更多
2008-07-02
56 瀏覽
回歸日tea time,一支公黎左呢度,睇睇餐牌見到「焗餐肉蛋餐包」,覺得幾得意,一於嗌個試下啦。見到阿姐拎左個餐包入焗爐度焗左三兩分鐘,之後交左俾個男人,佢攪左陣就整好左個包勒。原來佢將個包上下切開左兩半,跟住就將塊炒蛋包住兩塊餐肉放左o係兩片包中間(見圖)。即叫即整,熱辣辣,未食已感覺良好,咬落去,包身少少脆,煎香左又咸咸地既餐肉,加埋餐包既微甜,十分滿足。老實講,本身呢款食物就同餐蛋治一樣極度普通,不過就係因為佢用左餐包,加左少少特色,令佢成個唔同哂。如果時新賣漢堡包都賣到出哂名,難保呢個包包可以打出個名堂。
張貼