮮甜，加上師傅掌控火侯嘅功夫，將食材最好嘅一面展現出黎。▪️香煎頂級鵝肝 大大塊鵝肝，外脆內軟，入口即化，可以點上小小黑醋汁去降低油膩感。▪️鹿兒島霜降和牛薄燒卷用牛肉卷住香蔥同埋蒜片，口感豐富有層次，和牛五成熟，嫩滑多汁。▪️鹿兒島霜降和牛厚燒輕輕一咬肉汁就爆發出黎，油脂豐富牛味濃郁，怕膩可以點芥末或者昆布鹽一齊食▪️秋田炒飯呢個炒飯嘅好味程度係食到好飽果陣，你都仲可以食哂一碗，用左大量櫻花蝦煙肉提鮮，炒飯粒粒分明。▪️龍蝦清湯用返新鮮龍蝦頭煮出黎嘅湯係唔同啲，鮮美無比。▪️炒野菜▪️精選甜品｜紅豆銅鑼燒
continue reading