Video
Telephone
63139286
Introduction
This cafe is located in a village house. It features white colour and is decorated with cat theme paintings. You can enjoy Western and Japanese dishes under a relaxing atmosphere.
continue reading
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
About Reward Scheme
Offers
朋友一直好推介呢間西餐廳😝成日放工走去食🙂↔️今日佢帶我嚟一齊試試佢🤩座位唔多，建議去前預約✅香橙八爪魚冰菜沙律海葡萄 $148十分推介好特別😍沙律有齊香橙嘅清新與八爪魚嘅彈牙口感，如果八爪魚份量更加多更加好🫣搭配冰菜和海葡萄‼️超級鍾冰菜，好特別口感，好有獨特海洋風味✨整體味道清爽可口🙋🏻♀️醃豬頰肉蕃茄意大利飯 $168聞到好濃厚又新鮮嘅蕃茄味🍅醃製嘅豬頰肉好香，意大利飯嘅米粒熟到剛好👍🏻吸收了豬肉的肉汁，口感豐富牛油果蟹肉脆餅x4 $88這道小吃以牛油果嘅creamy 口感🥑和蟹肉的鮮甜為主😋脆餅好酥脆，四件份量剛好，啱哂作為分享小吃😋📍 Fika將軍澳坑口坑口村24號地舖
continue reading
經過門口見到有好多人幫襯，真係好熱鬧。呢個就證明佢哋啲食物真係好正，所以我哋又去試吓。一入到餐廳，就覺得佢哋嘅裝修好有特色，環境又舒服，啱晒想靜靜地傾偈同享受美食嘅朋友。我同朋友坐低之後，就即刻睇下餐牌。佢哋嘅選擇好多，由前菜到主菜，再到甜品，每樣都好吸引。我哋最後揀咗幾款推介菜式，每樣都整得好精緻，味道仲好正。食完之後，真係覺得好滿足，成晚都覺得好開心。同朋友傾偈、食好西，真係人生一大樂事。總言之，Fika 呢間西餐廳真係值得一試，無論係食物質素定係環境，都俾到我同朋友一個好開心嘅晚上。如果你都喺將軍澳附近，想搵間好餐廳食晚飯，Fika 一定係你嘅好選擇。
continue reading
形容為將軍澳隱世意大利菜絕對冇誇張🤩！每款菜式都好有誠意❤️🔥用心配搭，賣相吸引～味道喺其他地方食唔到！要大讚上菜時間， 好欣賞每道菜式上菜時間控制得好好，當你食完一道，一至兩分鐘下一道菜就會接住熱辣辣上枱！污嘴狗真喺超級羨慕將軍澳朋友仔有依個寶藏級美食～如果拍拖、結婚紀念日想食高質意大利菜💌依間好推薦比大家👍🏻（記得Book枱，都好full架！）𝑭𝑶𝑶𝑫𝑺1〉意大利牛肉他他配鶴鶉蛋多士 $128 （大推薦🌟）賣相已經好吸引！食落味道絕對唔簡單！多士同生牛肉超夾！牛肉他他餡料好豐富～食落滑嫩到好似食緊吞拿魚嘅口感！味道好香濃～另外伴碟都有落心機！唔好以為只係裝飾，加少少黃色芥末醬味道更突出！令牛肉味更豐富同埋提升鮮味，真係好出色！2〉牛油果蟹肉多士 $44（推薦🌟）多士好脆口～餡料好豐富，食落口感一流！蟹肉唔孤寒，啖啖蟹肉好yummy！再加埋牛油果粒，成個配搭好fresh！3〉FIKA皇牌炸雞 $78 （大推薦🌟）炸雞看似平平無奇嘅菜式，可以有幾出色啊？污嘴狗話你知真係好食到搵唔到有咩唔好！即叫即炸，上枱仲熱辣辣已經好加分！肉質鮮嫩先係重點！