影片
更多
2009-03-23
37 瀏覽
從坊間不同的飲食雜誌看到這家新店的介紹，雖則看過都不是很吸引，但碰o岩今日路過附近覺得一試亦無防。我們兩個人走到店前已見有數名食客在門外等候，走入店內了解後原來佢地係唔"比飛"的，只叫食客自行在門外排隊，在外面排隊時你亦可以透過落地玻璃見到廚房出菜好慢/單好亂/店員手腳好慢/眼見有吉檯都不會急著招呼在門外曝曬中既客人，所以排隊期間都聽到前前後後都有人講"要咁樣排真係無下次!"，當然我地亦不例外....自己互相開盤打賭佢地捱到一年？半年？(haha未食就咁講 好似有點過份黑心呢!) 終於等到下一張到我地了，但見一檯客走了.....兩檯客走了....佢地都好似視若無睹一樣! 心想究竟係佢地一心想製造出好多人o係出面排大隊既場面去造勢丫定係怎樣，等了又等...都是按捺不住拉開門大聲問”可以入黎坐未呢!？”登時全店都望過黎，接著老闆呆住了大約2.24秒，再想了一想才答著”mum….可以”，真係未食就飽晒….都一肚氣啦!一坐底就落單(因為o係出面已經有好充份既時間比你揀定)，我地點了一個”北海盜”套餐$35，一份三吋炒蛋三文治$20，三文治要烘底，店員就o係個menu度找了良久才找到烘底+$2(
一坐底就落單(因為o係出面已經有好充份既時間比你揀定)，我地點了一個”北海盜”套餐$35，一份三吋炒蛋三文治$20，三文治要烘底，店員就o係個menu度找了良久才找到烘底+$2(查實個meun真係精簡到不得了)，之後我又多口問句凍飲使唔使加錢，店員就翻一翻個menu就答道”凍飲+$2”，落完單後我再細看menu一次，明明只係寫烘底加$2而凍飲就無寫明，相信係無聊IQ起了作用，所以好容易就記得除左加冰之外重可以加乜將熱咖啡變成凍咖啡。店員覆單後再三提醒大約要再等十五分鐘，都無計啦….反正都洗濕左個頭咯，佢地又咁出名係”蛋”(等)，乜都要蛋，你要蛋蛋……
轉個頭”樸”一聲凍啡上檯，一望…點解得八成滿既(即係連冰計 離杯邊一吋有多)，個色仲淡過奶茶，重直迫”呵力”添，好 同自己講”唔好咁快覺得人地有問題住…可能係自己唔識野o者，北海道咖啡應該係咁既”，試一口….頂....真係受不了.....似係洗咖啡杯既奶水!!! 同店員換了杯熱啡 要奶另上，熱啡一上檯，眼見啡面有一層咖啡油，唔錯，但似係同本地咖啡商買的日式炭燒咖啡粉，唔係所謂的come fm japan，但最出事的係咖啡奶，佢竟然係比植脂淡奶喎，連果一小份既奶都唔用佢地既綽頭3.6牛奶，請問誠意何在呢？! 好在我飲齋啡!
等了又等…套餐的多士/火腿/炒蛋到了，全凍的!!! 炒蛋唔係預期中嫩滑，係乾巴巴的煎蛋皮。又等到叉燒湯意出場，意粉無澳洲牛奶公司的過”林”，佢地又標榜絕唔落味精，原來係取巧地換來淡而無味既湯底，間中又會嘗到幾口重重的胡椒味….差!!!
萬眾期待既三吋炒蛋多士…..全完唔係雜誌上影既，果然真係相片只供參考，我唔知點至睇到係三吋……唔通係要棟起份多士黎計？! 中間個炒蛋又係唔滑既，只係疊多兩塊蛋落去加厚佢，又食唔到有咩奶味，唉….唯一希望都無埋!
用餐期間有幸見到隔離檯有個太太單拖黎幫襯叫了套餐重加多份我預無人會order既魚子醬多士$60，不過這店一視同仁，無優待這個豪客，這太太都係三吹四請至有一小杯鮮奶到肚，及後更大聲叫入廚房佢重有咩未上，當時真係凳烘緊多士既老闆難憾，最後見到果份傳說中既魚子醬多士係一片方飽開四….真係咁都夠膽死!
店內採用半開放式廚房，你可以睇下點解咁少客，食物咁簡單，點解都可以搞到咁，又可以睇下個老闆o係度陶手”塞”o的方飽入個多士爐度，又再陶手去拎上碟比你食，係咪多左一份人情”味”呢!
哩一個快餐連埋等檯我地總共花了約個半鐘(查實半個鐘都嫌耐)，你要黎食可能要請半日假至好黎，不過又激氣又會覺得娛樂性相當豐富。
總括黎講，唔好以為改個"北海盜"日本名 o係雜誌買下膳稿就可以搶客錢!
綽頭不足 質素連茶檔應有既都未做到，奉勸老闆一句 一係即刻轉形 一係襯裝修同架生伸新 拿拿聲搵人頂手好了!
最後向各食客順帶一提，全店最可靠的是單點牛奶!(不過在大形超市有售)
張貼
