Video
Telephone
24571233
Introduction
This oyster bar has a number of branches all over Hong Kong. Oysters are jet-fresh imported from France, Australia, Ireland, South Africa and USA etc. Seafood and sashimi are also provided with a reasonable price. Steaks, pasta and pizzas can be ordered as well.
continue reading
Opening Hours
Today
12:00 - 23:00
Mon - Sun
12:00 - 23:00
Above information is for reference only. Please check details with the restaurant.
About Reward Scheme
今次我地去左食一間我好耐冇食過既餐廳，就係蠔站啦，呢間餐廳開左都起碼有10年，以前我去開樂富分店食，不過依家樂富已經結業啦，大角咀呢間地點對我黎講算近，所以揀左黎呢邊食😁餐廳環境幾靚，有d酒吧feel，燈光偏暗既格局，而且店員服務都好好，問我地食唔食蠔，我地梗係會食啦，佢就提醒記得生同熟既餐具唔好撈亂用，會唔衛生，有時酒店自助餐都會提醒下客人，我覺得幾貼心☺️特價生蠔（$10一隻）呢間餐廳最出名就係$10生蠔，我當日食既特選生蠔係黎自法國既，雖然係特價蠔，但係都好新鮮，帶有海水味🦪香辣炸雞翼（$98）個雞翼雞得好酥脆，雖然話香辣雞翼，但辣味唔算多，最好食就係配埋個醬😋12oz 美國肉眼扒（$488）肉眼扒雖然會比較肥美，實際唔算好多肥位，熟成度掌握得幾好，表面熟，裡面仍然有粉紅色，好靚，肉質都唔韌，另外佢係配有個紫薯薯蓉幾特別🥩超級海鮮pizza（$178）呢個pizza可以切到8塊，餅底係用簿既餅底，主要材料蝦同魷魚出奇地好有鮮味，平時可能會比pizza既芝士蓋過左個海鮮味，呢個就食得出海鮮味🍕白桃乳酸梳打（$48）巨峰提子梳打（$48）呢度雖然比較適合開紅酒白酒，不過今日我地叫左兩杯無酒精飲品，個梳打既果香味幾出，記得攪勻先飲，唔係個底會太甜🍹呢間蠔站開左10年以上都仲做緊$10生蠔，竟然咁耐都冇加過價，來貨又唔覺佢細隻左或者難食左，都算係良心企業，其他食物都保持到應有水準，咁耐冇食再黎食過仍然覺得佢正👏🏻
continue reading
生蠔性價比天花板想平平地過下口癮可以來呢蠔站oyster station. 而家指定生蠔做緊全日堂食特價$10隻. 每一隻都唔馬虎, 都有返咁上下大細. 重點係隻隻都好清甜. 真係令人一口接一口咁食唔停啊. 除咗生蠔, oyster station都主打一系列高質西餐. 蜜糖柚子香煎比目魚比目魚嘅肉質鮮嫩，煎得金黃酥脆，表面有一層薄薄嘅蜜糖，帶出咗甜甜嘅香味。柚子嘅清新味道同比目魚嘅油脂完美融合，為整道菜增添咗一份清爽感，食落去唔會覺得膩。黑松露大啡菇意大利飯飯粒煮得剛好，吸收咗豐富嘅高湯，口感滑溜。大啡菇嘅香氣濃郁，搭配黑松露嘅獨特風味，整體味道層次分明，令人回味無窮。脆炸啤酒味薯條脆炸啤酒味薯條真係一個適合朋友聚會嘅小食！每一根薯條都炸得金黃酥脆，外脆內軟，咬落去嘅時候，口感非常過癮。無論係做為一個開胃小食定係搭配主菜都非常合適。飲品方面, 今次試咗巨峰提子梳打白桃乳酸梳打。兩款飲品都好清新消暑之餘仲夠曬大杯. 如果飲酒嘅朋友都可以試埋佢地嘅酒精版. oyster station仲有好多分店俾你揀. 平時想食蠔搵佢就最方便啦!
