185
23
19
| Restaurant: | Congress Plus |
|---|---|
| Info: |
To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.
For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign
Video
港鐵會展站B3出口, 步行約4分鐘
continue reading
Telephone
25827250
60203235 (WhatsApp)
Additional Information
入口2:港灣道1號香港會議展覽中心6樓
Opening Hours
Today
12:00 - 14:30
18:30 - 21:30
Mon - Tue
12:00 - 14:30
Wed - Sun
12:00 - 14:30
18:30 - 21:30
Public Holiday
12:00 - 14:30
18:30 - 21:30
Public Holiday Eve
12:00 - 14:30
18:30 - 21:30
Above information is for reference only. Please check details with the restaurant.
About Reward Scheme
普天同慶的日子，也是我最喜歡的節日，總之就是要開懷吃喝，好好慶祝。又，吃自助餐好像是必然事，至少筆者由細到大都會咁做，今年就來了會展的薈景食Buffet。嘢食太多，簡單嚟講外面有既佢會有，出面無既佢都有，好誇張。照慣例，庸懶既我只會介紹些節日美食，與及重點項目。冰鎮海鮮款式繁多，海蝦海螺青口呢啲係基本，長腳蟹鮮甜，開邊龍蝦多羔，又唔會韌得像吃擦字膠，難得仲有麵包蟹，滿足。即開生蠔從來是最受歡迎項目，只不過家陣已經唔後生，無可能再一打半打咁狂吞，淺嚐一兩隻就好。刺身壽司，平時或者略過的環節，但呢度水準佳，尤其厚身既帆立貝，同埋紅蝦刺身，最受大家擁戴。印度咖喱都係一個亮點，有印籍師傅主理，保持出品正宗，各式咖喱都好吃，特別欣賞咖喱魚，魚肉質感贏晒，咖喱汁比坊間的偏辣一點點，不論配印度米飯，抑或薄餅，也很恰宜。好想介紹下呢度既烤肉，非常之高質，記緊要留肚。黑蒜香草羊排已經吸引，燒牛肉更加係必食，睇佢嫩紅既顏色已略知一二，入口嫩滑卻不失肉香，邊位還帶點脂香，在自助餐桌上吃到呢個水準，難能可貴。聖誕佳節，更加會供應火雞以及燒蜜餞火腿，後者素來是我的心水美食，火雞亦做到不嚡口，慢煮的確係一個偉大發明。期間限定會有入口溶化既鴨肝慕絲批，清爽的雞尾酒蝦，煙三文魚碟，同埋環球芝士碟等等，會比平日多一些選擇。節日甜點當然誘人，做成聖誕帽的紅桑子開心果脆蛋糕，大小朋友見到都會好開心。馬卡龍的面頭也是加上了聖誕帽或雪人等裝飾，不難猜曲奇餅也會有唔同的聖誕人物/飾物係面，泡芙都係我既推介。再者，今年的聖誕主題係寄信俾聖誕老人，所以甜品之中，有一款係聖試郵箱，說穿了其實是白朱古力併伯爵荼榛子卷，好有心思。食力太有限，最後盡力吃些常設的甜品，如雞蛋仔、Movenpick雪糕等，肚皮差點先撐爆了。
continue reading
