影片
更多
2008-03-17
35 瀏覽
又係一班頌揚人聚首一堂的日子, 係樓下吃過團年飯之後, 就係度吃個生日飯.上次來寧波已係一年前了, 是晚人多了, 自然可以再試多幾樣不同的菜色.這裡的環境係幾好, 我們16個人, 坐係近門口的特大臺, 也不覺逼狹. 近期的飯局大家都有慣性去遲到, 是晚小弟就差不多坐足一個鐘先齊人. 不如下次約大家五點半食飯吧. 應該有效的.涼拌馬蘭頭$70: 8分, 其實清清地幾好食的, 但係轉到尾都仲有剩, 係大家嫌味道太淡?無錫脆鱔$90: 9分, 炸得剛好, 脆得來又唔腥的, 個汁也好入味, 正. 兩個頭盤, 脆鱔轉兩轉就清掉了, 反而涼拌馬蘭頭就不太受歡迎了. 炸臭豆腐$60: 8分, 見這裡有兩道臭豆腐菜色, 最後揀了這個炸的. 記得小時候係天橋底有檔好好食的臭豆腐, 現在想起也覺回味, 但正如其他食友所講, 家下街邊檔的臭豆腐都不太臭, 食店賣的, 更加係臭不過兩尺同十分鐘, 想尋回昔日的風味好像有點困難. 講回這裡的臭豆腐, 聞落去係有點臭同香口的, 不過食落口就完全唔臭, 對喜愛或者吃貫臭豆腐的人係不太夠皮的, 但作為個回憶, 收貨的.寧波式蝦仁$160: 8分, 上次吃過清炒的, 是
這裡的環境係幾好, 我們16個人, 坐係近門口的特大臺, 也不覺逼狹. 近期的飯局大家都有慣性去遲到, 是晚小弟就差不多坐足一個鐘先齊人. 不如下次約大家五點半食飯吧. 應該有效的.
涼拌馬蘭頭$70: 8分, 其實清清地幾好食的, 但係轉到尾都仲有剩, 係大家嫌味道太淡?
無錫脆鱔$90: 9分, 炸得剛好, 脆得來又唔腥的, 個汁也好入味, 正. 兩個頭盤, 脆鱔轉兩轉就清掉了, 反而涼拌馬蘭頭就不太受歡迎了.
炸臭豆腐$60: 8分, 見這裡有兩道臭豆腐菜色, 最後揀了這個炸的. 記得小時候係天橋底有檔好好食的臭豆腐, 現在想起也覺回味, 但正如其他食友所講, 家下街邊檔的臭豆腐都不太臭, 食店賣的, 更加係臭不過兩尺同十分鐘, 想尋回昔日的風味好像有點困難. 講回這裡的臭豆腐, 聞落去係有點臭同香口的, 不過食落口就完全唔臭, 對喜愛或者吃貫臭豆腐的人係不太夠皮的, 但作為個回憶, 收貨的.
寧波式蝦仁$160: 8分, 上次吃過清炒的, 是晚就唔要清炒要寧波式, 配料比較多, 蝦仁細細粒, 但新鮮.
砂鍋雲吞雞$150: 8分, 要控制價位, 最後只係要了半隻, 其實也分到成十碗, 份量其實偏大了. 個湯係不太濃, 飲落口係清淡的, 不過單計湯係比較喜歡上次要的砂鍋津白. 吃到尾, LS媽媽提醒我們雞肉好嫩滑, 試了一件, 果真係好得, 就算煲完湯也沒有老了的痕跡, 幾堅.
嫩雞煨麵$40 x 2: 7分, 其實沒有叫甚麼澱粉質的東西, 但也要叫一客嫩雞煨麵留給姊妹C一家人吃的, 小弟也試了小許, 其實麵條的口感麻麻, 不太彈牙. 賣相係怪怪的, 水汪汪. 但係最後也要追加一個給LS媽媽一家.
上海炒年糕$60: 8分, 個汁都幾杰的, 不過年糕都幾有口感的.
鹹蛋黃炒蟹$220: 9分, 鹹蛋黃幾香口, 蟹都有鮮味, 雖然都係高危食物, 弟兄M都係吃完又吃的, 認真大無畏. 不過跟留園雅敘那個比, 都係那邊比較好吃. 不過有比較, 總覺得這裡的鹹蛋黃係未做到最香口.
奶油津白$60: 9分, 奶油味幾香. 津白也夠新鮮, 不過大家或許覺得奶油味太濃了, 好似麻麻受歡迎, 我就覺得好吃過剩吃津白.
紅燒獅子頭$90: 8分, 其實肉質係幾鬆化的, 係嫌個汁偏杰的, 但係不知是否大家的戰鬥力已經慢下來, 這道菜都係轉極都有.
家常餅$40 x 2: 9分, 比上次遜色了點, 稍為過了點火, 但仍然好得. 個餅的芝麻好香, 真係連吃兩件也無問題的. 13人叫了兩客, 都給大家清了, 應該係反應不俗. 不過之前吃會有10分, 這次只有9分, 係差了點點. 又是晚係生日局, 個餅正好當係生日餅一樣.
樟茶鴨$150: 9分, 炸過的鴨肉仲係好嫩滑, 吃落口有肉汁, 不會係炸到乾乾的,依然係高水準之作. 小弟係繼續推薦這裡的樟茶鴨.
生煎包$40: 9分, 熱辣辣, 好香口, 吃落口係成口汁的, $40有八大隻, 都幾經濟, 不好意思的係, 有幾個弟兄姊妹吃不到, 本來小弟係打算一人半個的.
椒鹽元蹄$180: 9分, 等到尾段, 椒鹽元蹄終於出現了. 始終係這裡的招牌, 沒有不吃的道理, 元蹄沒錯係好肥的, 但係好好味, 肉質嫩滑, 旁邊的川椒葉又係精彩的. 見大家也努力去吃, 應該令大家滿意的一味.
要了三客湯圓分吃, 其實分別係不太大的.
酒釀小圓子$20: 8分, 桂花味清新, 又帶點點酒味. 小小的圓子不太甜, 剛好起了中和的作用.
桂花芝麻湯圓$28: 7分, 同樣的糖水, 但係個芝麻湯圓偏甜了.
酒釀雙圓$25: 8分, 這個其實係以上兩種湯圓的合拚版.
全晚總數係$1873, 每位$134, 這價位真係算經濟了, 又吃到幾樣高水準的菜色. 大家對這裡的評價也相當不錯, 吃得好高興的一餐.
張貼
