影片
更多
2008-06-18
61 瀏覽
May 28同一班朋友仔去咗北角街市嘅東寶小館，八時入席....嘩已經排晒長龍...禮拜二人所咋播，不過好在朋友仔book咗枱，如果唔係真係唔洗指意喺嗰度開餐! 因為仲有朋友晏啲先到嘅關係所以一坐底就叫住啤酒同小食happy住先....人人都知東寶用啲雪凍咗嘅碗嚟飲啤酒...真係零舍不同..好鬼好feel。而小食本應想叫沙薑雞腳...同豉油皇雞肝...點係兩樣都冇，經過侍應哥哥recommend就改成豉油皇雞腳同椒鹽雞腎....個雞腳...好硬...認真麻麻..反而個雞腎就幾OK...仲用啲自家炸嘅腰果墊底好香口又唔油淋淋，唔錯唔錯...就呢兩款小食頂咗成個半鐘...人先嚟齊...嗱嗱淋落order....跟住啲菜"撼撼"聲咁上...第一道..啫啫蝦醬通菜樌(冇葉...食得串咗啲)但係好正...真係啫啫聲...蝦醬味又香又濃GOOD跟住嚟嗰啲已經冇晒次序.....因為好急...差啲同成日都唔記得影相...掛住食吖嘛!!! 乾濕蒜爆蝦..唔錯蝦肉彈牙有膏...蒜味十足...正!墨汁墨魚丸墨汁麵，一貫馳名水準，食到黑口黑面，好正，must eat item!!(可惜冇影到相.....)馳
因為仲有朋友晏啲先到嘅關係所以一坐底就叫住啤酒同小食happy住先....人人都知東寶用啲雪凍咗嘅碗嚟飲啤酒...真係零舍不同..好鬼好feel。而小食本應想叫沙薑雞腳...同豉油皇雞肝...點係兩樣都冇，經過侍應哥哥recommend就改成豉油皇雞腳同椒鹽雞腎....個雞腳...好硬...認真麻麻..反而個雞腎就幾OK...仲用啲自家炸嘅腰果墊底好香口又唔油淋淋，唔錯唔錯...就呢兩款小食頂咗成個半鐘...人先嚟齊...嗱嗱淋落order....跟住啲菜"撼撼"聲咁上...第一道..啫啫蝦醬通菜樌(冇葉...食得串咗啲)但係好正...真係啫啫聲...蝦醬味又香又濃GOOD跟住嚟嗰啲已經冇晒次序.....因為好急...差啲同成日都唔記得影相...掛住食吖嘛!!!
乾濕蒜爆蝦..唔錯蝦肉彈牙有膏...蒜味十足...正!墨汁墨魚丸墨汁麵，一貫馳名水準，食到黑口黑面，好正，must eat item!!(可惜冇影到相.....)馳名豉油皇炒麵(後)麵幼彈牙，足味份量大...必食!黃金蝦(前)，蝦肉都係彈牙有膏，甘香...不過略嫌油咗啲...麻辣牛尾(上)...麻得出色，味道一流，肉質嫩滑...仲有支竹同超入味蘿蔔....好好好好好正....必食!! 炸南乳豬手(下)冇想像咁硬..好o趙頭，不過冇咩特別...臨尾乳雲朋友仔叫多個椒鹽九肚魚....甜品(送嘅)...薑汁涼粉條....算係咁啦唔洗錢..又唔係好甜okok。
晚飯小插曲...事原有個喺嗰度執嘢嘅阿姐非常之咁冧漁民朋友仔，成晚走過嚟....好好好攪笑...阿姐你好嘢....
張貼
