Video
4-min walk from Exit D1, Central MTR Station
continue reading
Telephone
25238624
Introduction
Opened since 1998, Ole is a Spanish restaurant that aims to serve authentic and traditional Spanish food. Their executive Chef Jesus Pascual was directly recruited from Madrid.
continue reading
Good For
Romantic Dining
Opening Hours
Today
11:30 - 15:00
18:00 - 22:30
Mon - Fri
12:00 - 15:00
18:00 - 22:30
Sat - Sun
11:30 - 15:00
18:00 - 22:30
Public Holiday
11:30 - 15:00
18:00 - 22:30
Above information is for reference only. Please check details with the restaurant.
About Reward Scheme
呢間係香港都算係老字號既西班牙餐廳, 呢度既裝修好有特色, 每一個角落都可以影到靚相😎 雖然未去過西班牙唔知最地道既西班牙菜係咩味道, 但係食完呢度既既幾道菜都覺得係同出面既唔同, 俾我感覺係傳統既☺️ 呢度仲係一個慶生好地方, 卜位既時候Bookmark係慶生叫甜品既時候會有生日字句同埋兩個叔叔拎住結他黎唱生日歌俾你聽, 鐘意既仲可以點歌添嫁🤗Traditional Spanish Omelette🥔($70)薯仔整到腍身帶點口感, 加入左少量既火腿粒去增加口感, 係一個簡單又好味既薯仔奄列🤩Traditional Spanish Seafood Paella 🥘 ($550)海鮮飯叫即整,海鮮既部分係唔同款式既蝦, 青口, 魷魚, 啲飯索晒海鮮既鮮味, 每一啖都食到海鮮既味道, 飯底仲要整到好似港式煲仔飯咁有少量既飯焦, 兩個人既份量超好食😋Slow Roasted Suckling Pig 🐷 ($410/$850/ $1700)乳豬分左一份/ 半隻/一隻三個唔同既份量, 乳豬既皮好薄好脆, 夾住中間一層薄薄既脂肪, 加埋多汁得黎又嫩既肉, 真係超級好食, 另外仲配左一個乳豬汁, 我覺得唔加都好好食, 雖然價錢偏貴左啲, 但係我覺得點都要試一次😌 Pear Confit In Red & Port Wine🍐($95)啤梨用左紅酒同波特酒去燉到又腍又甜, 仲要索晒啲酒香, 酸酸甜甜咁真係好開胃, 訂位既時候bookmark左慶生仲會好貼心咁寫上生日字句, 仲有現場彈結他唱生日歌, 超級完美😍Jaume Serra Brut Cava🥂 ($98/$450)呢支Cava氣泡酒好清新, 飲落有陣柑橘同青蘋果既香味, 配海鮮或者甜品一流😊Strawberry Sangria 🍓($130/$520)用Cava做底, 加埋Gin酒, 士多啤梨蓉, 新鮮士多啤梨, 橙, 青檸, 酸酸甜甜好易入口, 比Classic 既 Sangria 更出色🥳呢度既所有野我都好滿意, 雖然價錢係貴啲, 但係呢間絕對係一間記憶點極高既餐廳, 佢個乳豬真係冇得輸🤩
continue reading
