影片
更多
2009-01-13
24 瀏覽
天寒地凍最好梗係食碗熱的糖水暖下個身啦, 來到福元湯圓本店, 嘩...見到人頭擁擁, 鋪內坐滿人, 仲有十人係度排隊買外賣, 出面又開左幾張檯, 仲有十幾人係度等位同等外賣, 都咪話唔犀利!! 我搵左位後即刻叫碗福元名物.....芝麻湯圓, 正確d應該係生磨黑芝麻湯圓配薑湯($14)福元唔會好似有d糖水店咁煮定左一大煲湯圓, 呢度全部湯圓類都係即叫即煮, 所以一定新鮮可口, 等左十分鐘左右芝麻湯圓熱辣辣送上, 個薑湯望同聞落去都係淡淡的, 但飲了一啖後, 估唔到卻有著濃烈同辛辣的薑味, 我個人則認為個薑湯唔夠甜味湯圓全部自家製, 所以每一粒的形狀大小都有些少不同, 不過都唔緊要啦, 最緊要好味, 湯圓size大槪比一個標準乒乓波細些少, 咬落去塊糯米皮厚度適中, 有咬口而且軟糯, 搓得幾有水準, 然後d黑芝麻餡就好似溶岩咁流出來, 一定要拿拿臨去啜, d芝麻磨得好滑好幼細, 好香芝麻味, 而且有油香, 感覺像食流沙包, 係芝麻餡的流沙, 喜歡食黑芝麻湯圓的朋友一定不容錯過, 好似我咁食過一定愛上不過聽聞其他糖水的水準一般, 都係食番湯圓類穩陣d, 下次試下紅磡分店, 果面環境乾淨而且坐
福元唔會好似有d糖水店咁煮定左一大煲湯圓, 呢度全部湯圓類都係即叫即煮, 所以一定新鮮可口, 等左十分鐘左右芝麻湯圓熱辣辣送上, 個薑湯望同聞落去都係淡淡的, 但飲了一啖後, 估唔到卻有著濃烈同辛辣的薑味, 我個人則認為個薑湯唔夠甜味
湯圓全部自家製, 所以每一粒的形狀大小都有些少不同, 不過都唔緊要啦, 最緊要好味, 湯圓size大槪比一個標準乒乓波細些少, 咬落去塊糯米皮厚度適中, 有咬口而且軟糯, 搓得幾有水準, 然後d黑芝麻餡就好似溶岩咁流出來, 一定要拿拿臨去啜, d芝麻磨得好滑好幼細, 好香芝麻味, 而且有油香, 感覺像食流沙包, 係芝麻餡的流沙, 喜歡食黑芝麻湯圓的朋友一定不容錯過, 好似我咁食過一定愛上
不過聽聞其他糖水的水準一般, 都係食番湯圓類穩陣d, 下次試下紅磡分店, 果面環境乾淨而且坐得舒服d
張貼