Video
6-min walk from Exit B1, Ho Man Tin MTR Station
continue reading
Introduction
此店於早上至下午6時前會以茶餐廳形式營業，而晚上6時後至10時便為膏蟹專門店，提供膏蟹粥等人氣膏蟹菜式。
另外提供各式到會服務(生日派對,聖誕派對,船河,團體活動,新張誌慶 , 茶會 , 私人派對等)
continue reading
Opening Hours
Mon - Sun
18:00 - 23:00
Above information is for reference only. Please check details with the restaurant.
呢間蟹粥响红磡好红都幾出名，好多電台報章訪問過，係一間開左好多年嘅人情味的小店，專食蟹粥，蟹為主的菜式。近排再去吃蟹粥知道佢地比業主收舖12月中冇得再做，覺得有点可惜，鐘意食呢道D蟹粥嘅你快把握機會再品嚐一下，支持一下地道特色小店，呢D店舖係香港可以係巳經冇幾多間！今日5点幾去到不用等位，事隔咁多年間店冇咩點變，冇電惱入單，冇得食裝修，樣樣全人手，但食物水準依然咁好，重有果份老店才有的人情味!其實而家有何文田及黄埔地鐵站過黎呢度吃都好方便
continue reading
一行12人，良朋共聚，友善的老闆雷生，讓我們包場。年輕人都飢腸轆轆，當首屈一指，享負盛名的膏蟹粥率先登場，正宗奄仔蟹在砂煲中滾動，年輕的朋友們的口腔的涎液也在口腔中翻滾，配上即炸的蠔仔春卷、酥炸墨魚咀、炸八爪魚丸、炸白飯魚仔，一眾朋友不消一刻，桌上所有菜餚都光盤了，大部分都未能拍下，已落入各人的五臟廟裡。大家意猶未盡，又拿起餐牌點菜，菜牌中的美食數之不盡，縱然我們有12人，也未能盡試，第二輪我們嘗了膏蟹大碗麵，和式的巨型湯碗，爽口彈牙的麵條，微辣的蟹湯，令人食指大動。人多好辦事，價錢便」廉宜，學生哥們無拘無束又點起豉油王炒麵、蠔仔水晶粉卷、酥炸白飯魚、炸八爪魚丸，老闆又再為我們預備，櫃檯雷太親切友善，令人賓至如歸，像回家用膳。 餸菜賣相吸引，味道媲美酒店美食，價錢卻十分親民，價廉物美，實至名歸！小店食品種類繁多，叫人心悅誠服，中、日、泰都雲集，最後來了四客擂沙湯丸，各人才盡興而歸。 美食+熱情款待=期待下次再來還有很多美食未能嘗盡！ 感謝老闆雷生為如訴茹素的朋友特製素菜水間粉券，令她也能一嘗水晶粉卷的滋味。 這就是生記，滿滿的人情味！
continue reading
呢幾晚天氣好凍好寒，想食個食生滾粥暖下胃。上網搵到唔少粥底火鍋，睇完好想食海鮮粥，就揀左紅磡巷仔入面既呢間生記試下。牆上唔少媒體報道佢既招牌蟹粥，於是貪心地叫左個雙拼蟹+蜆粥。奄仔蟹size唔算好大，但爆晒黃膏，撈落d粥食勁正！蜆食得出新鮮冇沙，份量仲超多，兩樣海鮮已經足以令個粥好鮮甜～老闆娘亦推介左個蠔仔水晶粉卷，水晶皮薄身，夾起時比較易穿。一穿左少少就發現，原來入面包左滿滿既蠔仔，蠔仔洗得幾乾淨同冇腥味，粉包連埋少少芫茜食落好香好好味。呢度仲有唔少即炸香口小食，份量細細地，方便可以試多幾款，送酒一流。揀左個鹽酥墨魚咀，炸粉上得岩岩好，而且入面既墨魚咀好大粒，食落唔會得層炸粉。估唔到呢間小店唔錯幾好食，店入面仲有隻好嗲人既貓咪，難怪老闆娘講笑話好多客食完都會回頭(為左見隻貓😆)
continue reading
千祈千祈千祈唔好去！去一次🥴後悔一世😵難得放假去紅磡附近 落樓下求其搵啲野食 見間野冇乜人諗住求其醫飽個肚 入到去兩個店員已經西口西臉 好唔耐煩咁催我地落單 餐牌又唔俾 態度已經好惡劣🤯心諗入得黎係幫襯唔係黎受氣姐🤷🏽♀️同枱3名友人都O左咀野食黎到完全唔想放入口 衛生差到不堪 啲碗邊痴住上手食剩既飯 筷子又俾嗚英圍住🤮忍唔住開口同個店員講 個白髮老人(似係老闆）仲要開口鬧我地多要求😠💥重點💥臨走仲要見住兩住老鼠喺廚房跑出黎 嚇到我個朋友叫左出黎 先唔理啲食物味道如何 冇人會想喺咁既環境食野囉唔怕死就去試🤢
continue reading
好蟹年前食過一次覺得呢間餐廳性價比好高，想再返嚟呢間餐廳食好耐，但位置始終有啲隔涉，真係要好有心專登約先有得食。今次咁啱係黃埔收工，朋友又唔介紹尖東過嚟食，所以又可以食呢間啦第一次食呢間蟹粥，粥夠綿幾好食。因為唔係膏蟹當做季節，所以唔多膏，但好彩都有蟹嘅鮮甜味。因為以前我食過呢度嘅籠仔膏蟹蒸飯，我個人推薦蒸飯多過粥🤭海鮮新唔新鮮，清蒸一食就知！而呢度嘅貨係唔錯嘅，鮮甜帶蒜香，而且無沙呢個墨魚咀只靠椒鹽，否則就無乜味，同埋外層炸漿都啲厚，可以skip嘅一道餸。雞皮可以燒得再乾身啲會更好味成晚最推介嘅一道餸！茄子蒸嘅火候掌握得幾好，唔會蒸到老晒或唔夠熟。切到一口就食到好方便，最正係茄子點上醬汁上蒜蒸，好惹味呀《小總結》小店人情味濃，老闆好好人會同你分享趣事。食物價錢無乜點加價，味道有水準，性價比極高！係一間可以經常encore嘅食肆。
continue reading