Video
Opening Hours
Mon - Sun
12:00 - 23:00
Above information is for reference only. Please check details with the restaurant.
今日是BB 生日. 在3星期前就 book 定檯, 食餐團購生日飯 ^^.到中環 around 7:30pm 多, 但找了很久, 在打電話去餐廳指示下,才找到餐廳.到步時人客不多, 只有2檯客 (我猜也是團購的)接後就 Order . 之前見網上食評講 menu 全英文, 現在的 menu 是中英的, 有改進 . 我們點了 :燒雞胸田園沙律伴芝麻汁, 熏鴨卷伴梅子醬烤排骨伴薯菜粟米, 招牌漢堡伴薯菜粟米dessert 就要了 朱古力軟心蛋糕, 荔枝焦糖燉蛋 先來2杯 drink . 我同 bb 都是 pine apple juice. 燈光好好好暗, 好難影相呢.所以以下的相片多不靚. 先來熏鴨卷伴梅子醬 味道 Ok, 份量不少. 可當主食了.不過皮比較難切開. 接下是燒雞胸田園沙律伴芝麻汁好大份呀 !可惜是燒雞胸肉硬了小小, 但都可接受 . 主菜來了.烤排骨伴薯菜粟米烤排骨都不細份, 而且好多 side dish. 團購來說十分滿意.肉質好淋, 好易切開.味道是 BBQ 醬帶點甜味...不過我覺得淡了小小, 再加重小小燒醬味道會更好. 另外一份主菜 : 招牌漢堡伴薯菜粟米.size 又是驚喜 la.漢堡要了 medium, 但出來是 full cook 了.味道 good. BB 都講好味. 最後甜品先來朱古力軟心蛋糕這個是用上 dark chocolate , 有點苦, 我倆都不太 like .也不是心太軟, 所以無流心的. 荔枝焦糖燉蛋這個就好好味.面頭焦糖好甜, 可以不吃但內裹的燉蛋好 soft 好滑 , 又不太甜, 也有荔枝粒.好食 ! 這就當生日 cake 了 ..haha.這2份餐, 團購是 $99 位, 再加一so totally $220 以團購來說, 份量, 味道 & 服務都十分滿意.esp 服務好 nice, 不停自動幫我加水 , 不會因團購給我 "特別服務" , 贊 !
continue reading
哈哈，小弟自己嘅生日飯（正日當晚去食），竟然係自己請自己。唔好以為小弟無人陪，只係以團購買咗兩套晚餐，扯埋老婆試試間新嘢之外，就當埋慶生日，費事煮啫！Elgin’s晌伊利近街9號，實查有啲僻，不過小弟晌中環做嘢，對依頭都算熟，只係晌公利蔗汁行過一條街就係，所以唔難搵！雖然試新嘢有少少風險，但以$99個價，包括前菜或沙律、主菜、甜品及餐飲，全部自選，隨你喜歡，彈性幾大，值搏率高，所以計過度過不妨勇於一試。晚上7:00到，門前一層台階位擺咗幾長小圓茶几，係俾人飲吓啤酒，睇吓街景，傾吓偈。至於裡面，近門口係用餐區，大概30個位左右，入啲係飲酒區嘅吧位。客人唔太多，但環境好夠氣氛，除咗超高樓底，裝修幾雅致，並配以極之柔和、而昏暗嘅壁燈，餐枱面就近乎靠晒枱上嘅小小蠟燭燈，氣氛浪漫，適合撐枱腳，但就不利我部傻瓜DC影相喇，ISO已經盡大，所以，相片質素較差，請見諒。Elgin’s賣嘅菜無話主打邊個地方，中式、西式樣樣夾雜，睇睇餐牌就知，所謂中式梗係唔係整碟乾牛河俾你啦，都係中菜西做，賣相都係西化，講造型。個套餐包一杯果汁，但竟然唔可以轉熱飲喎，就算成本最平嘅檸水都唔得，依個做法真係有啲奇，所以我哋要咗一杯西柚、一杯菠蘿，當係迎賓果汁，清新吓味蕾等食好嘢！第一道菜（沙律或前菜）沙律有3款選擇，而前菜就有7款選擇，可以晌沙律或前菜中任揀一款，因為見前菜比較有特色啲，所以我哋同樣揀前菜，我揀咗個蘆筍及紅椒三角卷（$48），太太揀燻鴨卷伴梅子醬（$58）。蘆筍及紅椒三角卷（Asparagus and red bell pepper parcels）：一客兩件，三角造型，驟眼睇落仲以為係咖喱角。