影片
更多
2010-06-24
28 瀏覽
好開心, 因為好好彩地又被openrice抽中試食, 今次係食新派西餐............當日7點左右到達, 又未夠鐘開始, 所以周圍影相, 呢度d裝修有d宮廷式再加其他特式, 因為每個角落都有唔同, 好特別.................食物方面 : 水準唔錯, 無論色、香、味.................服務方面 : 個個都好nice, 又笑容滿面, 絕對好客...............openrice新派西餐菜單如下 :- 法式海龍皇湯伴意式蟹肉雲吞 -> 除咗有雲吞之外, 仲有蜆(唔算大隻, 但起碼冇沙)、藍青口(太細隻)、煎魚(有皮又有骨, 唔太好)、魷魚圈(唔un), 個湯好似好多蒜茸同洋蔥, 可能驚d海鮮有腥味, 但味道唔太濃, 可接受, 至於個蟹肉雲吞, 好明顯全部蟹肉, 好真材實料~ 香煎鵝肝配青蘋果蟹肉紅酒醋 -> 呢款分個3個部份, (1)鵝肝外脆內軟, 可惜個麵包un咗, 如果個麵包脆d同熱d就perfect~~ (2) 將青蘋果切薄粒, 放入炸雲吞皮做成的兜, 有d酸酸地類似沙律醬的汁, 面頭有好爽口的紅菜頭 (3) 蟹肉紅酒醋
當日7點左右到達, 又未夠鐘開始, 所以周圍影相, 呢度d裝修有d宮廷式再加其他特式, 因為每個角落都有唔同, 好特別.................
食物方面 : 水準唔錯, 無論色、香、味.................
服務方面 : 個個都好nice, 又笑容滿面, 絕對好客...............
openrice新派西餐菜單如下 :-
法式海龍皇湯伴意式蟹肉雲吞 -> 除咗有雲吞之外, 仲有蜆(唔算大隻, 但起碼冇沙)、藍青口(太細隻)、煎魚(有皮又有骨, 唔太好)、魷魚圈(唔un), 個湯好似好多蒜茸同洋蔥, 可能驚d海鮮有腥味, 但味道唔太濃, 可接受, 至於個蟹肉雲吞, 好明顯全部蟹肉, 好真材實料~
香煎鵝肝配青蘋果蟹肉紅酒醋 -> 呢款分個3個部份, (1)鵝肝外脆內軟, 可惜個麵包un咗, 如果個麵包脆d同熱d就perfect~~ (2) 將青蘋果切薄粒, 放入炸雲吞皮做成的兜, 有d酸酸地類似沙律醬的汁, 面頭有好爽口的紅菜頭 (3) 蟹肉紅酒醋始時比大家的印象是似薯茸, 但食落有d蟹味, 原來係主要用蟹肉再加其他野打勻而成, 口感好特別, 好新奇, 好難形容~~
暖鮑魚芒果牛油果沙律 -> 唔好以為係1隻整暖咗的鮑魚+芒果牛油果沙律咁簡單, 其實係將鮑魚切粒, 再放番上個鮑魚殼上, 最特別之處係面頭加1隻煎鵪鶉蛋......... 人生第一次食煎鵪鶉蛋, 好Q, 味道其實同荷包蛋冇乜分別~~ 至於芒果牛油果沙律, 其實係將芒果同牛油果切到超細粒, 加埋d醬汁, 圍圈伴在鮑魚邊..............
海膽松葉蟹腳米紙卷 -> 米紙本身冇味, 所以包咗1層生菜, 生菜內再包黃蘿蔔、松葉蟹腳, 食果時一定要成舊食, 咁先一次食齊所有味...........但海膽得1小撮伴碟, 食咗都唔覺.........我覺應該放在米紙卷上一齊食, 咁先正...........
白酒香茅煮加拿大藍青口 -> 太勁香茅味, 反而冇乜白酒味, 我唔太接受香茅煮青口, 都係用嚟煮豬扒或雞翼好食d..........不過賣相好特別, 係放在酒杯上枱, 用小麥草之類鋪底, 面放3隻青口, 加d蕃茄碎同洋蔥碎...........但由於d青口係打直上, d汁保留唔到在青口裡, 變咗好似乾咗d.............
日式燒麵豉黑鱈魚 -> d鱈魚好滑, 又冇骨, 我仲可以一片一片食.........原來d魚肉用咗日本清酒醃過,,,,,,,,,開頭以為d麵豉醬會好鹹, 但又唔會, 仲有少少甜味tim~~
火焰燒香草吞拿魚片伴煎薯茸 -> 主角原本係吞拿魚片, 但我覺得主角應該係煎薯茸, 正確嚟講唔係薯茸, 而係薯絲, 當你食落口時有好香薯仔味, 原來係用美國薯仔刨絲再炸, 但一d都覺得油, 好似食緊薯片咁, 反而個吞拿魚片只係一般, 冇特別.............
澳洲穀飼牛肉眼配西西里海鹽伴黑松露醬 ->塊牛肉眼面煎得好香好靚, 但可惜d肉太生, 面頭仲有血水..........我個人接受唔到lor~~但都試咗, 好香肉味, 一d都唔似急凍肉, d肉好嫩, 再點埋個黑松露醬..........已經唔記得佢太生...........如果唔係咁飽, 真係可以食哂成塊扒呀!!! 但宜家食得一半, 好似好嘥...........
波士頓龍蝦意式燴飯 -> d飯好硬, 雖然我知道意大利飯係硬, 但佢硬到好似食緊生米咁.........所以我都係淨係食咗d龍蝦肉...........但我覺得再焗香d會好食d同吸引d~~
甜品 -> 試咗好多款, 因為大家一齊share食, 每樣食一啖.......haha~~ 心太軟 -> 個面焗得好脆, 但內裡又好軟, 一刀切開, d朱古力醬好似岩漿咁湧出嚟.............正!!! 香芒拿破侖 -> 香芒就好食, 但個拿破侖就太硬, 似餅乾........ 夢幻彩虹美式班戟 -> 超多生果, 又新鮮, 但可惜個主角唔好食, 太粉........... 紅豆綠茶綿綿冰 -> 食落冇乜綠茶味, 得冰水味.............d布甸又淡....... oreo木槺布甸 -> 唔重奶味, 淡淡地幾ok~~
飲品 -> 我選咗蘆薈檸檬梳打, 因為今晚太heavy, 要飲番d幫助消化飲品, 但唔知點解得一片檸檬, 竟然酸過茶記d幾片檸檬, 真係好幫到我消化......... 蘆薈都有十數粒, 好食.........
總括嚟講, 今晚餐飯實在過於豐富, 大部份都好好食, 而且好特別, menu上未必搵到.........食完之後仲安排大廚出嚟傾計問問題, 等大家清楚知道食緊d乜同點樣做!! 由於實在太豐富, 無論節目同食物, 所以我地由未夠八點開始, 食到差不多12點.............好眼瞓.........但都好值得, 希望下次再有機會試食~~
由於掛住食嘢同周圍影相, 果度有好多game提供, 但都冇時間玩..............可惜~~
張貼
