金龍泰美食 (已結業)

8月1日, 放咗工之後非常悠閒, 同呀菲去咗大坑散下步搵野食~ 行行下見到間唔係好顯眼既泰國食店, 絕對唔可以用餐廳黎形容, 格局同麵舖差唔多, 用晒摺枱同摺櫈, 不過見價錢幾平, 就試下先~::: 泰式炒金邊粉 ::: $28味道都唔錯, 酸酸地幾開胃, 金邊粉都唔係一pat野, 有雞肉, 魷魚粒, 加埋蛋, 芽菜同蔥都幾足料, 唯一係炒得唔夠乾身, 有d立…::: 咖哩炒蜆 + 白飯 ::: $48 + $8叫呢個係因為見每枱人都叫, 好似好好味, 而佢地既咖哩款式唔係太多, 所以我地都叫咗~ 咖哩比較少辣味, 幾重蛋同椰汁味~ 就咁食好香, 不過配落蜆到唔太夾, 蜆應該叫花甲, 係好大隻, 不過d咖哩入唔到d蜆, 搞到有d淡~ 份量都算多, 有差唔多廿隻, 食食下叫多個白飯澇汁, 好味!::: 龍眼冰 ::: $10杯龍眼冰係有色, 不過唔知係乜黎, 好少可飲龍眼冰真係飲到d龍眼味, 龍眼肉都幾新鮮, 唔錯唔錯~見d侍應同廚師都係泰國人, 應該都幾正宗~ 唔係好多位, 好快就坐滿, 不過係坐得唔係咁舒服~ 野食都好快上枱, 十足快餐~ 真係成日聽人講要食平泰國野就要去九龍城, 原