其實係以酥皮紙包住蘆筍同紅燈籠椒焗，外層酥皮紙香脆，裡面嘅蘆筍好嫩，而燈籠椒爽，夾埋晒一次過咁咬落去,，口感幾特別。燻鴨卷伴梅子醬（Smoked duck in tortilla wraps with plum sauce）：以墨西哥卷包著生菜、紅椒、煙鴨胸肉，份量十足，大份到點止係前菜，直情當主食都不為過。點少少西梅汁，酸酸甜，令鴨胸肉嘅煙燻味更突出，配上生菜、甜椒，口感更清新。第二道菜（主菜）去到主菜，6揀1，價錢由$58到$148，幅度都幾大，但個團購套餐就無限你，平貴都可以揀，所以有幾款都想試，結果揀咗最貴嘅烤助排伴薯菜（$148）同較平嘅胡椒蝦炒麵（$78）烤助排伴薯菜（Elgin’s Oven BBQ ribs / half slab with Asian slaw and potato wedges）：首先無話係團購，就將貨就價，半份嘅烤助排十分夠秤，水準又不賴，外皮烤得香脆，難得師傅再加少少芝麻，有啲畫龍點睛之效，肉質、肉汁都做得唔錯，唔嚡，多汁，咁就夠晒滋味啦；伴菜仲有炸薯角、椰菜沙律。 胡椒蝦炒麵（Stir fried noodles with peppered shrimp）：絕對係一個中菜西做嘅例子，炒麵唔係食開嘅中式炒麵，唔係幼麵，唔係伊麵，麵條似油麵，圓形而粗身，質感有啲煙韌，炒得唔油，配上豉油汁，配菜有青椒、紅椒、西蘭花、椰菜花，都幾特別。至於炒麵之上，放有三隻烤鳳尾中蝦，去晒殼方便食用，胡椒味唔算太厲害，所以仍食出蝦嘅鮮味，肉質都幾爽彈，所以，依個胡椒蝦炒麵都幾有驚喜！第三道菜（甜品）經過第一、二道菜後，都幾飽吓，不過，嚟到第三道菜－甜品，再飽我個肚都容得下。甜品選擇唔多，只有三款：朱古力軟心蛋糕、荔枝焦糖燉蛋、綠茶慕絲，都係賣$48，太太最唔好係慕絲，嫌忌廉多較肥，所以甜品好易揀。朱古力軟心蛋糕（Warm chocolate cake）：需時20min，原個焗杯上，賣相唔錯，但焗過籠，無軟心，變咗有少少似Brownie咁，當然無正式Brownie咁實淨，朱古力依然味濃，唔太甜！荔枝焦糖燉蛋（Lychee crème brulee）：燉蛋幾軟滑，只係荔枝味未夠出，好薄，而焦糖脆面都做得OK。服務整體唔錯，一對男女侍應都好有禮（好似係菲藉），不過有少少生手，而仲有一個係經理阿Jack，都好好招呼，驚你唔明個套餐，都解釋得好詳盡，事後都有問我哋啲嘢啱唔啱食？仲解釋因為餐廳新開，想睇吓有咩改進，所以搞團購，宣傳以外，就希望多啲食客嚟俾啲意見，故此，都同阿Jack吹咗幾句！環顧今晚餐飯，我同太太都好滿意喇，係除咗個朱古力軟心勁失準，就算以正價都有興趣再光顧。補充一下，下面嘅是次消費，是以正價計，等大家有個參考，因為團購都係做個一次半次，唔知第時仲有無，所以計番個正價好參考！
continue reading
團購既威力，所以我買左兩張 ($99 + 10% / set) 餐券 餐廳環境唔錯，無咩人，較靜，可以同老公仔避開嘈音，唔洗同人迫，唔洗等位，靜靜地拍下拖食下飯。頭盤 - 雞胸沙律 & 煙鴨卷雞胸沙律︰ 雞胸好硬........ 沙律ok煙鴨卷︰好食! 主菜 - 肋骨 & 漢堡扒肋骨︰熟過頭.... 有點乾.... 味道ok (但我啲同事話呢個係最好味的，而且好淋。 唔通轉左廚師????)漢堡扒︰這個是連埋個包的，食唔晒囉。漢堡扒ok 好味架，但有略微有點 "散"甜品 - 朱古力蛋糕 & 焗蛋(荔枝味)朱古力蛋糕︰好食，軟硬適中，唔會太甜，不過有點苦，是因為用了黑朱古力吧。焗蛋(荔枝味)︰good!飲品哎左兩杯橙汁︰飲到食主菜既時已經飲完，大杯啲更好 (是我太貪心了吧，呵呵呵~) OVERALL，呢間餐廳唔錯，但最好有埋中文菜單啦。希望佢做多啲promotion，咁就會多啲人黎食，同埋等我地再有機會買到平餐券hehhehehheheh....
