影片
更多
2010-06-24
40 瀏覽
不想馬虎, 早已頭痕第100篇食篇寫邊間, 剛好遇著試食會, 現在可說是天作之合首先要先講今次試食會既主題『創新西餐體驗試食會』, 暫時參加過的試食會, 主要係為左打響自己既招牌, 而將最好既呈現係食客既咀前, 今次則有少少分別, 印象中今日既菜式, 除左甜品飲料之外, 都係餐牌無的, 所以佢可算係真係睇中左『開飯』強大既食友團, 而想來看看市場反應我同意大廚所講, 這次試食, 主題是創新, 當然係用人家心中所想來煮給你吃, 這是等價交換的問題, 人家免費付出請你吃晚飯, 你當然要付出你的胃舌來做個測試, 給予中肯既竟見好等餐廳改良, 所以如果我既食評有甚麼得罪之處, 還請餐廳多多包涵一向對樓上cafe興趣不大, 主因是水準參差, 一大班人也很少會去這些地方, 今次試食確令我大開眼界, 店主對裝修很講究, 根據侍應所講, 店主連燈都係精心揀過, 親力親為, 牆身傢俬大都是統一用鱷魚皮面, 以金色跟黑色為主, 再配少量粉紅粉藍公主椅, 與其說裝潢以維多利亞時期的英式風格, 不如說有點似哥德風因為cafe另一主題是party, 所以其實有大量玩意供客人玩, 聞說pictionary呢d比較
首先要先講今次試食會既主題『創新西餐體驗試食會』, 暫時參加過的試食會, 主要係為左打響自己既招牌, 而將最好既呈現係食客既咀前, 今次則有少少分別, 印象中今日既菜式, 除左甜品飲料之外, 都係餐牌無的, 所以佢可算係真係睇中左『開飯』強大既食友團, 而想來看看市場反應
我同意大廚所講, 這次試食, 主題是創新, 當然係用人家心中所想來煮給你吃, 這是等價交換的問題, 人家免費付出請你吃晚飯, 你當然要付出你的胃舌來做個測試, 給予中肯既竟見好等餐廳改良, 所以如果我既食評有甚麼得罪之處, 還請餐廳多多包涵
一向對樓上cafe興趣不大, 主因是水準參差, 一大班人也很少會去這些地方, 今次試食確令我大開眼界, 店主對裝修很講究, 根據侍應所講, 店主連燈都係精心揀過, 親力親為, 牆身傢俬大都是統一用鱷魚皮面, 以金色跟黑色為主, 再配少量粉紅粉藍公主椅, 與其說裝潢以維多利亞時期的英式風格, 不如說有點似哥德風
因為cafe另一主題是party, 所以其實有大量玩意供客人玩, 聞說pictionary呢d比較新既都有, 可惜係我地一班飯友開頭不是很熟絡, 未有試玩
另一問題是冷氣不夠, 還以為只有我一個係咁諗, 原來最後其他飯友都有同感, 希望店長留意一下, 如果局部地區性多人, 冷氣可能分佈不平均
廢話少說, 講講是晚試菜菜式之前, 不得不提以下菜式都是for飯友only, 開飯工作人員是吃少許在菜牌的東西 (即不是創意料理), 老實說, 此舉令我有點反感, 只是三名的工作人員應該不會差很多吧? 還是之前溝通有問題所以材料不夠? 我敢講, 佢地既『食齡』應該比我地高很多, 佢地既意見應該會比我地有用好多, 為何咁近城隍廟都唔求番枝好籤?
係食野之前先黎左個飲品, 飲品種類非常多, 還好侍應對飲品很清楚, 好有心機介紹, 不然我相信尋常食客應該係唔識揀的, 我叫左杯碧咸 (世界盃嘛), 是由百利甜酒、伏特加、焦糖、朱古力調出黎既酒, 初時好怕好重酒味, 好在黎到之後還好, 而且看來其他飯友的調酒也是不錯的
先來一客法式香煎鵝肝配青蘋果蟹肉紅酒醋, 蟹肉經過特別處理, 有點像薯茸, 蟹肉不是很濃味, 另有一像炸雲吞皮的盛著青蘋果, 青蘋果很青甜, 可是炸雲吞皮有點像用"萬年油"炸出來之物, 臭油味令人吃不下, 鵝肝麵包對辦, 鵝肝入口即溶, 如能再煎香d會更好
再來一味海膽松葉蟹腳米紙卷, 對不起, 我沒看餐牌就把海膽魚子一口吃下, 海膽不算很多, 害我察覺不到, 還好吃進口還及時感覺得出來, 松葉蟹腳米紙卷很清新, 但說實話, 是浪費了那松葉蟹腳, 日式醃蘿蔔和沙律菜搶去太多風頭, 完全吃不出是松葉蟹
