八八八拉麵 (已結業)

香港的日本拉麵開到成行成市, 但其實正宗得來又好味的只有好幾間, 一隻手到數晒, 例如札幌元祖, 山頭火, 一平安同呢間八八八...可能已經過左食晏時間, 唔算太多人, 來到叫個午市套餐($45), 有一碗細拉麵, 3隻日式煎餃子同汽水或綠茶, 我要左麵鼓湯拉麵, 坐係對住開放式廚房, 見到個日本師傅收到order後即叫即煮, 個麵底比平時細些少, 而且用上北海道師傅常用的煮法--在湯內加入大量肉碎, 芽菜, 洋蔥炒過再放到麵上, 令湯底更濃味可口, 再放上叉燒, 筍同蔥, 先飲一口湯, 麵鼓味道香濃帶有微辣, 拉麵則比較粗而且孿孿的, 煮得頗爽口彈牙, 叉燒軟綿綿的好好味, 可惜午市套餐只得一至兩片日式煎餃子雖是熱辣辣, 但塊皮軟軟濕濕的, 煎得唔脆香口, 肉饀鬆散, 唔好食呀另叫左一隻滷水溏心蛋($12), 單看賣相其實已知道不錯, 食落去果然滷得好入味, 蛋黃未全熟, 有少許流出來, 真的有溏心的效果. 甚有水準, 完全體會到師傅的功架同經驗三間八八八分店中, 始終鍾愛紅磡這一間 , 可能因為黃埔有不少日本人居住, 而且人流較少, 加上日本師傅水準最穩定, 所以好喜歡佢地的