New York Fries (已結業)

記十二月上旬午間小吃又到割喉減價貴節，在附近遊走就是買不到能容下NetBook的袋，有點累又嗅到香噴噴的炸薯味，陪友人湊湊熱鬧排下隊買杯吃。看大牌寫著手切薯連皮薯條，幾特別，人龍唔算長，牌了三幾分鐘有飯開。要了Pountine，這裡堅稱是手切鮮炸，只看到大堆薯仔箱在炸爐後面，卻看不著手切動作，即炸的，先下芝士然後在保溫壺內倒出牛肉汁，流程簡單明快。友人霸了窗口靚位，哈，估唔到吃炸薯條竟然有靚景睇，雖然只是稍坐再作戰，但總算是增值位。薯條有粗有幼，果然非「機啤貨」，香脆不油膩，隔油功夫幾好，芝士感覺可有可無，倒是牛肉汁又濃又帶著牛骨熬出的鮮味，買了珍寶級的份量，二人一陣就清掉，想不到這裡有烏龍茶買，有點渴，走前買了支走，鬼佬口味店但薯條新鮮熱辣又真的幾好味，比起薯魔高幾班。