影片
更多
2009-07-05
16 瀏覽
5-7-2009呢日 lunch 要自己搞掂, 知道呢度開了間麻辣店, 又嚟試試. 叫了口水雞飯午市套餐 ($40), 跟例湯, 油菜及飲品 (亦可選糖水).油菜係唐生菜, 夠爽脆, 醬汁味道似甜豉油, 但又帶點酸, 唔知咩嚟?例湯係木瓜花生雞腳, 味道帶點苦, 加上本身最憎木瓜湯, 飲了一啖決定放棄.口水雞係呢度招牌之一, 對佢幾有期望, 亦果然無失望 -- 醬汁辣度剛好 (不過我的受辣程度只屬小學級, 嗜辣的可能覺得唔夠), 幾麻, 十分惹味, 送飯一流; 雞件皮薄脆, 肉滑, 仲食到點雞味, 正 底部的青瓜絲亦得, 爽爽脆脆, 配上辣汁, 清甜味更突出, 好食.飲品係夠凍及「奶」得很的凍奶茶 (凍飲加 $2), 味道麻麻, 但救火一流. 店內乾淨企理, 老闆娘 (?) 好客又幾友善, 帶點家庭式作業 feel, 感覺不錯的一個地方.$42 埋單 (唔使加一), 唔知有無機會多 d 人嚟試其他食物? 好想食麻辣煲及原味焗蜆!
呢日 lunch 要自己搞掂, 知道呢度開了間麻辣店, 又嚟試試. 叫了口水雞飯午市套餐 ($40), 跟例湯, 油菜及飲品 (亦可選糖水).
油菜係唐生菜, 夠爽脆, 醬汁味道似甜豉油, 但又帶點酸, 唔知咩嚟?
例湯係木瓜花生雞腳, 味道帶點苦, 加上本身最憎木瓜湯, 飲了一啖決定放棄.
口水雞係呢度招牌之一, 對佢幾有期望, 亦果然無失望 -- 醬汁辣度剛好 (不過我的受辣程度只屬小學級, 嗜辣的可能覺得唔夠), 幾麻, 十分惹味, 送飯一流; 雞件皮薄脆, 肉滑, 仲食到點雞味, 正 底部的青瓜絲亦得, 爽爽脆脆, 配上辣汁, 清甜味更突出, 好食.
飲品係夠凍及「奶」得很的凍奶茶 (凍飲加 $2), 味道麻麻, 但救火一流.
店內乾淨企理, 老闆娘 (?) 好客又幾友善, 帶點家庭式作業 feel, 感覺不錯的一個地方.
$42 埋單 (唔使加一), 唔知有無機會多 d 人嚟試其他食物? 好想食麻辣煲及原味焗蜆!
張貼