今晚嘆環球海鮮滋味盛薈自助晚餐！一行入餐廳就見到好蠔啊！係即開嘅法國Fine de Claire，全部都係任食補身係時候喇。凍海鮮呢晚有蝦、蟹腳、龍蝦、花螺同埋青口。唔想煩自己切沙律呢啲現成嘅就最啱喇！吞拿魚尼哥斯沙律、意式意粉沙律、燒南瓜沙律同埋醃紅菜頭沙律，碟碟都整得好靚仔一於全部食晒佢。跟住仲有沙律菜、配料、環球芝士、精選凍肉碟、紅菜頭醃三文魚仲有煙三文魚。日本嘢就有壽司、卷物、蟹籽抹茶豆腐、水雲柚子醋，刺身就有三文魚、赤蝦、帶子、八爪魚仲有我最鍾意嘅油甘魚。中式嘢就有糯米飯、蒜蓉粉絲蒸扇貝、翡翠炒海鮮、紅燒肉、蓮藕章魚花生眉豆煲唐排、清蒸大海斑、蒜蓉炒時蔬、燒鵝、叉燒同埋燒排骨，都幾多嘢揀唔使驚冇嘢啱食啦。繼續行仲見到有爐端燒、鐵板煎大蝦、日式蟹粥、貢丸米線、汁煮大根牛肋肉同沖繩豚角煮。西式嘢都有唔少好似香煎鱸魚配番茄沙沙醬、煙肉焗蠔、慢煮香草豬串骨、紅酒燴牛尾、香草牛油燒特級牛肋肉、香草羊扒、番茄芝士薄餅仲有甘筍忌廉湯。跟住仲有泰式燒雞、泰式炒粉絲、泰式炒茄子豆腐、馬來咖喱魚柳同埋越式燴牛肉，呢幾款都係好惹味嘅菜式。呢啲好似開party嘅小食啱晒細路仔！有洋蔥圈、韓式炸雞、迷你熱狗同埋迷你漢堡包。印式咖喱羊肉、印式牛油燴雞、印式咖喱魚、印式素菜咖喱角、印度香飯同印式薄餅，全部都整得好正宗一定要留肚食呀。至於甜品呢度肯定唔會弱啦！有生果、麵包布甸、木瓜雪耳糖水、曲奇、核桃撻，凍櫃入面有好多唔同款嘅甜點、蛋糕、Movenpick雪糕、雞蛋仔、糖果同埋朱古力噴泉。呢度嘅飲品全部都係任飲唔嬲！有自助咖啡機、冷熱紅茶、橙汁、罐裝飲品、啤酒，最正係連紅、白酒都係無限任飲啱晒我呢啲酒鬼。乜嘢都唔好講整返杯紅酒嘆吓先！任飲嚟講呢支紅酒嘅質素已經算唔錯，尤其是配今晚嘅靚牛肉簡直係一絕。有老婆大人喺度我梗係可以食殘廢餐啦！佢攞乜我食乜呢碟前菜少少哋用嚟開胃啱啱好。呢隻法國生蠔唔會好大隻，但係食落去都幾夠海水味仲有啲回甘添，一次可以攞三隻我都唔記得咗自己食咗幾多轉哈哈。呢晚嘅刺身質素都好唔錯！帆立貝係首選仲有赤蝦都好香甜，不過我始終都係最鍾意食油甘魚。食完啲生冷嘢整返碗老火湯飲暖吓個胃，跟住再繼續殺戮食場。呢碟凍海鮮入面嘅香辣花螺真係好好食，另外龍蝦都好爽口同埋鮮甜質素好唔錯。鍾意食粥嘅我唔怕飽隊咗碗日式蟹粥！個味都整得幾香濃好唔錯，如果唔係要食其他嘢真係想整多一碗。中式嘢入面蒜蓉粉絲蒸扇貝整得幾好味，啲粉絲唔會乾巴巴扇貝都好鮮甜。呢度嘅印度咖喱真係整得又香又惹味，薄餅係即刻整嘅用嚟點咖喱嚟食真係正到不得了。不過呢晚令我為之瘋狂嘅係香草牛油燒特級牛肋肉！大家見唔見到牛肋肉幾咁粉嫩，食落去又香又軟牛肉味仲勁香濃爆好食。最後食埋生果雪糕同甜品真係飽到行唔郁咁滯呀哈哈。呢個環球海鮮滋味盛薈自助晚餐逢星期三及四喺官網預訂比錢會有8折優惠㗎！折咗連埋加一為返$682/位抵食好多。
continue reading
位處灣仔的「薈景」可容納多達300 位食客， 也許是香港最大的自助餐餐廳。用餐環境寬敞光亮， 即使遇上客人多的用餐日子，也不會感到擁擠嘈吵，而面向香港迷人的維港景，更令「薈景」添加不少分數，可以說是一個美人、美景與美食匯集的好地方！好一段日子沒到訪「薈景」，順便更新一下資訊及節慶情報。「薈景」自助餐僅在星期三至日、公眾假期前夕及公眾假期供應，有了新資訊，大家不怕會摸門釘。今次食物種類也和以前一樣豐富，更有值回票價的亮點食物，聽聞大部分的亮點也會精選到十二月和一月普天同慶的聖誕與新年的大日子，實在叫人興奮！