大圍合發雞粥 (已結業)

周日又係搵食時，左諗右諗在沙田真係無野好食，於是去大圍行下﹗強記後面就係呢間合發雞粥，見人夠多應唔會差得去邊就試一試﹗先來雞粥，粥底夠綿，味道適中有雞味，叫一碗$20的都有好多雞肉，之前食過幾間0的雞粥既所謂雞肉全部都係頭頭尾尾無肉食，合發出品的肉多過骨，我同食家也很滿意。之後係南乳雜菜煲，呢排xmas又新年日日大魚大肉，都係時候清清腸胃，0的菜多到滿濕，有西洋菜、西蘭花、白菜、生菜、滿滿的，南乳味道恰到好處不會過鹹，清清的好好食，我地兩個成煲食哂﹗最後來的是沙律芝麻蝦，一碟有成十幾隻，中蝦大隻爽口，用炸粉先炸起再撈沙律汁及芝麻，香脆可口，惹味醒胃，很不錯的餸菜，不過由於兩個人食成碟就膩左一點，四人可叫share會更佳﹗連埋哈爾賓beer一支埋單百二蚊，抵食家庭小菜，仲見到佢有乳鴒，下次可以試下﹗