continue reading
新年剛過，決定跟一班朋友聚下，之前試過此餐廳的chocolate cake，實在是朱古力迷的必食之選，於是叫起朋友食開年飯。8點到達餐廳，由於提前book位，老闆Ian早已留足8人台給我們，7人圍坐反而有點空曠。餐廳不大，燈光暗暗的，每張台有蠟燭照明，很適合情侶撐擡腳。耳邊環繞Jazz的樂聲，墻上是大幅的袋鼠相，唔怪得老闆是澳大利亞人。我們7人叫了2個starter，5個main，加上2個dessert大家share，分量不會太多，但也足夠吃的很滿足了。starter是Prawn wrapped in noodle with sweet chili sauce，脆脆的乾麵環繞在新鮮的大蝦上，在蘸上酸甜醬汁，非常惹味。還沒來的急影相，已經被大家吃的只剩最後一隻蝦了。接下來就是main course了。老闆非常細心，一定等starter全部吃完，幫大家換了餐具之後再一次過上齊所有main courses。最好味就是這個面了Stir fried noodles with peppered shrimp，似乎是跟starter一樣的乾麵，澆上香噴噴的黑椒汁，加上新鮮的大蝦，蘑菇，青椒，一上臺已經香氣逼人。輕輕一拌，脆脆的乾麵蘸上醬汁立刻變軟，吃到嘴裏有點脆又有點軔，感覺奇妙。Poacehed sole fish with baby pak choi, 這個魚同白菜的結合也是一絕。滑嫩的魚片卷成一個圈，中閒留空包住小白菜，聼來有些奇怪，但是味道卻出奇的夾，米飯裏也有些菜碎，配上creamy的醬汁，清淡好味。唯一的缺點是配飯的醬汁少了一點，最後的米飯有點淡了。Grilled hoisin chicken with seasonal vegetables, 燒雞也是被大家最快清嗮的，本以爲雞肉會鞋，但是卻出乎意料的緊緻，就算入面也有燒汁的味道。Elgin's BBQ ribs的碟真是超大，作爲一個main如果一個人吃一定吃不完，由朋友執刀，正好分爲7份肋骨條，一人一份。別以爲肋骨很難啃，用刀輕輕一切，立即骨肉分離，微甜的醬汁配燒得很入味rib，就連唔中意豬肉的我都忍不住多食几啖， yummyQuilty burger with mixed salad, potato wedges and corn on a cob, 唯一麻麻的就是漢堡了，裏面肉太乾了，似乎沒有醬汁存在，所幸配的薯角跟沙拉很好味，補回一些分數。對於我這個朱古力迷，最後的甜品踩是正餐哈哈。兩個甜品一上臺就吸引了大家的目光，特別是，造型十分精美，大家紛紛拍照。這裡的dessert都是HKD68，不算平，但是分量很大，也算物有所值。先說焦糖燉蛋Lychee creme brulee，雖然老闆教了我法國名，我還是很難發音，算了，吃了先講。脆脆的表皮下是軟滑到幾乎流出的蛋，香甜可口，特別適合喜愛甜食的朋友，唯一美中不足的是很多店中此甜品的表面會再燒製一次，以求又熱又脆的效果，但是這裡就有些涼了。最後就是我的最愛，Warm chocolate cake又厚又脆的表皮很像brownie，内裏是軟熱的似乎要流出的chocolate cake，但是又不是心太軟那種液體，入口香棉，最重要是chocolate濃度相當高，一點不覺有糖的成分，如果怕苦之人千萬不要嘗試。總之rick chocolate就是我的最愛了，所以最後的一份cake完全被我清嗮（我是可以一個人吃掉整個cake的，現在還嫌不夠呢）最後買單8xx，7個人每人120，前提是我們沒叫任何飲品，外加老闆給了10% off。 Thanks Ian!!!I'll definitely come the next week, for the dessert~~~
continue reading
o係beecrazy買左兩張coupon...同女朋友仔一齊黎食張coupon係$99有個前菜or沙律, 主菜, 甜品, 飲品正價好似係$249d野食不過不失...如果$99真係勁抵...但正價就一D都唔抵囉~而且個waitress唔知係邊度人...D英文發音比較奇怪...聽到我地一舊舊(可能係我地英文屎 =. .=)由MTR行過黎要10幾mins...有D唔方便
continue reading