Video
4-min walk from Exit B1, Jordan MTR Station
continue reading
Introduction
一家港式粥店，其套餐醒神三寶是包括了粥、抄麵及豆漿，另外粥店更提供罕有的鮮灼黑柏葉。
continue reading
Opening Hours
Mon - Sun
07:30 - 02:00
Above information is for reference only. Please check details with the restaurant.
昨晚同兩名友人再去和味食粥，同阿姐落單時已經怪怪哋，基本上係唔識聽同講廣東話咁，咁就慢慢講，叫咗1碗豬潤魚腩粥、1碗豬潤雞粥、1碗魚腩粥，1碟薑蔥炒魚卜同6粒鯪魚球。上第1碗豬潤魚腩粥、魚球、魚卜都正正常常，再上另一碗粥變咗碗豬潤魚腩粥，應該係豬潤雞粥，我哋話唔啱喎，個樓面阿姐好似好為難，咁友人就要咗佢啦，我即時提醒阿姐，我要魚腩粥，其他我唔食嘅，點知幾分鐘後，佢俾咗碗豬潤雞粥我，我即時話唔要啦！佢隊返去粥檔，個師傅發曬脾氣同阿姐理論，再大大聲講叫我食咗佢，又話收少啲錢⋯，大老我嚟係比錢食想食嘅嘢，唔須要收平啲。故事未完，全舖得兩檯客，遲嚟嗰檯叫完兩碗粥都到，我嗰碗都未煮，師傅仲係檔內發脾氣😵，我兩位友人都食完，我即刻起身埋單，碗粥唔食就算，無下次啦！同埸加映，另一檯客叫咗魚雲肉丸粥，嚟到時發現肉丸係炸過再放落粥到，同阿姐講乜肉丸粥啲肉丸係炸嘅咩？阿姐同地球人聽唔明嘅說話$$@#@：/#$、，講咗一埋聲音，最後佢講咗句，捻走啲肉丸收你平啲囉，個客🙄結語：一間咁有特色嘅食店，祝佢生意興隆
continue reading
本人最鍾意食粥，但有要求。食材豐富新鮮不用講，還要水米比例恰當，最怕是加了粉漿的。某些有腸粉油炸鬼的粥店就係加了粉漿，粥底較杰（不是綿），食完一定口渴。反而稀稀地的粥才好吃。這間粥店間唔中就會心思思想食，魚粥和及第粥最正，食完個胃好舒服。無論是魚腩、魚鮫、魚尾、魚雲、魚嘴還是魚骨都好正，魚煎到金香才滾粥，而且加了薑汁（不是薑粒！不用吐出來），不腥，鮮甜。及第粥多料又新鮮，無異味，尤其那厚切豬潤無得彈。食粥可自助添加生菜。另外他的椒鹽魚腩好香口，不過今次無叫。
continue reading
每次黎只食香煎魚卜粥, 以前廿幾歲無咁鐘意食粥, 覺得無什麼特別, 當大個少少已經食過好多美食, 加上消化無以前咁好, 以前食飽都可以去做運動, 所以久而久想食d快食到（一煮撈埋d粥同料）易消化又飽肚既meal, 好幾年前食過, 當時行過覺得, 粥店都可以米芝蓮 !? 我覺得好新奇, 竟然唔單止介紹大路野, 小眾既粥店都到青垂,。試完就知地道同有心機。 每個部位都可以整一碗粥出黎, 粥係好出色。唔同其他煮法,好似煲湯咁煮過程總有流失同過鞋, 煮粥係保留所有食材味覺營養集於一碗, 魚卜外層滑內層同個頂位就爽有咬口, 魚味濃,重要既係食到魚味濃但可以無骨, 食得舒服又暖胃。一碗有7-8粒煎香魚卜, 即係要用上咁多條魚, 睇得出有當中有心機。我唔會特別留意佢地服務, 反正我係食碗快粥, 有心機整咁多部位已經係對得起價錢既手藝。
continue reading
佐敦好吃店不少，講到粥，一般大家都會講新興棧魚粥，但本人覺得另外一件和味生滾粥更勝十籌。已經不知第幾次到此店吃粥，每次都一定要吃這裡的豬膶，厚切，爽口，吃落起沙。對比其他所謂出名吃豬膶嘅麵店，真係唔知好幾多倍。粥有好多搭配，我專一魚，各個魚部位都試過，除魚腩稍遜色，其它部位都一流。此店味道偏濃味，所以吃得十分和味，粥底偏甜，味精一定是有的，但比出名其他粥店沒有那麼明顯，亦能吃出有少少瑤柱鮮味。如點生滾魚粥，無論各個魚部位都會先香煎而且係加上好多燒酒。如不喜歡可以叫老闆免煎，免酒。個人覺得酒味道真正是這粥點睛之筆，酒和魚一起煎過香味濃郁，再加上粥滾生，少許薑蔥，真正和味。其他菜市，推薦任何薑蔥類，薑蔥豬膶，薑蔥田雞，特別推薦薑蔥魚雲雖說比不上大排檔勁鍋氣可能薑蔥比較多了一點，但味道也是十分不錯。椒鹽類就不要試了，太鹹了真的不行。總的來說豬膶和魚粥一定要試，其次就是薑蔥類，價格我自己覺得稍貴的。
continue reading
星期日又去油麻地買菜，便專誠去和味粥吃 bunch, 和佐敦另一老魚粥店比較一下。粥品也點了和上次新興棧一樣的魚鮫粥和魚腩粥。粥上檯，份量不多，配上大量葱段，粥錦很重酒香。魚鮫粥- 只有魚鮫一邊魚腩粥-有3大件魚件是和葱段煎香，灒米酒才下粥滾熟。可能煎得久了，魚肉有些焦香不夠軟滑，酒味濃烈和清淡的粥不太配合。豬潤腸粉- 不過不失，整體可以。鯪魚球- 新鮮現炸，大大粒熱得燙嘴。外脆內軟實，有質感，也有陳皮香。和新興棧的比較價錢比較便宜，用料份量沒有那麼多，酒味過重，魚件焦香便失去軟滑度。如果喜歡吃香口的可能和味粥會合適。
continue reading