影片
更多
2008-03-22
11 瀏覽
今晚同二個朋友去尖沙咀亞士厘道搵野食，兜兜轉轉去左紅螞蟻。三個人散點左一份焗三文魚闊條面和淡咖喱雞扒飯，同埋晚餐－－主菜係香煎牛油汁全條龍條魚，三份食物三個人share食。先講散點既焗三文魚闊條面，三文魚味道普遍，但闊條面焗得幾香，水準可以；淡咖喱雞扒飯咖喱汁唔算太多太濃，淡淡的都算夠味，雞扒碎上亦入味。至於香煎牛油汁全條龍條魚係今晚令我最驚喜的食物，全條龍利煎得金黃恰到好處，賣相已經一流，而且唔知佢表面放了什麼香料呢，脆脆地又香口又惹味，我地三個人食完魚肉再「論」埋骨先夠皮！連伴碟既薯仔同伴菜都覺得特別好食，哈哈！真係值得推介！另外，環境服務都算ok，只係座位略嫌有點狹窄。我地外加左碟油菜（健康嘛），埋單$270，每人$90，以食物水準而論算值得！
三個人散點左一份焗三文魚闊條面和淡咖喱雞扒飯，同埋晚餐－－主菜係香煎牛油汁全條龍條魚，三份食物三個人share食。
先講散點既焗三文魚闊條面，三文魚味道普遍，但闊條面焗得幾香，水準可以；淡咖喱雞扒飯咖喱汁唔算太多太濃，淡淡的都算夠味，雞扒碎上亦入味。
至於香煎牛油汁全條龍條魚係今晚令我最驚喜的食物，全條龍利煎得金黃恰到好處，賣相已經一流，而且唔知佢表面放了什麼香料呢，脆脆地又香口又惹味，我地三個人食完魚肉再「論」埋骨先夠皮！連伴碟既薯仔同伴菜都覺得特別好食，哈哈！真係值得推介！
另外，環境服務都算ok，只係座位略嫌有點狹窄。
我地外加左碟油菜（健康嘛），埋單$270，每人$90，以食物水準而論算值得！
張貼