影片
更多
2008-04-24
19 瀏覽
奉消委會諭：入任何食肆之前記緊要睇餐牌；去陌生嘅餐室一定要睇裡面嘅入座率；見到無理嘅最低消費一定要嗌唔好，如果唔係後果自負…以下係發生喺銅鑼灣區嘅最新一宗騙案—尋日放工諗住同個朋友飲杯嘢，佢話最好有海景，於是我提議去海旁搵啲樓上cafe試下，誤打誤撞嚟咗依間。一上到去見到空無一人仲以為去錯層數，但唔知邊度閃咗個人出嚟問我哋有冇訂枱，儘管我哋想走，但佢二話不說已經招呼我哋坐低。朋友眼利，留意到牆邊寫住最低消費喺黃金時段係每人$150，但店員即刻吞吞吐吐咁話只要叫嘢飲同小食就可以寛免，而且佢仲口快快咁話其實我哋好容易達到要求。我打開餐牌即刻知點解，因為所有食品嘅價錢都係天價，隨便一項小食都上百蚊，飲品都平均七十，睇云最平嘅一杯汽水亦要$45，簡直係六星級酒店嘅收費。本來理智嘅我已經打算動身離開，無奈朋友喜歡佢個維港夜景，而且仲話一次半次，當係支持下本港艱苦經營嘅中小企，今次就由佢請客。就係咁我同一般騙案嘅受害者一樣動咗惻隱之心，結果就墮入陷阱。店員由於見我面有難色，於是就天花龍鳳咁吹噓佢哋嘅食物同服務，話係大師級廚師，選料最上乘，不過佢啲演技就非常拙劣，連講嘢都口窒窒，聽佢講完一輪我仲擔心
以下係發生喺銅鑼灣區嘅最新一宗騙案—尋日放工諗住同個朋友飲杯嘢，佢話最好有海景，於是我提議去海旁搵啲樓上cafe試下，誤打誤撞嚟咗依間。一上到去見到空無一人仲以為去錯層數，但唔知邊度閃咗個人出嚟問我哋有冇訂枱，儘管我哋想走，但佢二話不說已經招呼我哋坐低。
朋友眼利，留意到牆邊寫住最低消費喺黃金時段係每人$150，但店員即刻吞吞吐吐咁話只要叫嘢飲同小食就可以寛免，而且佢仲口快快咁話其實我哋好容易達到要求。我打開餐牌即刻知點解，因為所有食品嘅價錢都係天價，隨便一項小食都上百蚊，飲品都平均七十，睇云最平嘅一杯汽水亦要$45，簡直係六星級酒店嘅收費。本來理智嘅我已經打算動身離開，無奈朋友喜歡佢個維港夜景，而且仲話一次半次，當係支持下本港艱苦經營嘅中小企，今次就由佢請客。就係咁我同一般騙案嘅受害者一樣動咗惻隱之心，結果就墮入陷阱。
店員由於見我面有難色，於是就天花龍鳳咁吹噓佢哋嘅食物同服務，話係大師級廚師，選料最上乘，不過佢啲演技就非常拙劣，連講嘢都口窒窒，聽佢講完一輪我仲擔心過原先，於是唯有求其應酬一下叫咗杯薄荷朱古力奶昔。朋友問佢大杯同細杯嘅分別，相差十三蚊但容量差近一倍，於是理所當然要大杯。話雖如此，大杯就唔等於好飲，雖然佢哋講到係用乜嘢精選朱古力豆，而且仲三個店員合力喺廚房搞咗一大輪，但味道完全同旺角啲咖啡室無乜分別。眺望維港兩岸，一諗起用依個價錢可以幫襯到嘅無敵大海景酒店不知凡幾，我就更加心痛。
睇返嗰幾位店員，佢哋嘅專業服務真係令人慘不忍睹，一個就部喺門口等下一個受害者、另一個就掛住上網、仲有一個就一時喺廚房一時走出嚟睇電視，加上店內侷促嘅環境，我嘅感覺真係完全好似去咗人哋屋企咁，唯一分別係要俾人斬到一頸血。最後等到埋單，佢哋竟然話我哋消費太少不收信用卡，由於朋友無帶現金，於是我唯有用盡身上嘅錢嚟找數。突然間我嘅腦海裡面閃起歌神嘅《日本娃娃》…「摸摸我袋，唉洗剩八個幾咋，蝕埋份糧添今次衰咗喇！」
張貼