不是每家自助餐也提供難以處理的生蠔，相信喜歡吃生蠔的朋友每次也經過精挑細選。當晚「薈景」的即開生蠔成為亮點之一，選用來自法國的新鮮貨色，即開快食確保一定的質素與衛生。擠一點檸檬汁，把即開生蠔鮮味爽感引出，令身邊的蠔粉相當滿足！溫馨提示：12月24至25日平安夜及聖誕節自助午餐，將特別增設即開生蠔，蠔粉要密切留意！不少香港人也對日本刺身有著瘋狂的熱情，「薈景」的刺身選擇勝在質素平均可取，如當晚的赤蝦、油甘魚、八爪魚、帆立貝和三文魚水準平均，個人特別鐘情當中的赤蝦和帆立貝。溫馨提示：12月24至25日平安夜及聖誕節自助午餐特別增設紅蝦。卷物和壽司方面也沒有馬虎，以自助餐來說是偏向精細！溫馨提示：拖羅軍艦及壽司會增設於12月24至25日平安夜及聖誕節，與及31日的自助晚餐；而蟹籽牛油梨火雞卷則將於12月23至26日，同時於自助午餐和晚餐供應，真叫人妒忌！當然少不了其他如蟹籽抹茶豆腐和水雲柚子醋等的日式食物，後者用來幫助消化一流。冰鎮龍蝦、麵包蟹、長腳蟹、紐西蘭青口、海蝦及海螺等，絕對是自助餐不可或缺的冰鎮海鮮。溫馨提示：12月24至25日平安夜及聖誕節自助午餐特別增設長腳蟹，屆時午餐也有晚餐的享受！個人好喜歡「薈景」無限量的免費紅白餐酒、啤酒、橙汁、檸檬茶、奶茶及汽水的自助方式，圖中的無糖、無防腐劑、人工色素的綠茶，可見「薈景」的免費餐飲也經過細心挑選。當晚跟友人就興奮地喝了不少紅酒，皆因有以下一大亮點出現！正是這道讓人多飲幾杯的香草牛油燒特級牛肋肉。 不單是純正美國優質貨色，也屬廚師的心血傑作，烹調出桃紅肉嫩牛味佳、媲美高級牛扒餐廳的水準之作，成為當晚我的心水亮點，所以一定要推介給大家！旁邊還有香煎羊排配香草酥，搭配粟米、迷你甘筍、西蘭花、車厘串茄和南瓜等燒雜菜，食肉慾瞬間被Upgrade 兩倍，單憑一人之力已 KO 了兩大碟。燒特級牛肉和黑蒜香草焗羊排是節慶自助晚餐常備菜式 。 差點遺忘了這燒骨，建議用手提起一口一口地咬著，同時要備妥一杯好酒，領略這非常滋味的享受！溫馨提示：燒蜜餞火腿將會於12月24至25日自助午餐及自助晚餐，與及31日自助晚餐供應；燒香草火雞卷和燒聖誕火雞同於12月21至 26日自助午餐及自助晚餐增設；而燒威靈頓牛柳會於12月30至31日自助午餐供應。現場烹調的鐵板煎大蝦是另一亮點，廚師即席烹調的的香氣和煙霧瀰漫的情景，真叫人好迷惘，巴不得上前馬上拿一隻大蝦放進嘴巴。廚師把新鮮大蝦煎得恰好，特別是熟度的掌控及惹味而不過濃的調味，入口蝦肉嫩彈焦香。鐵板煎大蝦旁邊還有爐端燒食物可品嚐。溫馨提示：鐵板煎大蝦將於12月31日徐夕自助晚餐暫停。可是，於12月23至26日與及31的自助晚餐，均會增設鐵板煎龍蝦，將精彩度進一步提升！香煎鴨肝配砵酒汁將於12月31日除夕自助晚餐供應。烤瑞士熱溶芝士除增設於12月21至29日自助午餐外，同時於12月21至30日，與及2025年1月1日自助晚餐供應。肉肉吃多了，「薈景」專門製作的意式意粉沙律、醃紅菜頭沙律、燒南瓜甘筍沙律、醃三文魚、精選凍肉碟、醃漬三文魚碟等，均可為大家帶來健康和增添 Omega 3 的選擇！羅馬生菜、法雜菜、雞肉、火腿、藜麥、紅米、吞拿魚、中東米，以及環球芝士的自由配搭，再為大家注入健康元素！溫馨提示：鴨肝慕絲批將會於12月24至25日平安夜及聖誕節自助午餐供應。