Video
Right Side of the beach
continue reading
Telephone
28094793
Good For
Group Dining
Additional Information
提供室內和室外爐燒烤
提供租爐及自助燒烤
設有蓋 , 露天燒烤場, 洗手間
Opening Hours
Today
11:00 - 23:00
Mon - Sun
11:00 - 23:00
*Open Monday thru Sunday with reservation
Above information is for reference only. Please check details with the restaurant.
Signature Dishes
今晚同男朋友兩人到石澳觀星🔭，夜晚到呢度食晚餐$300兩位 價錢包括租借爐具同埋碳，專人服務同埋一盤食物（入面有幾款丸，牛扒豬扒、雞翼），歡迎自攜食物，老闆亦送了牛油金菇包比我地，電話訂座會Whatsapp double confirm,好Nice！食物質素OK，雞翼好食，其他正常水平不過不失，兩個人夠食了！環境光猛！秋天夜晚好適合燒烤，兩個人傾計感覺療癒。呢間店位於沙灘盡頭，好容易搵，而且無限時，推薦！
continue reading
九華徑冇得bbq但又想食，lockdown前最後gathering就想到大澳海邊的士多，又很好彩walkin有位加上佢地有開！除咗現成的腸仔丸類蕃薯粟米方包，反而要讚讚d扒，金沙骨，海鮮和雞翅，很入味有驚喜！！以環境和食物加埋有開爐服務，$190位都幾抵玩
continue reading
都幾抵食人均消費$170，包兩支嘢飲汽水或者水，食物種類唔多，有金沙骨，牛扒，雞扒，雞翼，大眾丸類，蔬菜嘅話有番薯，粟米，菜同金菇，完🤣🤣食物味道好正常冇咩特別，不過由於佢冇限時間來講身價比較高，我同朋友們由四點玩到10點，自備酒水食物冇另外收費👍🏻有獨立沖涼位，同廁所，不過衛生環境比較一般🤣總體來講都係可以推介嘅👍🏻適合一大班人哋玩冇手尾，有人幫手起爐，如果要加食物嘅話要去士多加，位置都唔錯喺沙灘嘅右手邊，通風唔會好熱☺️
continue reading
租爐燒烤也寫食評？似乎有點兒過火。但確實享用過這裡的服務，也有幫襯其食物，加上環境等評分，寫個食評也可算是理所當然吧～ 為慶祝母親節，我們連大連小十多人來到石澳的藍鷗士多租爐燒烤。大約下午四時半來到，已見不少人開始燒烤了，有幸我們一早預約，所以老闆留了較近士多及洗手間的好位置給我們。由於人多，我們共租了兩個露天位置的燒烤爐，另外還有以三張麻雀檯砌成的大檯給我們放置食物等等。有見其他客人租了爐、購買了炭便自行透爐，弄得一團糟。但老闆卻幫我們透好兩個爐，不用自己出力，真好。 食物方面，這裡提供一般燒烤食品，但款式不算太多，尤缺海鮮（多春魚除外），不過也歡迎客人自攜食物。最後我們在這裡買了些扒類、丸類及廚師腸，另外自攜大蝦、花蛤、大眼雞、羊架及雞中翼及蔬菜等其他食物。自攜食物質素不用多提，在這裡主要寫寫士多提供的食物給大家參考一下。 牛扒：牛扒尚算嫩滑，味道也不錯。 豬扒：豬扒較牛扒更大塊，但醃料味道與牛扒如出一轍，從二者選一已足夠。 雞扒：雞扒雖然較厚肉，但醃得太鹹了。 魚蛋：現成貨但質素出奇地差，口感鬆散。 牛丸：牛丸質素也在水準之下，只有鹹味，而且也不彈牙。 廚師腸：名牌當然有質素保證吧。 獅子狗卷：賣相與一般獅子狗卷無異，但入口卻有吃得出的「粉」狀，口感很怪。 縱觀食物質素，扒類尚可接受，但丸類卻不入流。有幸這裡可以自攜食物，單是租爐購炭也未嘗不可。相反，這裡的服務方面卻不錯。理論上我們要幫襯士多飲品，但今次我們自攜一箱共廿四枝大號玻璃瓶裝可樂，老闆不但沒有微言，還問我們要否冰粒。當然最後我們還有在士多購了不少啤酒吧。 另外，我們還出出入入相借工具，老闆也非常樂意，如果下次再到石澳燒烤，無妨考慮到藍鷗士多，不過最好預先致電留位吧。
continue reading
先講一下:因為成個月之前約左結婚時既兄弟姐妹燒野食,而且好耐無燒野食當日好興奮...我係燒既前兩日訂爐...到燒既前一晚話有台風黎,真係幾擔心,但後黎唸訂左既係有野遮既爐,甘即係咩都唔使擔心@.@訂既時候係一個男人聽電話,我以為通常d響沙灘士多既人都好豪氣...我就講得好快...但係其實唔係(呵...),都ok啦,我要租既係淨燒烤爐...佢話100元係露天爐,我話甘呀...我想有得遮喎...150元...燒幾耐呀...五個鐘左右啦,我地十二點收啊.....甘炭呢,佢就話賣20蚊一包(如果想響佢地度買既話)我地係燒黃昏至夜晚,點知到左果日,除左早上落大雨,一滴雨都無@.@,因為訂左有得遮...甘但又唔知夜d會唔會落雨,就算啦...但大家由頭到尾都話好熱,偶爾先有D風....亞姐一見到有生意就呢度呢度....問我想收錢先就之後先收,我話收左先...d服務都ok啦(我有d驚豪氣既人...但佢都無....)我地響佢地度前後買左兩包炭(剛好夠九個人燒五個鐘),一卷錫紙14蚊,一個網5元,好似有人話響呢度汽水要6元(但係因為我細佬知道大路出面好多士多度只要3元一罐超平,所以後黎拎環保袋偷運左兩次),由於我地係六點三比錢(亞姐問我幾點),我地應該係十一點三走,但因為我地隔離爐差唔多收野同自己都十點九收野,d亞姐執執下殺到黎我地爐到,令到我地收野有d好趕@.@,跟住十一點三分已經搞到我地急急腳走...PS:比左錢亞姐開左張枱比我地放野,即係一正方型爐,一張枱,另佢地有廁所同洗手盤,可以洗野唔使甘遠...再PS:唔夠燒,突然想燒野食或買漏野可以有得補買,但當然貴D,以上價錢為我地呢次燒野食比大家參考...再再PS:佢既位置係人對住即面向沙灘既右邊,而沙灘右邊只有佢一間,所以除非你行左左邊,如果唔係就唔會錯...不過左邊一排租爐既可能都會自動行去就走錯左...最後PS:近廁所度D人話見到好多老鼠,有個女仔洗洗下野狂叫跑返去自己個爐度@.@,我就睇唔到,因為好努力做搞手,但我D FD好幾個都話見到哦...有人話坐左一陣見到三隻閃過....
continue reading
You may be interested in