影片
更多
2007-08-30
96 瀏覽
在靚師妹極力推介之下，我決定搵埋成班朋友一齊去南山村品香樓擦返一餐。我除左預早book好位之外，仲訂埋隻手撕雞！一班好友叫準時到達又一城，我地穿過城大，行過去南山村，其實都唔係好方便。雖然已經訂左位，不過好鬼多人，我地都等左近15分鐘先成功入座。點好菜喇！先端上來的是手撕雞，又真係好好食，幾有雞味，因為冇骨，所以食得好開心。係肉唔係太多！不過八十幾蚊咋，都算係咁啦！接下來既就係黃金蝦，佢係用類似薄脆的東西做成一個盤來盛載蝦！蝦無疑係好好食，又食口又有咸蛋香味，但只係得七、八隻！只係剛好夠食！而且蝦都唔係好大隻！要成接近$60，係貴左多少。之後既係炒雜菌，好似好少雜菌，好多豆角咁既？跟住既就係南乳雞中翼，我覺得呢個認真唔錯！又香又脆！正！至於跟住下來的芝士肉鬆西蘭花加伊麵相對就弱少少，個芝士味唔夠香濃，令成個菜都好似淡而無味咁！跟住落黎既係炸豬手，雖然我本身唔係好喜歡食炸豬手，不過呢個都唔錯，皮幾脆，點左南乳醬之後就更加惹味。不過如果太多就會好漏了！由於唔係好夠飽，我地就叫多幾個菜，分別係沙拉骨、椒鹽尤魚、臘味炒糯米飯同埋豆沙窩餅。沙拉骨係用沙拉醬加埋炸排骨，十分不錯。椒鹽尤魚係就係好惹
我除左預早book好位之外，仲訂埋隻手撕雞！一班好友叫準時到達又一城，我地穿過城大，行過去南山村，其實都唔係好方便。
雖然已經訂左位，不過好鬼多人，我地都等左近15分鐘先成功入座。點好菜喇！先端上來的是手撕雞，又真係好好食，幾有雞味，因為冇骨，所以食得好開心。係肉唔係太多！不過八十幾蚊咋，都算係咁啦！
接下來既就係黃金蝦，佢係用類似薄脆的東西做成一個盤來盛載蝦！蝦無疑係好好食，又食口又有咸蛋香味，但只係得七、八隻！只係剛好夠食！而且蝦都唔係好大隻！要成接近$60，係貴左多少。
之後既係炒雜菌，好似好少雜菌，好多豆角咁既？
跟住既就係南乳雞中翼，我覺得呢個認真唔錯！又香又脆！正！至於跟住下來的芝士肉鬆西蘭花加伊麵相對就弱少少，個芝士味唔夠香濃，令成個菜都好似淡而無味咁！
跟住落黎既係炸豬手，雖然我本身唔係好喜歡食炸豬手，不過呢個都唔錯，皮幾脆，點左南乳醬之後就更加惹味。不過如果太多就會好漏了！
由於唔係好夠飽，我地就叫多幾個菜，分別係沙拉骨、椒鹽尤魚、臘味炒糯米飯同埋豆沙窩餅。
沙拉骨係用沙拉醬加埋炸排骨，十分不錯。
椒鹽尤魚係就係好惹味同好脆，不過唔知係唔係成日有得食，無咩感覺咁。
臘味炒糯米飯都唔錯架！唔會好漏，而且仲有好多料！食埋個糯米飯就七七八八了！
最後上的豆沙窩餅，雖然豆沙都幾好味，不過皮就比較厚左少少。
值得一提係我地叫左不同的沙冰，沙冰用左新鮮生果來整，所以都幾鮮甜，不過有朋友就嫌可能淡左少少。我自己叫個個紅豆沙冰就好唔錯！
小結：野食味道唔錯，價錢合理，不過唔係好就腳！個人就比較喜歡北角東寶同埋旺角勝利小廚喇！
張貼