而 12月23至 26日及 31日將於自助晚餐供應；雞尾酒蝦將會於12月24至25日平安夜及聖誕節自助午餐供應，12月23至 26日及 31日，與及2025年1月1日則於自助晚餐供應。吃過刺身、冰鎮海鮮的我，要來點湯品和熱粥暖胃，除了蓮藕豬骨中湯和日式蟹粥外，記得還有西式的甘筍忌廉湯。溫馨提示：12月24、25及 31日自助晚餐將設有原盅鮑魚花膠螺頭湯 ，而12月24及25日平安夜和聖誕自助午餐則有湯煲的鮑魚花膠螺頭湯供應，即時叫湯精流口水！迷你漢堡、迷你熱狗、韓式炸雞、炸洋蔥圈、當晚更有薈景薄餅的蕃茄芝士口味，皆是老少咸宜的選擇。東南亞美食也不缺，當晚包含泰式燒雞、泰式炒茄子豆腐、泰式炒粉絲、馬來咖喱魚柳和越式燴牛肉等菜式。富盛的環球選擇，還包括燒鴨、 叉燒、 燒排骨、 紅燒肉、蒸扇貝、慢煮香辣豬寸骨、 辣花螺、煙肉焗蠔、中式蒸魚等。太太太喜愛臘味糯米飯，自選嫩綠菜心作伴，這亮點的確非常的討人歡心。晚上少來澱粉的我，忍不住每趟遂小的添加，減低內心的掙扎！「薈景」的印度站是不容錯過的亮點。當晚提供印式牛油燴雞、印式咖喱羊肉，印式素菜咖喱角和蘭度豆薄脆等。除了傳統印度米飯，印度哥仔即場製作的印式薄餅，成了難以抗拒的新鮮熱燙誘感。巧遇同場一對老夫婦，也對咖喱羊肉的美味有著同感，Yeah，Give Me Five！在 Haagen-Dazs 多款口味雪糕以外，脹滿的肚子還能容得下朱古力瀑布、木瓜雪耳糖水、牛油麵包布甸、多款西式蛋糕和雞蛋仔嗎？在豐富的甜品項目下，最終選擇了脆香的雞蛋仔作結，果然好吃！溫馨提示：一系列富有聖誕色彩甜品，包括聖誕郵箱、聖誔老人唔見帽、聖誕雪人、聖誕泡芙塔、聖誕曲奇和聖誕馬卡龍，會在節慶自助餐登場！詳細優惠、價格與及供應時間以「薈景」於網址公佈為準與及 Openrice 平日訂檯優惠！
continue reading
已有一段時間沒有去香港會議展覽中心的Congress Plus吃自助餐了，今晚要來重溫豐富甶滋味。環球海鮮滋味盛薈自助晚餐啦！打頭陣有蠔迷至愛任食即開生蠔，這天供應的是來自法國的Fine de Claire。冰鎮海鮮有海蝦、蟹腳、龍蝦、香辣花螺及青口，我這個海鮮迷表示相當滿意。現成沙律也有數款選擇包括燒南瓜沙律、醃紅菜頭沙律、意式意粉沙律及吞拿魚尼哥斯沙律。日式美食當然少不了刺身！我們可以品嚐到新鮮的三文魚、赤蝦、帶子、八爪魚及油甘魚。繼續有大量不同款式的壽司及卷物，還有蟹籽抹茶豆腐及水雲柚子醋。前菜沙律區亦非常豐富包括有精選凍肉碟、紅菜頭醃三文魚、煙三文魚、環球芝士、各式沙律配料及新鮮沙律菜。來到介紹熱辣辣的美食！率先帶大家看看印度Corner美食，有印式咖喱羊肉、印式牛油燴雞、印式咖喱魚、印式素菜咖喱角、印度香飯及印式薄餅。緊接著是最受小朋友歡迎的派對美食！有洋蔥圈、韓式炸雞、迷你熱狗及迷你漢堡包。緊接著有泰式燒雞、泰式炒粉絲、泰式炒茄子豆腐、馬來咖喱魚柳及越式燴牛肉等東南亞美食。西式美食打頭陣有甘筍忌廉湯，番茄芝士薄餅、香草羊扒、香草牛油燒特級牛肋肉、紅酒燴牛尾、香煎鱸魚配番茄沙沙醬、煙肉焗蠔及慢煮香草豬串骨。還有日式蟹粥、貢丸米線、汁煮大根牛肋肉、鐵板煎大蝦、沖繩豚角煮及爐端燒。即場炮製的鐵板燒大蝦香氣撲鼻非常吸引。中式美食也非常豐富先有燒鵝、叉燒及燒排骨可以選擇。