Video
Telephone
24060899
24075219
Payment Methods
Above information is for reference only. Please check details with the restaurant.
開咗十幾年ac 第一次嬲到要寫食評講下我嘅體驗其實本身都無期望㗎啦 見佢百三蚊有三個餸貪方便就試啦點知就中伏了個蒜蓉炒時菜⋯竟然係白灼通菜 我叫外賣搞到無仇報 買咗就食左兩條 一大陣發泡膠味 離哂譜！粟米斑腩 可以得兩三粒粟米得京都豬扒同白飯湯係正常味一定唔會再幫襯各位睇路另外，間餐廳都唔係幾理客，唔係話要體貼入微高級餐廳咁，俾錢個時都等咗幾分鐘 可能成班人忙要換餐牌搞緊晚餐啲野 ok無問題我等啦 等到有人理你啦 叫哥哥仔寫完單收完錢又咩都唔講 問佢有冇單先細細聲話無 態度一般
continue reading
依排真係要少啲出街，出街記住戴翻個口罩😷，最緊要身體健康。今次近近地去海濱花園度食個lunch先，唔知街坊茶餐廳好唔好食呢❓🤔我叫左快餐A黑椒雞扒煙肉飯飲凍檸茶(+$2)同埋有湯送(西湯忌廉湯)($42)，未講野食之前，依間餐廳係海濱花園平台度，見到價錢平民價就入去試吓，中間噴水池隔離，不過唔知係唔係屋邨餐廳，人流就無乜啦⋯⋯————Sorry 😐 手殘影到模糊曬，補翻張靚仔少少煙肉相先⋯⋯黑椒雞扒煙肉飯($40)，價錢平民化，賣相就差啲，可能係外賣關係🤔，成碟頹飯咁。試吓好唔好味先，一咬個雞扒就出曬事啦，又”銀”又”鞋”，已經叫個最普通嘅飯啦，雞扒真係麻麻，得個兩舊仔，無論皮定肉都咁差。試埋個煙肉先，煙肉都係兩舊，都大條喎，成個外賣飯盒咁長，但一咬落去個煙肉咁就出曬事，同樣又”銀”又”鞋”，仲要係好乾身，雖然淋左黑椒汁，但一夾起就知個煙肉整好擺埋一邊啦，或者平價cheap冰鮮貨呱，咁至於個個黑椒汁正正常常，得個少少，我就認真麻麻啦⋯⋯快快翠黎個總結先，等陣先，都係講埋個西湯忌廉湯先，忌廉湯都係正正常常啦，杰身啲，都無乜特別，係ok好飲嘅，最後至於個杯凍檸茶，連個篤檸檬匙都冇，好似飲左杯凍紅茶，完。————未完，都係拿拿臨總結埋，劣質嘅快餐，勝在平民價，完。
continue reading
本人住在附近，其實呢間茶餐廳，住附近都知，係一d所謂街坊食堂，所以你唔會預計佢係超級好食，是但有野食，快，靚，正就okay今次都唔例外。一入門口，總會睇睇今日既是日精選，個個＄39蚊，凍飲再加＄2。我就叫左勝瓜雲耳班球飯勝瓜雲耳班球飯首先，佢就黎左個湯先，有中湯西湯選擇我就點左西湯粟米湯，講真，大大碗，都叫好飲，但係唔夠粟米，如果多d料會仲正。之後就黎左個飯，勝瓜雲耳班球飯賣相幾好架，白飯放左一邊，之後勝瓜雲耳班球在另一邊，但d汁比較咸，d班球都處理過，亦都係好咸反而勝瓜雲耳就大大舊，幾好食。之後凍檸茶少甜，都okay。正正常常。收貨。其實去呢d餐廳都唔會要求好多，只要唔係真係難食，都收貨架啦而呢間在呢個區內咁耐，都因為佢大大份，同算係平。所以有一堆男士永遠支持。
continue reading
近排經常四到五點食下午茶餐，六點之後好少食野，順便當晚飯。要抵得住夜晚肚餓，下午茶就要食飽啲，麵飯類係最佳選擇。五香肉丁叉燒炒飯，金莎堡炒飯鑊氣幾足下，平時有叫開呢個，今餐都唔例外。不過今天的鹽似乎落少咗？依然足料不過味道差咗啲，要加辣椒先食到。日式海鮮炒烏冬，所謂海鮮得魷魚兩片。同炒飯相反，一係炒烏冬口味重好多，不過味道都算正；二係食起身覺得份量不及炒飯。而家物價咁高，35蚊的下午茶想食得飽仲不失口味，都算係咁。
continue reading
朋友係荃灣海濱住，晏晝就去海濱搵佢食個下午茶。呢間茶餐廳已經係海濱好耐，朋友大力推薦佢地既炒飯。下午茶時段無乜人，可以坐卡位。我就叫左個下午茶餐，生炒雞絲飯（連飲品）$35朋友又無介紹錯喎，配料份量多而且雞柳又無雪味。炒飯炒得好食，真係唔容易，重點係要夠鑊氣、料足、飯要粒粒分明！師父呢幾樣都做得到，正！最後，飲返杯熱奶茶。好「茶餐廳」風味的熱奶茶，茶味夠足、奶又夠多，唔錯！
continue reading