到此為止, 還是頭盤size, 不是很大碟, 之後來的暖鮑魚芒果牛油果沙律也如是, 鮑魚已起肉切細件, 出乎意料地這個煮得很腍, 類似日式既煮法很好, 清清地但吃到鮑魚的鮮味, 上面那少少的煎蛋原來是鵪鶉蛋, 但芒果牛油果沙律在那? 原來在旁邊的少少伴菜裡, 牛油果很香, 跟芒果很配, 但其實跟鮑魚沒甚麼關係, 其實跟海膽松葉蟹腳也是一樣, 菜名的兩樣主打其實是完全沒關係的, 如果只是為單調而加的配搭, 我看就不必了
之前三味也只中規中矩, 甚至是有點失望, 但到火焰燒香草吞拿魚片伴煎薯茸就好點了, 吞拿魚片先原條用點點海鹽黑椒醃好再燒, 侍表面熟但內裡生再切片加檸檬汁上碟, 因為太熟吞拿魚會一切即散, 吞拿魚片無論味道調味都不俗, 如果這是頭盤份量就剛好, 但如果是主菜就略嫌份量不足, 薯茸是有心機, 先是切成超幼絲再炸, 薯仔靚, 炸完當然好味, 到這一碟開始挽回一點分數
終於到湯, 法式海龍皇湯伴意式蟹肉雲吞登場, 這個又是失望之作, 湯賣相很好, 還以為很濃味, 一喝之下, 感覺像溝了水般, 味道是有海鮮, 但太淡了, 加了海鮮更有點敗北, 因為像是天與地互不相干煮完後放埋一齊般... 海鮮有龍蝦仔、青口、蜆、魚塊、魷魚, 只有蜆跟魷魚合格, 龍蝦太小沒肉吃, 如果只是為放上而放上就不必了, 魚塊連魚皮不是問題, 問題是魚皮煎過後放湯賣相很差... 青口問題不是很大, 純粹因新品種而吃不慣
白酒香茅煮加拿大藍青口是用杯上, 有點心思, 當然還是味道最重要, 今次試食會的青口不是我地平時食開的大大隻新西蘭青口, 而是偏向細隻的加拿大藍青口, 白酒香茅汁很不錯, 但我始終覺得這款加拿大藍青口不是我杯茶
忙了問大廚這味日式燒麵豉黑雪魚跟平常吃到的銀雪魚有甚麼分別, 黑雪魚肉很滑, 日式做法很配合黑雪魚, 只是麵豉汁咸了點, 必需要點雪魚吃, 雪魚上的豆腐完全不明白有甚麼作用, 因為是麵豉汁所以要有豆腐? 那真的對不起, 豆腐太小, 毫無豆味或吃不出有豆味, 還是剔走較好
澳洲穀飼肉眼配西西里海鹽伴黑松露醬是驚喜, 正當以為這個時候來塊牛扒會吃不下之際, 一吃之下原來很美味, 大廚說這是A5和牛, 再用海鹽只煎熟面至四成 (廚師沒問飯友要求, 應該是覺得四成才最好吃吧, 不過我覺得還是先問一下各位的需求, 而不是一律來個先斬後奏, 生牛煮成四成), 怪不得這麼嫩和富牛味, 牛扒很薄, 一切已知很juicy, 配海鹽已很足夠, 黑松露醬反而太搶牛味
其實雪魚跟牛扒也是高水準之作 (不計伴菜), 正想再為今晚加分之際, 就被波士頓龍蝦意式燴飯打沉, 與其叫佢做『飯』, 不如稱之為『米』吧, 粒粒『米』心感覺還是生的, 早聞意大利本土飯是這樣, 但我相信除非target是外國人甚至係意大利人, 否則不用煮得這麼硬吧, 為當地飲食文化作改良也是廚師的功力所在, 我真的怕胃痛, 還是揀了龍蝦肉吃算了
甜品雖是任叫, 但是上菜速度不容我這麼做, 吃完龍蝦飯已經差不多是晚上11點, 以這速度, 再多整兩個甜品可能要到12點才有得吃, 其實我相信廚房應該保留左一定人手serve正常客人, 所以不是全人手準備我地既食物, 但如果呢d菜式要推出市場, 上菜速度是一大值得注意既地方係
甜品叫左一客朱古力心太軟, 皮是硬身蛋糕, 一開朱古力如泉湧, 朱古力味濃, 我喜歡佢既蛋糕皮, 硬硬的可以盛起朱古力漿同雪糕一齊食, 不傀為招牌, 餐牌寫要等15分鐘也是值得的
不得不提是開飯工作人員吃的那一碟龍蝦汁寬條麵, 小弟有幸"黐"了一條試味, 發覺非常不俗, 是晚除了牛扒雪魚吞拿魚外, 這一味絕對贏晒, 龍蝦汁非常夠味, 鮮蝦同龍蝦仔亦夠多, 其實餐牌的三味碧咸、朱古力心太軟、龍蝦汁寬條麵都非常不錯, 如果是吃正常餐牌餐, 我可能會俾笑, 但今次既試菜真的還有地方需要改良, 我只會覺得是OK, 話分兩頭, 如果這一餐我要付錢, 我相信那碟『米』我一定會叫換過
那邊廂友人傳來sms, 葡萄牙贏7:0, 心中不禁乏起一個疑問, 究竟是這邊晚餐精密, 還是7:0精彩呢?
張貼