第一次嚟呢間西班牙🇪🇸嘅經典餐廳🍴，相信大家都知道有慶祝🍾或者約會都會揀呢一度。除咗食物係不錯之外，無論環境氣氛同服務都係考慮之一，仲有駐場結他手🎸唱歌伴奏，絕對係長期爆滿嘅原因🤤.———————————————————————————.🍽️塞哥維亞式烤乳豬🐷𝙎𝙡𝙤𝙬 𝙍𝙤𝙖𝙨𝙩𝙚𝙙 𝙎𝙪𝙘𝙠𝙡𝙞𝙣𝙜 𝙋𝙞𝙜 𝙞𝙣 𝙩𝙝𝙚 𝙎𝙚𝙜𝙤𝙫𝙞𝙖𝙣𝙖 𝙒𝙖𝙮💬乳豬皮好脆，慢煮烤焗得宜，相信醃製調味同樣係咁有水準，傳統塞哥維亞式做法選用三星期大嘅乳豬，乳豬肉好嫩滑好好味，非常不錯🤤.🍽黑毛豬火腿雞肉炸丸🥓𝙄𝙗𝙚𝙧𝙞𝙘𝙤 𝙃𝙖𝙢 & 𝘾𝙝𝙞𝙘𝙠𝙚𝙣 𝘾𝙧𝙤𝙦𝙪𝙚𝙩𝙩𝙚𝙨💬呢款係讓人回味嘅菜式，炸得好香脆，外皮香口，中間係忌廉汁混入黑毛豬火腿同雞肉，味道十分出色🤤.🍽烤西班牙八爪魚伴甜椒奧利汁🐙𝙂𝙧𝙞𝙡𝙡𝙚𝙙 𝙎𝙥𝙖𝙣𝙞𝙨𝙝 𝙊𝙘𝙩𝙤𝙥𝙪𝙨 𝙬𝙞𝙩𝙝 𝙋𝙖𝙥𝙧𝙞𝙠𝙖 𝙖𝙣𝙙 𝘼𝙡𝙞 𝙊𝙡𝙞💬西式烹調嘅八爪魚的確係常見菜式，一啖一口嘅細細件，都係tapas嘅原意，小小地可以食多幾款🤤.🍽酥炸西班牙🇪🇸小青椒🫑𝘿𝙚𝙚𝙥-𝙛𝙧𝙞𝙚𝙙 𝙎𝙥𝙖𝙣𝙞𝙨𝙝 𝙋𝙖𝙙𝙧𝙤́𝙣 𝙋𝙚𝙥𝙥𝙚𝙧𝙨💬未必人人接受青椒，亦不會當正係主菜咁食，但熱辣辣咁端上枱，都會感覺到非常美味🤤.🍽餐前麵包🥖配橄欖🫒及薯仔粒🥔💬好認真講，麵包🥖都一樣好出色，加埋欖油、橄欖同沙律薯仔，已經係一個好好嘅開始🤤.🍽西班牙油條伴朱古力醬🍫𝙎𝙥𝙖𝙣𝙞𝙨𝙝 𝘾𝙝𝙪𝙧𝙧𝙤𝙨 𝙬𝙞𝙩𝙝 𝙃𝙤𝙩 𝘾𝙝𝙤𝙘𝙤𝙡𝙖𝙩𝙚💬傳統嘅西班牙甜品，蘸滿沙糖同朱古力醬一齊食，係一個甜美嘅完結，十分滿意🤤
continue reading
Ole 自1998年開始喺香港營運，老闆係西班牙人，餐廳充滿西班牙特色，連燈飾同裝飾都由當地購置，超有心思！現場仲有結他音樂，適逢餐廳26週年，特別推出10道菜Brunch，大滿足啊！！！淨係食前菜已經5成飽😂Tapas種類有6款咁多，全枱share食，鹹嘅惹味開胃都有齊！水準都屬於中上👍🏻最鐘意蕃茄蓉麵包，大大塊Parma ham油脂香十足—— WELCOME COUVERT自家醃制橄欖，奧利汁馬鈴薯及麵包—— TAPAS西班牙風乾火腿配番茄蓉麵包酥炸小青椒配 Romesco醬西班牙蔬菜凍湯蒜蓉欖油海蝦烤墨魚配奧利汁黑毛豬火腿雞肉炸丸食主菜之前侍應會展示原盤Paella打卡🤣每人首先會分一碟，係無限量供應‼️唔夠可以再叫！Main推介乳豬同八爪魚，乳豬外皮好香脆，八爪魚超厚肉好鮮味—— MAIN (選一）加泰隆尼亞風味鱈魚伴辣椒洋蔥地中海風味八爪魚配番茄醬塞哥維亞式烤乳豬燒西冷伴奧利汁薯仔及櫻桃番茄甜品真係款款都好食🤣不過西班牙菜都係churros最正，生日依個都係必叫，可以寫埋慶祝字句—— DESSERT (選一）熱紅酒慢煮啤梨伴士多啤梨雪糕蛋白霜莓果蜜餞伴百香果忌廉西班牙油條伴朱古力醬傳統西班牙焦糖布甸 💰$498 Brunch Menu 🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍 Ole Spanish Restaurant (#中環)雪廠街24-30號順豪商業大廈1樓🔎分類搜尋：#FTHK_中環 #FTHK_西式
continue reading
11023 views
鍾意食西班牙菜的你，我估應該認識中環老字號 “Ole”，多年來，堅持正宗家鄉風味，屹立不倒，咁就要把握機會、趁 Ole 為慶祝開業26周年推出 9道菜的 weekend brunch去回味啦！最大的亮點是任食招牌西班牙飯，每位收費$498。詳情：周末及假日早午餐，9道菜包括6款前菜、1款主菜、任食招牌西班牙飯及1款甜品，每位收費$498（另加一服務費）；當然亦少不了飲品 free flow，4款選擇由每位$98至$498）；推廣期至10月27號。歐式古典的環境下，更有Mocktail經典流行曲，此情此下，點會唔飲番杯。Virgin Sangria $58以 cranberry juice 代替紅酒，唔飲酒都可以感受 Sangria 的味道及氣氛，清涼可口，我覺得好好飲。Kiwi Cooler $58完全是 Lemonade 混合奇異果汁的味道，酸甜交替，我同様鍾意。免費前菜小食中，我覺得充滿蒜香的薯粒非常美味，另外有橄欖，麵包配橄欖油。