食落一啲都唔乾，鎖緊肉汁，好juicy！仲要配芝士忌廉醬（污嘴狗認為配芝士忌廉醬比起坊間配沙律醬更提鮮）！完全係一個好聰明嘅配搭！4〉FIKA自家製豬頰肉卡邦尼意粉 $168 （推薦🌟）同坊間卡邦尼意粉有啲唔同，唔重忌廉味反而重蛋香濃～相對上油膩感冇咁重～另外真係要大讚啲豬肉，係FIKA自家製豬頰肉，粒粒炒香，食落又香又脆口，仲要肉味好濃郁，完全係令污嘴狗對卡邦尼意粉有新睇法！-𝑫𝑬𝑺𝑺𝑬𝑹𝑻5〉朱古力心太軟配精選雪糕 $78 （推薦🌟）流心效果做到！外皮香脆，唔會overcook太硬！朱古力冇苦澀味，但又唔係死甜⋯⋯配搭雲呢拿雪糕～雪糕底下有啲穀物碎作為伴碟，除咗提升賣相之外，食雪糕個陣仲提升咗口感～整體好圓滿！-
continue reading
意外發現到坑口一間小店，係坑口地鐵站步行10分鐘野食方面比到小驚喜我是日餐湯 -椰菜花蓉湯要拌勻飲ga, 好香牛油味，椰菜花味都幾突出，飲落唔會覺得膩，係高纖健康嘅選擇旁邊跟脆皮多士，食到有少少芝士味意大利牛肉他他配鵪鶉蛋多士 $128擺盤別緻，有甜甜嘅青蘋果爆珠牛肉他他由唔同嘅香料去調味，有蔥，洋蔥，蕃茄粒，味道甜甜酸酸，食落幾清新牛肉肉質鮮嫩，伴埋多士食，完全唔膩醃豬頰肉蕃茄意大利飯 Ristto Alla Itmatriciana $168意大利飯軟度適中，每啖飯都食到香濃嘅蕃茄味豬頰肉炸到好香脆，似食緊煙肉咁，油香味迫曬出嚟，飯中間夾雜着菇，洋蔥，蕃茄仔，香草,食落幾香又帶口感Chocolate brownie $78食完有驚喜，暖暖嘅Brownie, 食落係好香朱古力味，口感鬆軟，配搭雲呢拿味雪糕，奶滑香濃，雪糕跟brownie 一暖一冷嘅組合帶來味蕾的享受
continue reading
Fika意思係「享受咖啡嘅片刻」，雖則餐廳面積不大，但裝橫的確有幾分歐洲小鎮咖啡館嘅感覺，氣氛上完美呼應咗呢個概念。今次有好幾樣我都覺得係值得推介：1. 牛油果蟹肉多士 ($88)牛油果打成蓉，同蟹肉絲混合，堆砌係香脆嘅多士上面，再加上魚子醬點綴，賣相幾吸引！而且作為前菜份量都好足夠了，蟹同牛油果嘅比例十分好，可以食到啖啖蟹肉，多士嘅香脆為整體添上一抹新口感，食完仲有啲意猶未盡。2. 日本味噌配新鮮青口蟹肉意粉 ($168)味噌並唔係死鹹嗰種味道，而係清淡得嚟又creamy嘅質感。每條意粉都掛滿醬汁，口感煙韌，煮得啱啱好。青口亦冇腥味，連菇菌一齊食味道好夾！3. Fika炭燒西班牙黑毛豬梅頭烤日本甜薯 ($298)呢道黑毛豬梅頭係今餐嘅亮點之一。肉眼睇已經見到炭燒表面嘅焦香，而內裡保持住又嫩口又有肉汁。黑毛豬嘅油脂分布均勻，搭配甜甜地嘅日本小甜薯，仲有炭燒大蔥，清爽而唔搶戲，整體平衡得宜！另外大啡菇都好重味道，我個人覺得唔加芝士會仲好味！4. 招牌Fika焦糖蘋果金寶配意大利雪糕 ($88)焦糖滲透入蘋果金寶之中，每一啖都食到蘋果嘅酸甜同肉桂香氣。面層酥脆，中間鬆軟，底層香甜。配埋一大羹雲呢拿雪糕，清新解膩。甜品部分為整餐畫上咗完美句號。總結：餐廳整體表現令人滿意，雖然位置同地鐵站有段距離，但無論係環境抑或食物上都俾人一種「用心製作」嘅感覺，真係值得一試。另外我第一次去嘅時候係夜晚七點全場滿坐（冇位），第二次早少少六點半去即刻有位，所以建議想試嘅朋友預早啲時間或者book定位就最穩陣！
continue reading