Video
Exit B1/ N5, Tsim Sha Tsui / East Tsim Sha Tsui MTR Station
continue reading
Telephone
27362228
Introduction
Fu Ho restaurant is renowned in Hong Kong for their roast chicken and delicious dim sum. Come here with friends or family for a delicious bite.
continue reading
Awards and Titles
Michelin 1 Starred Restaurant (2015-25)
Good For
Business Dining
Opening Hours
Today
11:00 - 23:30
Mon - Sun
11:00 - 23:30
Above information is for reference only. Please check details with the restaurant.
RELATED ARTICLES
富豪酒家在香港頗為有名，是提供吉品鮑糖心鮑魚的其中一間有名氣的餐廳。高湯紅燒官燕 這碗官燕份量十足，上枱時十分溫熱，頂層還點綴了金華火腿碎，入口時帶點鹹香的味道。官燕鮮嫩滑順，融入了濃郁的高湯紅燒醬汁，帶來豐富的口感和味道。30頭養殖吉品鵝掌招牌名物當然非常吸引，烹調技巧非常好，鮑魚質感也很糖心，入口香軟彈牙，輕輕一刀切下吉品鮑，有股張力在鮑魚與刀之間產生，證明鮑魚已煮至糖沁狀態，加上濃郁惹味的鮑汁，令人陶醉。鵝掌肉質鮮嫩，以鮑汁燴至軟腍滑溜的鵝掌甘香腍滑，吸收了鮑魚汁的味道，非常多肉，十分出色，一口咬下，膠質豐富，每一口都能感受到鵝掌的柔軟和細膩，鮮香四溢，口感濃郁，滋味十足。川汁脆皮花膠這道特色川菜將花膠與川式醬料巧妙結合，這是我第一次嚐到脆炸花膠，以炸的方式去烹調，印象中是首次嚐到。花膠經過精心烹製處理方式，將炆熟的花膠抹上粉漿炸至酥脆，內裡卻保留了花膠的嫩滑，入口即化，再配以惹味的川汁，酸辣醒胃。但我個人覺得比較失望，花膠沒有味道，而且炸皮跟花膠的質感不太配合，食後有很膩滯的感覺。富豪脆皮炸雞如選擇套餐的話，兩人會送半隻炸子鷄，阿翁的炸子雞非常出色，皮脆肉嫩不在話下，上色極美，雞皮早已炸得香脆薄身，肉質熟度剛好，做到皮脆肉嫩效果，而且味道調配得很好，食出雞肉鮮味。方魚炒芥蘭仔方魚炒芥蘭仔是一道清淡而又美味的菜品。結合了方魚的鹹香和芥蘭的爽脆。雖然係一個簡單而美味嘅菜式，但要整得好味唔容易，方魚需要經過精緻加工，鹹味恰到好處，芥蘭仔不會過於軟爛，食落爽脆有口感。瑤柱蔥花炒飯以瑤柱和蔥花為主，炒得好夠鑊氣，瑤柱的鮮味和葱花的香氣融合在一起，香氣四溢，炒飯粒粒分明，乾身又唔會油，米飯鬆軟且不失嚼勁，份量都唔少，是一道色香味俱全的炒飯。精選甜美點兩款這款椰汁馬豆糕綿密又爽滑，椰香濃郁，原來以椰汁為主要原料，更加有層次，口感清甜自然，沒有過多糖分，味道唔錯。而欖仁合桃酥則是酥脆可口，內裡鬆軟，口感獨特細膩，合桃的香氣和欖仁的微苦完美結合，既有層次感又不失清香。最後，蛋白生磨杏仁茶，堪稱完美的結束。杏仁香味濃郁，配上豐富的蛋白，每一口都能感受到杏仁的香甜與蛋白的細滑，滋潤美顏，令人愛不釋手，而且不太甜，如果蛋白份量再多一點則較好，食埋這道甜品真的很滿足。食物質素方面，個人覺得在今次晚餐的菜式整體合格的，但服務都是對熟客有禮貌有服務，對新客就有點兒那個！
