大皇拉麵小籠包 (已結業)

昨日成班ｆｒｄ玩完一大輪就諗住搵下野食啦，貪方便就走左入去大皇拉麵小籠包。入去已經得小貓三，四隻。咁就隨便叫左幾個小食。嘩！見佢ｓｅｌｌ到個小籠包咁勁，咪諗住試下囉，點知一黎，ｄ小籠包ｄ湯已經滲晒出黎囉！我都係第一次見到全部小籠包冇湯架囉！仲要ｄ板厚到丫。跟住雪菜肉絲炒年糕，勁咸囉！再一個蒜泥白肉，ｄ肉多到六個人食每人都食左一片呀！下面全部係青瓜囉。還有呢個越式蝦餅，少少味道都冇！真係好蝦囉！最尾再黎一個高力豆沙，呢個真係極品中既極品呀！好似飲油咁呀，咬落去ｄ油係ｂｉｔ出黎架，仲要係好似食梗一團粉咁囉！總括黎講呢，呢間野真係去一次就夠喇，冇野值得我返去再食多次呀，連佢ｄ侍應ｄ態度都差到嘔呀！價錢貴！質素差！食物少！