金寶 (已結業)

工友食評三點幾去到，無咩人大把位﹗睇一睇套餐是四至五款湯河，但都唔岩胃口﹗而我最想食既生牛肉湯河就無得揀，所以只有散叫，四十蚊碗﹗牛肉脂肪少，牛味香濃，是我吃過那麼多間越南野中牛肉最好的，半生熟灼得恰到好處，嫩中帶滑亦香，後悔最後才吃牛肉，搞到變左全熟失卻半生熟的性趣﹔河粉吃落正宗，湯底香濃，帶點點味道像椰奶香，減緊肥的我也成碗食哂湯又飲埋，真係停不了口﹗牛河配菜比較少及簡單，這反而令我可細嚼湯底及牛肉之味，十分好﹗無骨鳳爪勁辣，岩哂我脾胃，唔會就番香港人口味，嗜辣的我吃得相當過癮﹗十分之好﹗凍coffee就比較失色，茶記一定做得好過佢﹗