蓮藕章魚花生眉豆煲唐排、清蒸大海斑、蒜蓉炒時蔬、翡翠炒海鮮、紅燒肉、蒜蓉粉絲蒸扇貝及糯米飯。自助飲品區非常多選擇！包括有自助咖啡機、冷熱紅茶、橙汁、罐裝飲品、罐裝啤酒及紅、白餐酒，全部可以無限任飲可以盡情享受。來到甜品區先看見滿滿的新鮮水果，還有自助餐少有的人蔘果可以任食非常幸福。自助餐老是常出現的麵包布甸、木瓜雪耳糖水、特色曲奇及核桃撻。凍櫃內放滿了各式的甜點及蛋糕，款式十分多任君選擇甜品迷必定會非常開心。雪糕是甜品迷非常著意的地方！這兒供應四款不同口味的Movenpick雪糕，還有近來的新貴椰子口味正啊。還有香港人最喜歡吃的雞蛋仔，最後是受小朋友愛戴的糖果及朱古力噴泉。終於介紹完畢到我開餐喇！什麼也不用說先來一杯紅酒開開胃。第一碟先來些開胃前菜！當中最喜歡勁新鮮的紅菜頭沙律。Fine de Claire品嚐起來有點榛果香氣相當高雅，入口盡是大海的鮮味好迷人啊。刺身賣相閃亮亮非常養眼！大推柔軟的帆立貝和軟糯的赤蝦鮮味無窮。冰鎮海鮮中多羔的龍蝦很爽甜，但那香辣花螺更加驚豔，浸得入味之餘口感香腍超好味。吃過冷盤之後來一碗熱辣辣蓮藕章魚花生眉豆煲唐排骨湯暖暖胃，湯頭非常濃郁味道好香濃好喝喔。接著要嘆中式美點！鐵板燒大蝦當然係主打，另外蒜蓉粉絲蒸扇貝也是不錯之物，不怕邪惡的話那紅燒肉也很值得品嚐。喜歡吃粥的我和車爸爸也非常欣賞這碗日式蟹粥，鮮味出色吃下去非常舒服。這個泰式炒茄子豆腐看似普通，但吃下好惹味茄子質感弄得恰到好處美味也。餐廳印式美食絕對不用錯過！看見剛剛做起熱辣辣的薄餅當然不能放過。選了薄脆和薄餅及兩款咖喱沾來品嚐，咖喱的香氣非常有內涵令人欲罷不能，所以要Encore多一碟才能罷休。香草牛油燒特級牛肋肉絕對是牛魔王不可錯過之物！車爸爸連吃兩件眼也不眨，配襯紅酒絕佳享受。甜品意思意思地選了雪糕及木瓜雪耳糖水，另外加多碟新鮮水果已經夠我非常滿足了。環球海鮮滋味盛薈星期三、四收費為成人$758/位、長者$658/位、小童$458/位，星期五、六、及公眾假期日$798/位、長者$698/位、小童$498/位(6歲以下免費)，由2024年11月1日至12月19日供應，於薈景訂座網頁預訂星期三及四環球海鮮滋味盛薈自助晚餐並繳付全費可享8折優惠！
continue reading
我最愛的聖誕節🎄快到啦每年聖誕節，我都好開心💕有得收禮物🎁、有得聽聖誕歌🎵還有最重要的～聖誕大餐!!!每年都去會展的 【 薈景 】 吃自助餐今年𝟏𝟐月𝟐𝟎日至𝟏月𝟏日開始供應「𝐃𝐞𝐚𝐫 𝐒𝐚𝐧𝐭𝐚」佳節自助餐✨午餐和晚餐都有聖誕氣氛還有無敵維港景看呢～ꔚ冷盤推介:即開法國生蠔🦪、冰鎮長腳蟹🦀加拿大波士頓龍蝦、紐西蘭青口、海蝦 、麵包蟹 及 多款刺身ꔚ熟食推介:聖誕燒火雞、燒香草火雞卷威靈頓牛柳、特級牛肉🥩、蜜餞火腿、黑蒜香草焗紐西蘭羊排鮑魚花膠螺頭、鐵板煎龍蝦🦞、香煎鴨肝ꔚ聖誕主題甜品:白朱古力伯爵茶榛子卷郵箱📪聖誕帽紅桑子開心果脆蛋糕🎅🏻聖誕樹泡芙塔、聖誕雪人榛子果仁蛋糕、會展聖誕馬卡龍、聖誕曲奇🍪ꔚ飲品:無限添飲指定紅白餐酒、啤酒、橙汁、汽水ꔚ優惠:❶ 小朋友免費獲贈聖誕禮物包連明信片和糖果🍬❷ 即日至𝟏𝟐月𝟏𝟓日或之前預訂，可享𝟗 折早鳥優惠❸ 惠顧自助晚餐，可享 𝟖𝟓折信用卡優惠（除部分日子）❹ 除夕當晚更有特別優惠，可以邊吃邊喝兼到觀賞區，近距離欣賞璀璨的除夕煙花匯演😍
continue reading