影片
更多
2010-06-26
16 瀏覽
身為曼聯躉，晌曼聯廳餐睇波感覺好正，因為周圍都係曼聯名物，自然更加親切投入，如果有我偶像史特根嘅相，一定埋去影番張合照呀！是夜得Openrice揀中出席「開飯球迷狂歡夜」睇英格蘭 VS 斯洛文尼亞嘅直播，榮幸至極，入場費要$280一個人，真係要多謝晒OR同曼聯廳餐至得。雖然英格蘭唔係我最心水支持嘅國家隊，但情意結下都鍾意佢，所以盡撐英格蘭晌依場分組賽最尾一輪哩個絕地反擊，許勝不許和架！先講個場，全場160個位座無虛席，甚有氣氛！ 1. 環境一流，因為地方夠寬敞，唔會好似某些Bar/Pub咁，逼到插針都插唔入，遇有精彩閉門或撲救郁吓都難，晌依度就唔會，多咗空間感，起身點郁身郁勢都得，唔怕撞親人。2. 視覺又一流，全場足有17部大電視，梗有一部係左近，無論你坐晌邊個位置，都可以盡情睇直播，唔怕錯過每個片段。再震撼D嘅，揀坐晌餐廳最尾，有部103吋Plasma超大電視，晝面一樣咁清晰，感覺就仲正，影住球員大頭時，感覺好似佢就係企晌你隔離咁呀！3. 氣氛仲一流，因為全城齊撐英格蘭，同聲同氣自然夠晒氣勢，有進攻就齊齊叫「上呀！上呀！」，有閉門又齊齊叫「射呀！射呀！」，有射門但撻晒Q嘅就更加齊齊「
先講個場，全場160個位座無虛席，甚有氣氛！
1. 環境一流，因為地方夠寬敞，唔會好似某些Bar/Pub咁，逼到插針都插唔入，遇有精彩閉門或撲救郁吓都難，晌依度就唔會，多咗空間感，起身點郁身郁勢都得，唔怕撞親人。
2. 視覺又一流，全場足有17部大電視，梗有一部係左近，無論你坐晌邊個位置，都可以盡情睇直播，唔怕錯過每個片段。再震撼D嘅，揀坐晌餐廳最尾，有部103吋Plasma超大電視，晝面一樣咁清晰，感覺就仲正，影住球員大頭時，感覺好似佢就係企晌你隔離咁呀！
3. 氣氛仲一流，因為全城齊撐英格蘭，同聲同氣自然夠晒氣勢，有進攻就齊齊叫「上呀！上呀！」，有閉門又齊齊叫「射呀！射呀！」，有射門但撻晒Q嘅就更加齊齊「妖妖」聲，講到有靚撲救或靚攻門，拍爛手掌啦，總之，令人好有投入感。
再講食，大會免費提供每人一份小食，兩杯嘢飲，我同個老友就揀咗脆炸洋蔥圈同炸魷魚圈。因為小弟唔好酒，雖眼見餐牌都有好多選擇，可惜未能一嚐，只好飲汽水啦！
1. 脆炸洋蔥圈 – 脆漿唔算厚，不過一般哩講，好多餐廳嘅炸洋蔥圈都好少失手，依度都係，以佐酒小食哩講，我幾鍾意炸洋蔥圈。反面點洋蔥圈嘅酸忌廉醬就做得幾正喎，唔係就咁一pat現成酸忌廉，內裡好似加咗D蔬菜粒同煙肉碎，唔係齋得個酸字，有層次。
2. 炸魷魚圈 – 感覺有少少橡筋，配隻甜酸醬，普普通通啦！
最後英格蘭小勝１：０，當然開心啦，正如下面南瓜兄所講「是夜有得飲，有得食，有得睇，又有獎品（雖然唔係個個都有）」，仲係免費，點會唔開心呀！
張貼