continue reading
係全港有多間分店嘅蠔站 🦪 ，佢啲生蠔嚟自各國地區新鮮空運來港🛩，而家仲做緊指定生蠔$🔟隻，今日一於去試下質素如何？精選生蠔12隻 $120法國生蠔🦪size都唔算細，肉身飽滿，口感爽滑，蠔味突出。堂食$🔟蚊隻勁抵，仲可要無限追加，真心勁抵😍。辣肉腸薄餅 $178餅底非常薄脆🍕，芝士🧀鋪滿整個pizza，味道濃郁帶陣陣肉腸嘅鹹香味😋。炭燒美國頂級肉眼(12安士) $488肉眼排🥩份量十足，表面燒得焦香🔥，7️⃣成熟成度啱啱好，肉質緊緻又juicy，邊位連筋部份更香，蘸上海鹽更加鮮味😋。配菜同樣烤得香口，加上香滑嘅紫薯蓉及脆炸藕片，味道更加豐富😍。香辣炸雞翼 $98外層勁酥脆香口，肉質嫩滑又juicy，辣辣地🌶香辣又惹味🤤。飲品紅餐酒白餐酒
continue reading
間中就嚟Oyster station 當然係為蠔而嚟🦪每次都會叫$10生蠔 一打先$120🙂↕️高興!!每日嘅$10蠔都有唔同精選 今次係法國蠔🇫🇷肉質鮮甜 彈性爽口除咗蠔之外 仲有其他嘢食質素都唔錯㗎🍽️ꕥ 香辣炸雞翼一份7件 炸得十分香脆🐤入口無乜油膩感 中間肉嘅部份依然有肉汁 微微辣 可以點蛋黃醬增加味道層次 另外細心位係伴碟有蘿蔔等配菜可以解膩ꕥ 黑松露野菌配大啡菇意大利飯上枱已經香噴噴 黑松露香氣令人開胃🤤啡菇juicy 另外飯入面都有不少野菌 口感豐富 意大利飯軟硬適中 調得夠creamyꕥ 炭燒美國頂級西冷中間粉嫩色相當誘人 亦比想像中軟嫩 牛味濃郁 可以點燒汁或者沾少少鹽食 伴菜有紫薯蓉/焗蒜同蔬菜等呢度有唔同嘅紅/白酒 不過第二日要返工就冇飲酒嚕🙂↔️點咗巨峰乳酸梳打同白桃乳酸梳打 都飲得好爽啊
continue reading
預約餐廳前幾日已經提早打電話去餐廳問一啲有關嘅資料，問佢有冇象拔蚌啦，跟住佢就講話個set有啲乜，於是我就打斷咗佢叫佢send WhatsApp俾我，因為佢一味講個內容太長，而且個set已經係冇象拔蚌（但係我來意就係問象拔蚌）。之後又一味催我要預訂嗰個set因為係限量嘅，咁我都同佢講話到時先決定，就咁完咗個對話。一去到當然啲職員又係咁，叫我叫嗰個set啦，咁我就話唔需要啦，我嗌啦，象拔蚌刺身冇，龍蝦刺身都冇，呢啲都算啦，因為呢啲item佢Menu係寫咗要提前預訂，到之後我想叫加拿大海膽都冇，佢哋當時只有馬糞海膽，我提出單點嘅意思，佢話要留俾做set嘅，我都體諒。咁我咪叫其他刺身囉。整整吓赤貝刺身都冇埋。原先想試吓佢啲$10蠔，以前一直試過都OK嘅，先叫左一打，嘩，完全搞唔掂，勁瘦。嬲嬲地嗌咗一打gillardeau。啲鵝肝完全冇味。再講service,個職員行埋嚟同我講，因為太多嘢都冇啦，佢都唔好意思，話請我食個薯條，個薯條一上枱連埋茄汁同埋mayonnaise，跟住同我講本來只有跟茄汁，個mayonnaise係特別喺廚房偷偷地拎出嚟😰咁我係咪要多謝佢？嗌咗支cheap cheap地嘅白酒，但全程冇人幫我哋加酒最後唯一滿意嘅就係個牛扒成數做得好好
continue reading