近又吉列黑豚專賣店 (已結業)

禮拜二(23/12)經過朗豪坊見佢新開,之前又食開銅鑼灣某吉列專門店,於是走上去試吓,可能係無咩人知佢開左既關係,七點幾上到去唔洗等位又無咩人,跟住就叫左一客吉列千層芝士黑豚肉定食($128)同埋一客吉列黑豚肉拼吉列廣島生蠔定食($168),每個定食都有跟前菜,麵豉湯,白飯同埋椰菜(白飯同埋椰菜可以任加)前菜 - 應該係酸菜黎,因為唔鐘意食所以無食到麵豉湯 - 同一般麵豉湯,麵豉味唔重,落左肉碎落去煲,好有肉味,我自己反而幾鐘意呢個有肉味既麵豉湯椰菜 - 有得揀角切同幼切,我地緊係揀左幼切,不過椰菜絲切得唔夠平均,有d粗有d幼,但係配埋兩種汁(好似係酷汁同青瓜汁)就非常好味,食到唔停口,每人食左三碟有多吉列千層芝士黑豚肉 - 個脆皮做得唔錯,唔油夠薄,食落去無熱氣感,芝士好味,黑豚肉好松較,唔錯吉列黑豚肉 - 即係吉列豬扒,呢個又係好食,豬肉裡面夾雜住肥膏,成塊扒好淋好有肉味,自己反而鐘意食呢個多過吉列千層芝士黑豚肉吉列廣島生蠔定食 - 呢個係全晚最差既,個蠔雖則有蠔味,但係入面完全無汁無水份,比較乾身左d,如果下次再黎都唔會再叫整體黎講,服務唔錯,侍應有禮貌同埋會解釋食法同調味料用法