龜井鐵板燒 (已結業)

女人街裡面其實真係有唔少出色嘅食店, 礙於街邊放滿攤檔, 間接令到好多食客錯過左! 早兩日師傅再次黎到女人街, 而目的地就係呢間食店!師傅都有好耐有吃過人式鐵板燒, 難得食到呢度可以食番餐! 兩口子入到去, 人客唔多, 大把位, 不過最好就係可以坐喺鐵板師傅面前, 因為可以邊看邊吃! 坐底即刻睇下食咩好啦, 商量一陣, 即刻落單, 皆因師傅勁肚餓! 師傅揀左幾款食物鐵板燒, 有牛柳, 羊鞍, 銀雪魚, 珍寶鮮生蠔, 再加左兩款壽司, 一款係熱浪卷, 一款係蝦兵卷, 再加左一枝波子汽水, 同一杯橙汁!先講下鐵板燒, 牛柳份量都幾大件, 肉質新鮮軟熟, 有牛味, 加上煎得好香, 配埋蒜香, 都幾好味, 唔錯; 而羊鞍一客得兩隻, 羊鞍唔算好肥, 不過就非常香酥, 而且肉質好嫩, 幾好; 銀雪魚亦都煎得好香, 魚身夠鬆軟, 不過都幾腥, 唔多吸引, 扣唔少分; 珍寶鮮生蠔鐵板燒師傅都係第一次, 起初都幾擔心, 皆因都幾驚會燒得又老又韌, 點知放入口發覺都幾新鮮, 幾軟熟, 一d都唔老, 再加埋煙肉燒得非常香口, 真係唔錯!而熱浪卷就幾鬼得意, 熱浪卷裡面有d蟹柳, 配少少沙律醬, 而外面就係