我最鍾意食西班牙 tapas，Ole 出品沒有令我失望，識得食會好鍾意［酥炸西班牙 Padron 小青椒］，香而不辣；少不了［風乾火腿配新鮮番茄醬包］；另一至愛［蒜蓉欖油海蝦］，上菜時滾油還熱騰騰，冒煙及充滿蒜蓉香；炎炎夏日，［安達盧西亞番茄凍湯］酸甜開胃；［伊比利亞火腿雞肉西班牙炸丸］酥脆不膩；最後的［番茜香蒜燒魷魚］，細細粒，夠滋味。主菜必點［地中海風味八爪魚配番茄醬 +$48］，Ole 的招牌，新鮮肉厚，咬落軟綿綿又多汁。本來另一招牌是烤乳豬，但好奇想食羊，點了［伊比利亞羊肩肉配炒蘑菇、豌豆及秘製醬汁 +$38］，煮得軟淋入味。傳統做法，好大個鍋，巨型西班牙飯令人垂涎三尺，今日是［雞肉西班牙飯］，雞肉香惹，西班牙飯 el dente，略有焦香；個人口味來說，海鮮意大利飯比較Juicy，我更加喜歡。甜點選擇了［蛋白霜莓果蜜餞伴百香果雪糕］，前者輕盈清甜。及［西班牙油條伴朱古力醬］，香脆，朱古力醬香濃。這個 brunch 很受歡迎，是日座無虛席，氣氛相當好，樂而忘返，吃足三個鐘，真是大滿足！
continue reading
[ Ole Spanish Restaurant & Wine Bar ]中環雪廠街呢間正宗西班牙菜🇪🇸老字號餐廳係1998年創立，適逢開業26周年推出全新週末早午餐菜單，可以無限量追加招牌傳統西班牙Paella飯🥘😍！✿ Olé 26週年「9道西班牙菜Weekend Brunch 」$498/位 (最少兩位用)即日起至2024年10月27日逢週末及公眾假期 11:30am-3:30pm 週末Brunch有9道正宗傳統西班牙菜式，包括6款前菜、1款主菜、每日精選西班牙Paella燉飯(無限量追加)及1款甜品。6款前菜（1）西班牙風乾火腿配番茄蓉醬包🥓🍞 酸種麵包烘烤後放上蒜蓉番茄蓉及西班牙風乾火腿，味道甜酸咸香，相當匹配。（2）酥炸小青椒配Romesco醬🫑西班牙青椒仔油炸後表面薄脆，配Romesco醬汁提升青椒仔鮮甜味道。（3）西班牙Gazpacho蔬菜凍湯🍅🥒🥣凍湯以番茄、青瓜、洋蔥粒等蔬菜混合而成，入口甜酸清新，夏天飲零舍開胃。（4）蒜蓉欖油海蝦🧄🫒🦐以橄欖油炒香海蝦、蒜片及洋蔥，上枱時橄欖油仍然熱得冒泡，散發陣陣海蝦和蒜片香氣。（5）烤墨魚配奧利汁🦑墨魚以橄欖油簡單調味再放鐵板煎香，配西班牙蒜泥蛋黃醬突出墨魚鮮味。（6）黑毛豬火腿雞肉炸丸🐷🐔廚師將伊比利亞黑毛豬火腿、雞肉、洋蔥粒等材料搓成球狀再炸至金黃色，口感外脆內軟滑。是日Paella燉飯🥘 (無限量供應😍!!)餐廳有幾款口味招牌西班牙傳統Paella燉飯，包括傳統海鮮、墨魚汁海鮮、雞肉、伊比利亞豬及西班牙肉腸等，每款各有特色，Paella飯粒每粒都飽滿有咬口，接近鑊身嘅飯粒更有香口飯焦🤤🤤！主菜 有6款主菜選擇，每人可選一款。塞哥維亞式烤乳豬🔥🐖呢種烹調方法著重乳豬本身鮮香味，所以只簡單以鹽調味再慢烤，乳豬皮脆肉嫩，油脂豐富，豬肉更帶點膠質。伊比利亞羊肩肉配炒蘑菇、豌豆及秘製醬汁 🇪🇸🐑(+$38)來自西班牙伊比利亞嘅羊肩肉，肉嫩多汁，羊味濃郁但唔會羶。甜品有4款甜品選擇，每人可選一款。西班牙油條伴朱古力醬🥨🍫油條炸至外脆內軟，加分位係配黑朱古力醬，食完唔會甜到漏👍。 傳統西班牙焦糖布甸🍮布甸香滑甜味有層次，而且蛋味濃厚。飲品☕️🍷🥂+$15有茶/咖啡，另外有4款Free Flow，當中+$198無限暢飲2小時西班牙水果酒Sangria、Cava氣泡酒、果汁、汽水。總結🫦 週末Brunch一個價錢可以食到9道正宗西班牙菜，而且食物味道有質素。現場更有兩位結他🎸歌手彈奏及獻唱🎤多首西班牙傳統音樂及歌曲，彷如置身係西班牙小酒館呀😝！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Ole Spanish Restaurant & Wine Bar地址：中環雪廠街24-30號順豪商業大廈1樓電話：2523 8624✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
continue reading
You may be interested in