29
9
13
電話號碼
+853 28313104
營業時間
今日營業
11:30 - 15:00
18:00 - 23:30
星期一
全日休息
星期二至日
11:30 - 15:00
18:00 - 23:30
以上資料只供參考, 請與餐廳確認詳情
食評 (53)
嚟澳門玩好想食正宗嘅葡國菜,坐的士嘅時候的士司機就推薦我哋去呢間福龍。聽講平時都好多人可能要訂枱,我哋無為意就直接walkin去食,嗰時大約五點九未到六點,佢就要求我哋七點半前要還枱。建議大家如果熱門時段想去食都係要訂咗位先會好啲。去到我哋一共食咗五樣餸:葡國臘腸炒菜、馬介休球、非洲雞、葡式煎魚柳同埋秘制咖喱蟹。炒菜同平時蒜蓉炒菜差唔多,葡國臘腸係pepperoni,有少少酸酸哋鹹鹹哋,我都係鐘意中式臘腸多啲。馬介休球就係我要求要點嘅,因為我好鐘意鹹魚同薯仔,我覺得佢炸皮好薄,食落每啖都係薯仔好滿足。不過食食吓覺得有少少鯪魚球嘅味道,可能對某啲人嚟講會偏腥?但我就好鐘意食。非洲雞就係見佢唔係喺常設menu就點咗嚟食,一上枱睇落乾乾哋鞋鞋哋無咩期待,點知食落好juicy,個汁好惹味,撈飯一流。份量得五嚿,唔夠分啊。葡式煎魚柳就普通,份量都唔算多嘅,勝在個魚煎得好香脆又唔怕有骨。秘制咖喱蟹就真係大力推薦,我唔食蟹嘅因為整到成手污糟晒又好難剝肉。不過佢哋好貼心有比埋手套,鉗,濕紙巾同洗手水。如果唔係見佢哋咁有準備我都唔會落手食。佢蟹鉗其實都已經有剪開比你,食起上嚟難度唔算高,唔識食都搣到啲肉有食乾淨個鉗,係要小心碎殼。個咖喱好惹味,我食唔到好辣但都接受到呢個辣度唔會話要係咁飲水。除咗蟹入面仲有啲蛋絲同埋洋蔥,洋蔥我真係食唔停口,爽爽哋又可以食到咖喱汁,大滿足。如果餐前送嘅餐包留到呢個moment點咖喱食一定好正。佢送嘅餐包都好好食,暖暖哋,都紥實,就要食同點湯都好味。湯就係雜菜薯仔湯,薯仔存在感好重,每啖都食到少少薯蓉嘅感覺。總括而言,每樣都唔錯,不過份量偏少,同埋偏鹹,可能要叫多兩個飯嚟送會好少少。
繼續閱讀
見到大眾X評有4.8分,諗住冇死,去食個葡國餐,難食到傻,仲要唔平....完全冇食完就走左。🍴葡式芝士焗蟹蓋 $98 (3/10)
蟹蓋入面係一絲絲蟹肉,得兩匙仔好少,一入口勁鹹...芝士味唔出,講真得個鹹字冇其他味了,唔係海水嗰種鹹,$98哈哈哈
🍴葡國雞 $138 (0/10)啲雞做到全部統一,一樣勁鞋口,個葡汁勁稀勁淡冇乜味??啲薯仔蘿蔔可以係幾硬下,完全唔知食緊乜。🍴葡國焗鴨飯$268 (3/10)個飯份量十足,有飯焦,但個飯係完全冇味,啲鴨絲係幾鞋口都係好淡味...個腸正常有油脂少少鹹,白飯同鴨嘅味係毫無關係,完全唔值$268.
推薦指數: 0/10不可一,不可再,向福龍說不,真心食評!
繼續閱讀
環境方面:餐廳裏面裝修幾靚月幾有特色,同埋有啲古色古香嘅味道食物方面:1. 厚切芝士包好味,熱辣辣又脆,同埋芝士都幾香,個份量都好多2. 葡國炒蜆個汁幾好味,但啲蜆肉就少啲同細粒啲3. 龍蝦汁扒魚個汁都OK嘅,龍蝦味就唔太重,塊魚扒都夠滑,但魚味就咗淡少少,可以再鮮味啲4. 葡汁豬扒意粉,呢個價錢黎講反而有驚喜,豬扒夠腍好味,個意粉食落都唔係齋白烚,係有額外處理過,個葡汁都唔錯服務方面:想讚下啲staffs,好helpful,會建議我哋食啲咩,同份量,見我哋有咩需要都會主動幫手,例如影相,拎extra餐具同加水之類我哋2個人叫咗4樣嘢食,再加埋佢俾嘅兩個餐包,食到最後飽到食唔落, 唯有放棄兩個餐包同少量意粉。P.S. 呢間餐廳好full, 記得提早去book枱, 如果唔係就要等到2046先有得試
繼續閱讀
我是一名遊客因為我想在澳門第一次嘗試吃葡國餐本人於2023年11月5日選擇在這家餐廳用餐因為當時太餓,我一個人點了三份食物我把吃剩下的食物打包拿回酒店等第二天早上起床後再加熱來吃。當時這家餐廳一名穿黑色工作服,畫淡妝的女工作人員詢問我吃剩下的F4餐葡士燒牛仔肉配搭的汁醬是否分開裝打包?我說是的。這只是普通正常對答,但我留意到,她突然和另一名女同事站在水吧附近似乎對我竊竊私語我感覺有點不對勁,後來,我離開餐廳前就遇到一件令我感到很疑惑的事,她用一個用來裝熱咖啡的外賣杯幫我打包牛仔肉醬汁?我以為她很大方,想給我更大醬汁,直到我今天早上醒來用酒店微波爐加熱食物取用汁醬的時候,我打開用來裝熱咖啡的外賣杯裡面裝的不是醬汁,而是裝滿一杯普通的茶水,我這時候才發現那一名穿黑色工作服畫淡妝的女樓面故意給我製造不快的感覺!我說一下當時在她們餐廳用餐的情況當時餐廳坐滿人,其他餐桌每台食客至少有兩至4位同行用餐的朋友或家人,而我是唯一獨自用餐的遊客,我不知道那名穿黑色衣服畫淡妝的女樓面是否故意在欺負一個獨自來澳門旅遊的遊客?這真的很過份,這會破壞我對澳門的印象!以後,我如果再來澳門玩,我絕對不會再選擇福龍葡國餐廳用餐!
繼續閱讀
聞名不如見面,果然係好嘢!因為,係週末,booking 差不多全滿,只有下午5點半才有枱,諗都唔使諗,即刻訂枱!準時到達,已經滿座!木枱有歲月痕跡,枱面中間鋪上葡式的瓷磚,很有特色!西洋菜湯,很地道,味道美,配香脆豬仔飽,正!葡國鷄及清湯浸蜆,正宗,有水準馬介休球,非常之精彩,食落很有魚味,淡淡然的,但不會太咸,咸味很適中…燒乳豬例牌,份量也不小,入味,皮脆,肉滑最聞名的鴨飯,飯十分柔輭,粒粒分明,混入鴨肉,很夾,味道香甜又美味👍👍👍果然,沒有嚟錯,值得推薦!
繼續閱讀
您可能會有興趣的...