松屋日本料理 (已結業)

呢個鋪位又係一個死位，由五十嵐開始就不斷的易手，轉了四至五手，轉到頭都暈。今時今日，到了松屋日本料理。環境沒什麼特別，不在此長氣，單刀直入談食物。放題形式，刺身、壽司、天婦羅、炸物、串燒等等，任你吃個夠。反正是任點任食，由朋友話事，叫咩我食咩。先刺身，三文魚是厚切，但未算鮮甜，中規中矩；鮑片要好一些，幾爽口，不韌。若刺身屬中等水平，壽司就是不濟。飯糰握得不好，吞拿魚非常差，不單唔甜美，甚至有渣；魷魚幾韌，欠缺鮮味。天婦羅也來幾款，炸蝦、蕃薯、茄子，炸得鬆脆香口，不會油膩，後兩者我覺得不錯，可惜蝦肉有點霉，太浪費了。至於餃子，皮又厚又硬，過份乾身，我唔欣賞。再來是腐皮蝦，外皮韌韌的，蝦總是霉的，不行了；炸廣島蠔，色澤不錯，可是粉漿是厚得過份，蠔細得離譜。翡翠螺幾大隻，厚肉，又幾爽口，可以接受；枝豆一向是我喜歡的食物，爽脆清新，我吃了不少；炒什菜則稍嫌太油。串燒自然少不了，牛舌爽而不韌，味道好；鵪鶉蛋香口，口感實在；粟米有少許燶，幾吸引；紫心蕃薯，又甜又軟身，也好吃；幾款串燒，均吃得過。最後就是雪糕了，有香芋、綠茶、芝麻和菠蘿四種口味，我只要了最後者，貪其清新，雪糕裡頭有粒粒果乾，更有層次