continue reading
中菜大家就食得多啦唔知呢一間被譽為「香港粵菜一級食府 」大家有冇食過呢？佢就係連續14年榮獲米芝蓮一星嘅富豪酒家，咁犀利我當然要過嚟食吓啦。聽聞佢哋嘅鮑魚真係好出名㗎，一於要食吓佢嘅鮑魚套餐。 阿翁鮑魚美食宴 $1680/位 紅燒砂鍋包翅個砂鍋拎到出嚟嘅時候，入面嘅汁仲滾緊，一打開個蓋真係好香，佢哋係採用頂級18吋牙揀翅，每碗足2兩翅，真係好足料啊，配上湯汁芡，真係好味都停唔到口。 28頭特選吉品點為之一隻好嘅鮑魚？大家有冇食過溏心鮑魚，佢嘅口感真係好好彈牙，配上鮑魚汁，口感一流。食完鮑魚，仲有鮮甜嘅生菜用嚟點剩返嘅鮑汁，味道更上一層樓。 瑤柱炸釀蟹蓋唔好睇落個蟹蓋細細隻咁，佢入面真係超足料啖啖肉，全部配料都係由新鮮蟹拆肉製成，外脆內軟，加入咗瑤柱同埋洋蔥，食落好有口感。 富豪海皇炒飯出色嘅炒飯當然係粒粒分明，而且海鮮非常多每一啖都有，炒得乾身，一啲都唔油膩。 原燉杏汁官燕呢一份官燕書飯後甜品真係非常出色，官燕非常多，每一啖都係。而且佢嘅杏汁係非常香濃，加入咗蜜糖，真係好滋潤，冬天飲就一流啦。 精選甜點兩款椰汁馬荳糕 - 椰汁嘅奶香非常重，清甜好味。欖仁核桃酥 -真係超酥脆，鬆脆可口一啖一口。 富豪脆皮炸雞(兩位奉送)佢嘅脆皮雞真係好大隻，米芝蓮嘅餐廳果然名不虛傳送出嚟嘅食物都係非常出色，雞皮超級脆，而且裏面嘅肉係燒鮮嫩多汁，一咬落去雞汁同埋油脂喺個口度徘徊好香。
continue reading
頭盤鱼翅是凍的，上湯是熱的,就咁淋上鱼翅上，鲍魚過淋，冇鮑魚味，如食麵粉,其各樣餸都可以，但份量少，服務態度真係太差了,第一次我朋友食鵝掌，都未食完，正想吐骨，服務員就企係我朋友身邊伸手收骨碟，狀似吹我朋友快啲食，第二次朋友還未食完就收走筷子，可否先問吓才收走筷子，這樣真的很冇禮貌。這家店我已幫襯過3次，今次是4人用餐亦是最差的。
continue reading
一個月前諗緊老豆生日去邊到慶祝好，咁啱睇到幾個YouTuber都話呢度個$980餐抵食又好食，就即刻book台諗住帶老豆黎試下啦。Book台果時仲問埋佢一個月後仲有冇呢個餐食，佢仲話就算冇左都可以做返比我地。尋晚醒起佢冇打黎confirm booking，10點幾打去冇人聽，可能就收工。今日中午再打去問，佢竟然話搵唔到我地個booking，但就幫我地即刻落返。我心諗，如果我地係到左餐廳先搵唔到個booking，我老豆餐生日飯點算呢？食野方面，唔知係咪我地唔識食呢。明明呢到好多人都讚，但我真心覺得麻麻地，所有野都好濃味，但都冇乜食材既味道。燴花膠有d咸，吉品鮑既口感係特別既係同出面既鮑魚唔同既，鵝掌好淋，生菜係食鮑魚汁味，蟹蓋係食洋蔥味，雞係好味既皮香有雞味，炒飯都ok，杏仁茶超級杏仁，美點雙輝好食。可能只係我地唔識欣賞，又可能因為食完每樣野都要飲好多水。服務方面，本身覺得普普通通啦，酒樓咁囉，對熟客好好笑容，對生客梗係生疏d啦，都冇咩問題既，但收碟就有d搞笑。因為佢地每樣野都係位上，所以每次食完都要收碟，我地坐中間果行4-5人台，兩邊行人路，我感覺佢係想企係同一個位收哂全部碟。咁佢收完近果d，要收遠d果隻碟，佢係企係度期望我地遞隻碟比佢，佢係冇諗住要行近d拎既。我果一刻就諗起，上次團餐食12人一圍三千幾蚊果間酒樓，個姐姐直情叫我地遞d碟比佢啦，起碼今次佢係冇出聲，佢企係度等啫，而咁啱又有人忍唔住好心咁遞左比佢啦。去到食炒飯既時候，可能佢又expect你只係會用匙羹食飯啦，因為佢係會收左你對筷子。整體黎講，可能我地唔係富豪啦，所以食唔慣，係我地問題。感覺應該係：試過就算啦。
continue reading