帝樂 - 德國餐廳 (已結業)

某一日我同我朋友心血來潮想食德國野，於是我地就一齊上Openrice睇下有咩正既德國餐廳！然後我發現某一間位於尖沙咀新世界中心對面既德國餐廳，嗰度不單止可以飲到麥啤，連影出嚟既嗰隻咸豬手，同我喺德國食嗰隻好似係一模一樣架！好，咁我地就相約快d去試下呢間野！ 麵包外脆內軟，仲要兩款醬比你點嚟食(其實就咁食都已經好好味)！紅色既係牛肝醬，我本人係唔食內臟既，所以只試咗一口，味道係可以接受！另一款呢就係芝士醬喇，香滑既芝士加入香草，味道冇得彈呀！ 德國腸~~最上面嗰條唔好提，因為佢根本就係平時既司華力腸！之於其他嗰d呢，隻隻都好好味架！ 德國咸豬手，d皮好脆，仲要冇咩脂肪！而入面d肉要夠嫩口，先係真正既德國豬手！正 肉丸薯餅！個薯餅好一般！個肉丸又係咸到食唔到！呢個唔得...呢間德國餐我去過幾次！不過佢既水準就時好時壞！我相信係要撞廚師既問題，有一個整得好，有一個整得麻麻！所以你去到嗰日好食與否，就要睇你好唔好彩喇！如果踫到煮比你食嗰個係整得好食既廚師，咁你就有口褔喇！